~ ~ ~طلباتكم مجابة بإذن الله ~ ~ ~

[*فاتن*]

شكرا جزائرية يعطيك الصحة

[أم ياسمينdz]

السلام عليكم اخواتي واختي صاحبة الموضوع شكرا لكم كثيرا

حبيت نسقسيكم على مطلوع الفرينة

والدقيق لي يجي نص دقيق ونص فرينة

صافيتك انا كي تزوجت علموني فيه دار شيخي

لكن في الشتا كان يجيني هايل ودرك منلي سخنت الحالة عاد يجيني يحشم وييبس مافهمتش علاش

شكون تعطاني اسرار المطلوع

وتعاوني والله عييت وكرهتو بعد ماكنت فرحانة ليه وكان يجيني مليح

[عبير الزهور]

السلام عليكم شريت النعناع و حبيت نعرف
نيبسو في الظل او الشمس

[ام هزار]

من فضلك او اي اخت عندها اجابة . هل الفلفل الاسود مضر بالصحة؟ بمعنى هل هو مفيد كتابل او لا لانه فيه دراسات مختلفة بشانه . و شكرا

[أم ياسين الزهراء]

المشاركة الأصلية كتبت بواسطة عبير الزهور

السلام عليكم شريت النعناع و حبيت نعرف
نيبسو في الظل او الشمس

حطيه في الظل اختي

[أم ياسين الزهراء]

المشاركة الأصلية كتبت بواسطة ام هزار

من فضلك او اي اخت عندها اجابة . هل الفلفل الاسود مضر بالصحة؟ بمعنى هل هو مفيد كتابل او لا لانه فيه دراسات مختلفة بشانه . و شكرا

فيه الفايدة وادا كثرتي منو طبعا يضر كاي تابل يقولو مليح لهشاشة العظام انا شخصيا نطيب بيه بصح مانكثرش برك

[أم ياسين الزهراء]

المشاركة الأصلية كتبت بواسطة الأميرة الساندريلا

السلام عليكم اخواتي واختي صاحبة الموضوع شكرا لكم كثيرا

حبيت نسقسيكم على مطلوع الفرينة

والدقيق لي يجي نص دقيق ونص فرينة

صافيتك انا كي تزوجت علموني فيه دار شيخي

لكن في الشتا كان يجيني هايل ودرك منلي سخنت الحالة عاد يجيني يحشم وييبس مافهمتش علاش

شكون تعطاني اسرار المطلوع

وتعاوني والله عييت وكرهتو بعد ماكنت فرحانة ليه وكان يجيني مليح

اختي مطلوع الصيف لازم تنقصي من الخميرة يعني ديري نص الكمية اللي دييها في الشتاء وتنقصي مدة الخمور انت ديريه كيما موالفة ديريه في الشتاء نقص برك

[أم ياسين الزهراء]

المشاركة الأصلية كتبت بواسطة yasmine sila

ربي يجازيك خير و الله راكم دايرين فينا خير لا يقدر بثمن

تعيشو ربي يخليكم ليا اذا ممكن وصفات لحلويات جافة بهاذ المول مستعجل ارجووووووووكم

يصلح الطابع هدا للغربية او المعمول او المقروط

[عبير الزهور]

شكرا اختي ام ياسين الزهراء

[السوسن ا]

السلام عليكم اولاشكرا على على هذا الطرح المبارك.ثانيا عندي مجموعة من الاسئلة =1-كي نمرق بالماء كيف نظبط الكمية مثلا05اشخاص لتر من الماء10اشخاص..وهكذا لاني سالت وقالولي لازم اللحم يتغطى ارجو التفصيل لاني عندي مشكل هنا وايضا كمية الملح.2_عندما اريد طهي الحمص نطيبو وحد في الماء والملح اومع باقي المكونات .والملح نضيفو في البداية او في الاخير يعني ياثر في سرعة الطهي او لا.3_ كيفاه نعرف ان اللحم طايب.4_طريقة تحظير حليب البودر هل لازم يغلي اوتحليل الغبرة في الماء فقط.وجزاكم الله خيرا.عن عبدالله بن عمر رضي الله عنهما أن رسول الله صلى الله عليه وسلم قال :
( أحب الناس إلى الله أنفعهم ، وأحب الأعمال إلى الله عز وجل سرور تدخله على مسلم ، أو تكشف عنه كربة ، أو تقضي عنه دينا ، أو تطرد عنه جوعا ولأن أمشي مع أخي المسلم في حاجة أحب إليّ من أن اعتكف في المسجد شهرا ومن كف غضبه ستر الله عورته ومن كظم غيظا ولو شاء أن يمضيه أمضاه ملأ الله قلبه رضا يوم القيامة ومن مشى مع أخيه المسلم في حاجته حتى يثبتها له أثبت الله تعالى قدمه يوم تزل الأقدام
وإن سوء الخلق ليفسد العمل كما يفسد الخل العسل )
رواه الطبراني في الكبير وابن أبي الدنيا وحسنه الألباني في السلسلة الصحيحة

[أم ياسين الزهراء]

راح نجاوبك بالحليب خلطي الغبرة تاع الحليب والماء وحطي على النار يفيض كيما الحليب العادي

البقوليات الافضل تملحيهم بعد مايطيب لان الملح ياثر على مدة الطهي

الماء اختي مانقدرش نقلك شحال الكمية هو الافض الدجاج ماتكثريش الماء لان يطيب ثم ثم واللحم عمري القدرة حتى يتغط اللحم وطيب وادا شفتي اللحم ماطابش زيد شوي ماء بصح يكون سخون وادا مرقتك مايها بزاف اقفلي القدرة نص قفيل وقوي النار وخليها تخثار ونصيحتي ماتكثريش الماء لان هو اللي يسمط المرق وانت بالتجارب راح تعرفي كمية الماء

واللحم كيتمسيه تلقاي طري وكيشغل يتفتت ولا ديري كيما انا نذوق نحب نذوقو قبل الجماعة هههههههههههه

[السوسن ا]

جزاك الله خيرا

[ام هزار]

المشاركة الأصلية كتبت بواسطة أم ياسين الزهراء

فيه الفايدة وادا كثرتي منو طبعا يضر كاي تابل يقولو مليح لهشاشة العظام انا شخصيا نطيب بيه بصح مانكثرش برك

شكرا على الرد...... حتى انا ثاني سمعت هذه المعلومة... و في المقابل ايضا سمعت بانه مضر للقولون حتى لو ما نكثرش لانو راح يدير ترسبات فيما بعد و زيد انا عندي بنتي سنتين و نصف نخاف ندخلو في الطياب علا جالها........ و شكرا مرة اخرى

[ريتاج 09]

السلام عليكم
حبيت نسقسي على كعك النقاش هل ممكن نعملو بالعجينة السحرية لام أماني وإدا ممكن أعطيوني وصفة مليحة و مجربة للكعك وشكرا

[فايزة1207]

راهي لهومة دارت عليه موضوع شوفيه