هل استبدل الوظيفة بالعمل الحر

[papino]

اعمل موظف براتب 8 ملاين للشهر لكني تعبت و اريد خوض غمار التجارة الحرة لكن ليس لي راس مال مناسب بماذا تنصحوني

[076certifica]

8 ملايين في الشهر "ربي يزيدلك" مي لازملك تحمد ربي ليل ونهار
كاين 8 ملايين يجيبها في 6 شهر

راي المتواضع ابق في وظيفتك واحمد الله على هاته النعمة

[ام البنتين]

اتصحك لوجه الله ابقى في وظيفتك اجرة مضمونة و احمد ربي . التجارة ربح و خسارة و انت ما عندك ش راس المال

[amine2003nes]

السلام عليكم يا أخي الله يبارك تخلص 8 ملايين ماعنداكش راس المال ؟يعني أنك تصرف بزاف لو كن الدير تجارة راك راييح تخسر دراهمك في الشهر الأول لأن التجارة لازملاها رأس مال والصبر خاصة في الأول إدا بديت تجارة وكليت وصرفت تلقى روحك تاكل من رأس مالك والله أعلم

[no name rix]

8 ملاين وراك زعفان
أنا حياتي كامل مالقيت خدمة ههههههههه والحمد لله
تخصك القناعة الله يوفق

[nabil ofc]

عندك ضغوطات في عملك اصبر حتى التجارة فيها ضغوطات انا اوافق الجماعة وتبقى انت ادرى بالامر نعرف ناس خدامة مليح وشهرية مليحة لكن نحكي معاه يقولي طابلة نبيع الحشيش والحمص وراسي مهني ولا هذا العمل لكن الدنيا مبنية هكذا والله اعلم

[younes29]

ابقى في وظيفتك اجرة مضمونة و احمد ربي .

[ziinoo]

عندي ليك ثلاث كلمات والفاهم يفهم
الوظيفة من أضيق أبواب الرزق
الي خاف سلم
الي خاف ما دار والو
اذا راك خايف بزاف ريح في بلاصتك واذا نتايا زدام ازدم

[ziinoo]

من أخطاء التجارة القاتلة البداية برأس مال صغير

[ziinoo]

من أخطاء التجارة الخوف الشديد

[ziinoo]

من أخطاء التجارة التفاؤل الشديد

[ziinoo]

التجارة لها أهل والوظيفة لها أهل سنة الله في خلقة

[ziinoo]

كيما ربي دار الموظف _بفتح الظاء_ وهو بالمعنى القديم_ الاجير_ دار أيضا الموظف _بالكسر_ وهو التاجر أو رب العمل

[ziinoo]

من قوانين الحياة الاجتماعية:المصروف يزيد كلما زاد الدخل بنسبة متساوية حبيت ولا كرهت مثلا كنت تخلص 3ملاين تصرف 1.5 يعني النص عندما تولى تخلص10 ملاين تصرف 5 ملاين واذا كنت تخلص 3 وتصرف 3 كي تخلص 10 تصرف حبيت ولا كرهت

[ziinoo]

إذا حبيت تتخلص من هذه العادة عليك بتغيير مخطط المالي وما هو المخطط المالي عليك بقراءة الكتب المختصة في هذا المجال حبيت ولا كرهت