السلام عليكم
بخصوص الفحص الطبي
1-انا عندي ليسانس الكتروميكانيك صناعي ونقرا ثانية ماستر
2-عيطولي للشفوي في بومرداس crd نهار16-03-2015
3-عيطولي نهار29-03-2015 للطبي في حيدرة (10 شارع الصحراء)
4-وصلت للخروبة نهار 29-03-2015 مع 5:30تاع الصباح
5-هزيت طاكسي (نصيحة لله خاوتي ما تركبوش مع الفرود)
6-المسافة بين الخروبة وحد النص ساعة مش حاجة كبيرة قالي 50 الف
7-اعطيت الطاكسيور العنوان ما عرفوش وراح سقسا الشاف تاعهم قالو وين جات) 10 شارع الصحراء)
8- كي وصلنا لمركز سوناطراك سقسيناه قالنا راكم غالطين زيدو امشو شوي راح تلقوه
9- مشينا مسافة قريبة وسقسينا قالنا هادي هي راك وصلت
10-قالي مع 9:00تفوتو الطبي (اك تعرف دزاير مكاش احترام الوقت)
11-ريحت في قهوة قريبة مع جماعة هوما ثاني باه يفوتو
12-وصلت 9:30دخلونا
13- كي دخلنا قالنا مزالت القايمة ما وصلتناش زيدو اصبرو البرا شوي
14-كرهنا
15-تقريب 11:00 باه دخلونا
16-اعطونا البادج وحطينا بطاقة التعريف
17-قالونا روحو للعيادة امشو طول وسقسو ههههههه
18-وصلنا زدنا سقسينا قالنا زيدو اشو مسقم مباعد سقسو (كامل في سوناطراك مش البرا)
19-وصلنا لواحد سقسينا قالينا هاديك هي العيادة
20-قتلو يخي خلاص مانزيدوش نسقسو ضحك وقالي خلاص ههههههه
21-دخلنا كنا في 20 واحد كامل
22-فوتنا عند طبية قاستلنا الظغط واعطينها غير الدوسي الطبي (التحاليل +الراديو)
23-في الاخير بداو يقلقو و راح الحال قاتلي شحال توزن وشحال طولك ما قاست طولي لا وزني (مكنتش عارف قداه نوزن هههههه اعطيتها اخر وزن وزنتو )
24- كي تكمل تدخل عند طبيبة اخرا تسقسيك اسئلة نورمال (عندك مرض ولا لا-دير سبور-تتكيف-تشرب- الله يستر................)
25-المهم قاتلي اخرج وكي نعيطلك ارواح
26-زدت شوي اعطتني ورقة باللي مقبول
27-مكتوب في الورقة تقني صيانة
28- اللي معيا كامل تقريب تقني صيانة
29- هزينا الورقة هاديك قالونا طلعوها الفوق عند واحد وخلاص
30- اعطيناه الورقة وقالنانورمالمون خلاصتقدرو تروحو
31- قالنا خلو البرطابل مفتوح وتفقدو الايميل باش قريب يعيطولكم وتروحو تبدو الفورماسيون وماعندهمش فكرة البلاصة وين راح يبعثوك
32-وكي تبدا الفورماسيون تدفعو الدوسي الاداري هاداك والديبلوم الاورجينال قالك غير باه يشوفوه ويتاكدو صافي اذا عندك كوبيات عليه مقاليزيين مكلاه تدي الاورجينال
33- سقسيتو على القراية قتلو نقرا 2 ماستر مزالي غير الميوار
34- قالي حاول تبروفيتي شوي الوقت وحاول
35- المهم
36-نسيت ما حكيتشعلى الفطور
37- فطرنا عندهم شرينا تيكي ب40 دينار
38- يا صاحبي وشمن فطور ما نحكيلكش (البترول الجزائري ياصاحبي)
39- والرقم الاخير هادا هو رقم ولايتي صافي خلاص ههههههه
ايا ربي ينجحكم كامل ويوفقكم
ونظن جاوبت على اي سؤال ممكن تطرحوه هههههه
( تقرير عن مشاركة سيئة )، و الموجودة أسفل كل مشاركة .
2015-03-30, 20:13
تجربة شخص فوت المديكال+بخصوص الدبلوم الاصلي
العرض العادي
