أسوء مقابلة على الاطلاق

[شموسة الجزائر]

السلام عليكم
اليوم وكيما كل الناس هيات نفسي باش نفوت المسابقة على أمل النجاح مع العلم اني متحصلة على الليسانس في التاريخ دفعة 2011

اول خطأكان تنظيمي في الحق لازم يديرو الارقام يالترتيب ونفوتو على هذا الأساس لكن ..... ايا ماعليش الاخير في الأول والأول في الأخير حتى 12 باش وصلت دالتي وياريت ما وصلت

قلت السلام عليكم وجلست

قرات الاسم وقالت كاين فلانة في المتوسط عندها نفس اللقب تعرفيها قلت لا

ماهي أطوار التعليم قلت كاين 3 أطوار

قالت بغضب أذكريها
قلت الابتدائي المتوسط الثانوي

قالت ماذا درست قلت تاريخ

قلتلي نوضي ....نضت عادي وقلت شكرا قالت اقعدي قعدت

قالتلي نوضي ....نضت عادي قالت اقعدي قعدت

قالتلي نوضي ....نضت عادي قالت اقعدي قعدت

قالتلي نوضي ....نضت عادي قالت اقعدي قعدت وكانت تزير وجهها في كل مرة اللي غاضتني الطريقة اللي قالت بيها والله كون جيت نطلب عنها كان عاملتني أحسن المهم في الأخير غاضتني عمري لما زادت طلبت انوض قلتلها هذا استفزاز قالت بكل بروووووووودة لااااا هذه هي الاسئلة وانا والله كنت داخل القسم لي يفوتو فيه فاتو على عيني ما يزيد عن60 وحدة الا انا لي دارتلي هكدا


المهم حسبي الله ونعم الوكيل خرجت بلا 3 نقاط بسبتها لكن ...عسى أن تكرهو شيئا وهو خير لكم ......

سلاااااااااااام

ال

[MEKKI DAOUADJI]

HHHHHH tohseb 9riti sport mechi histoir mziya magatlekch jri f la classe malha hadiii

[mohamed mahi]

وعليكم السلام

أمثال هذه مليح لي يسبها ويجي خارج وينعل بو خدمتهم

[شموسة الجزائر]

المشاركة الأصلية كتبت بواسطة mekki daouadji

hhhhhh tohseb 9riti sport mechi histoir mziya magatlekch jri f la classe malha hadiii

المشاركة الأصلية كتبت بواسطة mohamed mahi

وعليكم السلام

أمثال هذه مليح لي يسبها ويجي خارج وينعل بو خدمتهم

المشاركة الأصلية كتبت بواسطة kadikirou

eeeeeeeeeeh ya okhti rabi ykoun fi 3ounek choufi anatani kifeh kanet al moukabla ta3i ay fi mawdo3

هذي بلادنا لازم تنذل باش تصحلك خدمة

[b-ilhem]

والله نفس الشيء يقابو بطريقة مستفزة و مشنفين يسالو اسئلة تافهة و شكرا و صفر

[lila z]

سلام أختي
عساها خير إن شاء الله
و باينة المخلوقة تكره هاديك اللي سقساتك عليها
لأنه اللي صرالك قمة الحقارة منها ماشي استفزاز
ربي وكيلها فقط .. اللجان راهم في راحة و ما يحسوش بالممتحن
احنا الحمد لله جازت لاباس و أساتذة ما شاء الله
مرة استاذة يسال مرة استاذ
كاين أستاذة متناسين أن التعليم أنبل مهنة دنسوها الله يهديهم

موفقة أختي و بلاك ربي مكتبلك ما خير

[economica]

اختي ما حصل مؤسف جدا،لكن كيف عرفت انه تم اعطائك 0 في المقابلة،لا تتسرعي اختي حتى تظهر النتائج،لما تظهر النتائج وتشوفي 0 بعدها سهلة،اخسري عليها ليلة توظئي وصلي وادعي ربي فإن دعوة المظلوم ليس بينها وبين الله حجاب.صدقيني غير دعوة اصعب مما تتصوري وبالتجربة.

[Bilal Constantine]

بالتوفيق و السداد
وعسى أن تكرهوا شيئا وهو خير لكم وعسى أن تحبوا شيئا وهو شر لكم

[شموسة الجزائر]

حسبي الله ونعم الوكيل

[malekk2014]

هل تحتسب سنوات التدريس في التكوين المهني ادماج كخبرة مهنية أم لا ارجو الاجابة

[oussmina]

أختي أنساي هذا الموقف وأدعي ربي وفقك ويجازيها ربي على فعلتها
إسمها وزارة التربية والتعليم
التربية هي أساس هاذي المهنة
ربي يوفقنا إن شاء الله

[محمد الوليد]

ربي يعوضك ما خير و الله يهدي ما خلق حسبين روحهم ما نيش عارف واش و هوما والو

أنف في السماء و است في الماء.

[noussa nasnoussa]

حتى أنا كي دخلت قالي وسمك جاوبت وبعد هيه كملي قتلو هل أعرفك بنفسي وهو طبعا بملل هز رأسه يعني وليت نسقسي ونجاوب بويسك لي عقبت عندو مديقوتي المهم عرفت بنفسي وقلت أن عندي سنتين خبرة في المجال وذكرت المؤسسات التي عملت بها وبعدها قالي لماذا اخترتي هذه المهنة طبعا تكلمت بك حماس وأبديت رغبتي وحبي للمهنة من الأهداف التي ذكرتها أني أرغب في المساهمة في بناء شخصية الطفل ومن ثم المساهمة في بناء المجتمع قال بكل برود 20 سنة وعشحنا نبنيو وما بنينا والو وماكان والو قلت ان شاء الله نعمل لأجل البناء مشكلتنا أن لا أحد يقوم بواجبه وكل واحد يحتقر دوره لو عملنا بجد سننجح المهم هو التركيز على التربية قبل التعليم في الطور الابتدائي خصوصا مع السنوات الأولى ...............اوقفني وقال 20 سنة وحنا الربيو والناس وماصييش متربية وراي تسب في الشوارع ، قلت ان شاء الله تنقص هذه الظاهرة خصوصا مع تولي خريجي علم النفس مهمة التعليم في الابتدائي .ههههههههههه حبيت نشكر روحي ، المهم أنا كنت نحاول اقناعه ان المستقبل سيكون احسن وهو يعمل جاهدا على احباطي في الأخير قال لي عند ك عامين في التعليم راكي شايفا الوصع وراكي علابالك بكلش دبري راصك بعدها سألتني ماهي السنة التي تدرسينها قلت السنة 2 سألتني عن آخر درس أجبتها فقالت فتيني راني متأخرة أنا قلو بالتوفيق شكرتهم وخرجت عادي .................يعني يا أختي التعليم الابتدائي يتطلب صبرا كبيرا يعني انا عندي 45 تلميذ احيانا السؤال يكرر 30 مرة ومع ذلك لابد من ان تككري الاجابة لذلك غالبا ما يعمل أعصاء اللجنة على استفزاز المترشح لإختبار مدى صبره عموما نتمنى أن تكوني أكثر حلما في المرة القادمة

[mariana1]

حسب رأيي هذه الطريقة حبت تشوف بيها مدى صبرك وتحملك وليست إهانة لأنك لما تشوفي قطاع التعليم هذيك قومي وأقعدي تصبح لا شئ ‘لازم لك أعصاب من حديد وقوة تحمل

[miela]

كون جيت في بلاصتك نعطيلها طريحة تشفا عليها و نجي خارجه ياختي المهنه لي جي بالدل معندي ما ندير بها