|
|
|
|||||||
| قسم الطبخ و المأكولات لتبادل الخبرات في مجال الطبخ والأطباق المتنوعة الجزائرية و العربية ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
واش ندير في سبوع تاع بنتي ان شا الله
 |
|
|
أدوات الموضوع | انواع عرض الموضوع |
2013-03-05, 11:16
|
رقم المشاركة : 1 | ||||
|
واش ندير في سبوع تاع بنتي ان شا الله
حبيت ناخذ رأي صديقاتي حراير الجلفة فقد قرب موعد ولادتي وان شاء الله الا كتبت نحوس ندير العقيقة وهذا اول مولود ليي فانا في حيرة من امري واريد راي اخواتي العزيزات وبعض الافكار الجديدة التي ستساعدني وشكررررررررررررررررررررررررررررررررررررررررررررررا مسبقا
|
||||
|
|
2013-03-05, 11:21
|
رقم المشاركة : 2 | |||
|
كل شيء مبروك اختي و ربي يجعلها من الصالحات و تكون عليك مربوحة ان شاء الله يفيدوك الاخوات |
|||
|
|
|
2013-03-05, 11:33
|
رقم المشاركة : 3 | |||
|
اولا كلشي مبروك وان شاء الله تقومي بالسلامة ويتربى في عزكم ....اختي كل واحد وعاداتو ...احنا مثلا نذبحو وانديرو الشخشوخة ولا البركوكس مع السلاطة والديسار و..... كغداء وفي العشية انديرو قاطو والقهوة والمشروبات وفي لعشية عشاء يكون خفيف ممكن شربة فريك وكسرة و...... لانو الضياف راح اقلو.. |
|||
|
|
|
2013-03-05, 11:41
|
رقم المشاركة : 4 | |||
|
كلشي مبروك وتتربى في عزكم ان شالله وربي يشافيك |
|||
|
|
|
2013-03-05, 13:06
|
رقم المشاركة : 6 | |||
|
|
|||
|
|
|
2013-03-05, 21:11
|
رقم المشاركة : 8 | |||
|
أنا حبيت ندير العقيقة يعني نذبحو ونديرو لعشا اما القاطو أنا درت المقروط وقاطو بيمو وزوج انواع آخرين درك نصورهم ونحط الصورة يعني درت قاطو للضياف تاع لمباركة بصح أنا راني حابا ندير قهوة شابة وبالتاويل عليها راني نصقصي فيكم يا لحراير |
|||
|
|
|
2013-03-05, 22:50
|
رقم المشاركة : 10 | |||
|
ربي يسهل عليك و يفرحك و ادعيلنا معاك
كيما قالو الاخوات كل واحد و عاداتو حنا نديرو العشاء نهار الاول عشاء عادي للمقربين و من بعد 3 ايام نديرو بركوكس نسموها القصعة و من بعد نسربيو القاطو و الطمينة نزينوها بالمكسرات نديرو نتاع القمح و الفرينة 2 انواع و في السابع نهار الذبيحة نديرو الفطور للنساء و العشاء للرجال نديرو حريرة و طاجين حلو و سلاطة منوعة ديسار و من بعد نسربيو القاطو انواع مغايرة لنهار القصعة مع القهوة و الشاي و الطمينة اكيد و مين نديرو الحنة للبيبي نسربيو لي دراجي و الحلويات للأطفال و الحنة نديروها بالشموع و الزغاريد نتمنى نكون افدتك |
|||
|
|
|
2013-03-05, 23:10
|
رقم المشاركة : 11 | |||
|
اذا حابة ديري حاجة متولة للقهوة ديري قطايف عش البلبل او بقلاوة بلابات فيلو و زينيها من فوق بالبيستاش مرحي |
|||
|
|
|
2013-03-05, 23:16
|
رقم المشاركة : 12 | |||
|
حبيبتي ربي يجيبلك سويعة ويقومك بالسلامة |
|||
|
|
|
2013-03-06, 07:49
|
رقم المشاركة : 13 | |||
|
|
|||
|
|
|
2013-03-06, 12:34
|
رقم المشاركة : 14 | |||
|
اولا ربي يسلك وحلك على خير .انا ادا جيت في بلاصتك راح ندير غدا باش تقدري تحظري نهار قبل ماشي عشا الضياف قاعدة تتقهوى وماليك في الكوزينة يطيبو ومايتتقهواوش براحتهم .المهم ممكن ديري اوردافر اخطيك من الماسدوان وو... ديري حاجة جديدة لي كورني بلابات فايتي وعمريهم كاش خلطة حنا درناهم في عرس خويا الناس كل حلت فمها من البها والحطة .وكفتة وشخشوخة النعمة ولا الظفر ولا نتي الميزانية مليحة ديري اوردافر وشربة ولا مرقة زيتون وفخاد اللحم محشيين ومحمرين .واكيد الديسار تاع الموسم والا سلاد دو فروي .منبعد خلاص حطي jus مع لي سالي ولا حلوة تمشي معاه منبعد ديري القهوة والحليب مع لي قاطو والطمينة ديريها في لي بوات فردية كل واحد تاعو وسربيهم عليهم .ولي مايحبش القهوة حطي لا تاي مع قريوش ولا مقرقشات تاع الفراشة راهي تحفة ومكسرات .وكي يجيو مروحين الضياف سربيلهم لي دراجي .وهاني صدرتلك معاريضك وتهنيتي ههههههه .وادا عندكم الدراري الصغار ديريلهم دي ساشي وحدهم فيهم مثلا كوكاو وحلوة ونفاخة راهم يموتو بالفرحة ههه.والقاطو ديري المخبز تاع المزيود راهم حطولك الرابط تاعو .وكلشي مبروك ويتربى في عزكم |
|||
|
|
|
| الكلمات الدلالية (Tags) |
| الله, بنتي, سبوع, ندير |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
