لي شوصون بطريقة سهلة من مطبخي

[miss.love]

المكونات

عجينة ال 10 دقائق


للحشو
حبة بصل
4 حبات كوسا
فرماج
ملح + فلفل اكحل+ جوزة الطيب

للتزيين
صفار بيضة + شوية حليب
الطريقة
نحضر العجينة ونتركها تختمر
نقطع البصل والكوسا

ومن بعد نحطهم في الميكسور
ثم في مقلة على النار نحط شوية زيت + البصل والكوسا + ملح + فلفل اكحل + رشة جوزة الطيب على نار هادئة حتى تدبل

ومن بعد نضيفلها كمية من الفرماج

بعدما يتجانس الخليط ويطيب نتركه يبرد

ثم نفرد العجينة المختمرة ونقسمها الى دوائر
نضع على كل دائرة كمية من الحشو وعليه جبن مبشور

ثم نشكلها الى انصاف دوائر ونثبت الاطراف بفرشاة وندهنها بصفار بيضة مع شوية حليب

ندخلها الى فرن مسخن مسبقا على 180 درجة

تحياتي للجميع

[نينا الجزائرية]

جزاك الله خيرا لكن مقلتيش كيفية صنع العجينة

[miss.love]

المكونات

pate sablé
300 غ فرينة
175 غ زبدة
2 صفار بيض
2 مغارف اكل سكر قلاصي
رشة ملح

creme patissiere
45 سل حليب
3 مغارف اكل نشاء
2 صفار بيض
100 غ سكر احرش
عصير 3 قارصات
وقشور 3 حبات قارص

la meringue
4بياض بيض
4 مغارف اكل سكر احرش
عصير قارصة

الطريقة
نحضر العجينة ونضعها في المول ثم نقبها جيدا بالفرشاة
والكمية هذي عملتلي مول كبير + 2 تارتولات



ندخل المول الى فرن مسخن مسبقا 180 درجة
وبعد ما تطيب نخرجها من الفرن ونخليها تبرد

تحضير الكريم باتسير
نمزج صفار بيضتين مع السكر وقشور وعصير القارص جيدا
ثم نسخن الحليب على النار ونضيفه تدريجيا الى خليط البيض
ونخلط ثم نعيد الخليط الى النار مع اضافة النشا
نواصل الخلط على النار حتى يثقال.نبعده على النار ونضيف له ملعقة صغيرة زبدة ونتركها تبرد يبرد.

تحضير الميرانق
بالخلاط الكهربائي نخلط 4 بياض بيضات مع رشة ملح ونضيف السكر تدريجيا مع عصرة قارص.
- من جديد بعد ماتبرد الكيم باتيسيير نمزجها بالخلاط الكهربائي جيدا ثم نضعها فوق التارت
ثم نضع الميرانق في جيب الحلواني ونزين بها التارت

ونواصل التزيين حتى نكمل

ثم نعيد ادخالها الى الفرن ونشعل عليه من فوق فقط
حتى يطيب الميرانق ويتماسك
وهذا شكلها النهائي


وان شاء الله تعجبكم

[miss.love]

هذه العجينة معروفة بعجينة ال 10 دقائق وبامكاننا استعمالها في جميع المعجنات كالبتزا ولي شوصون وغيرها

المكونات
كاس فرينة
كاس ماء فاتر
ملعقة كبيرة خميرة خبز
2 ملعقة كبيرة سكر
3 ملعقة كبيرة زيت
رشة ملح
وفرينة نلمو بيها العجينة

الطريقة
نخلط كاس الفرينة والخميرة والسكر ثم الماء الفاتر

نخلط جيدا ثم نضيف الزيت

ونخلط جيدا وفي الاخير نضيف الفرينة ورشة الملح ونواصل الخلط حتى نحصل على عجينة طرية لا تلتصق

نغطيها ونخليها تختمر حتى يتضاعف حجمها

ونستعملها مباشرة في تحضير المعجنات بانواعها

[نينا الجزائرية]

بارك الله فيك

[miss.love]

وفيك بركة يا اختي في الله

[&أسيل&]

بارك الله فيك على الكيفيات الرائعة

[ليناجلنار]

أختي كان بإمكانك وضع كلمة منقول للأمانة لأن الوصفات للأخت ندى

[~ عَـآصـفه ~]

هاااااااااايلة

بارك الله فيك

[ibtesem]

والله عيب عليك انك تنسبي شئ هو ماشي ليك
انا منقدرش نقولك يعطيك الصحة على الوصفة
لكن نقدر نقلك شكر لنقل من غير تعب

[بيرين سات]

مشكورة على الوصفة

[bochra95]

بارك الله فيك..جزاك الله خيرا

[lamisse72]

بارك الله فيك