نصيحة من الخبيرات ارجوووكم عرسي مور رمضان

[sandi85]

سلااااااااااااام البنات
جمعة مباركة
راني حابة نسالكم
انا ايلا كتب ربي نشا الله عرسي مور رمضان نشا الله
وراني حابة ندير les gâteaux secsنحطهم فوق الطابلة يشربو بيهم القهوة
خاطرالحلوة تاع الباطة نمدها كي يكونو رايحين
وبما انو الحال على قدو ومعنديش لي يعاوني نديرها فالدار
راني حابة حوالي النص تاع رمضان نبدا نير بالشوية ونكونجليها
شؤالي هو
ايلا معليش ومتخسرليش
علما انه عرسي 15 اوت
ارجوووووووووووكم مدولي وصفات مضمونة وشكرااااااااااااا

[MINA-NINA16]

جمعة مباركة اختي وان شاء الله ربي يكمل بخير ويهنيك و 1000000000000 مبروك مسبقا
نرجع لسؤالك على القاطو ساك تقدري تكونجليه بصح لاااااااااااازم ساك وحده اي حذاري تكونجلي القاطو تكوني مرمدلتو او راشتو بالسكر الناعم لان السكر يتشمخ ويشمت القاطو او هناك قاطو ساك مقلاصي حذاري تكونجليه لان الطلية تبان شغلت راهي مخلطة بالماء او جارية.
المهم ديري القاطو ساك التاعك ناشف عادي وحطيه في علب بلاستك واذا خفتي ديري بين طبقة قاطو واخرى ورق مطبخ الماص واغلقي وديري في الكونجيلاتور واجبديها اما ليلة التقديم او في الصباح بكري باش تديكونجلا نحيها من العلب وكي تدكونجلا ديريها في الكيسات وخليها حتى وقت التقديمالمهم هدي طريقة مضمونة فقط للقاطو الساك
اتنمى اختي ان اكون قد افدتك ولو قليلا وزيدي شوفي اراء الاخوات
وبالتوفيق اختي

[أم أحمد عبد الصمد]

حبيبتي ربي يسهل و زواج مبارك ان شاء الله

[أم تيم الله]

الله يكون في عونك اختي

[سرور2]

مبروك عليك اختي وربي يسهلك شوفي الاخوات ام اماني والهام وبشري ان شاء الله يفيدوك

[ام خليل §]

ربي يسهل,,,,,,,,,,

[روضة من رياض الجنة]

المشاركة الأصلية كتبت بواسطة mina-nina16

جمعة مباركة اختي وان شاء الله ربي يكمل بخير ويهنيك و 1000000000000 مبروك مسبقا
نرجع لسؤالك على القاطو ساك تقدري تكونجليه بصح لاااااااااااازم ساك وحده اي حذاري تكونجلي القاطو تكوني مرمدلتو او راشتو بالسكر الناعم لان السكر يتشمخ ويشمت القاطو او هناك قاطو ساك مقلاصي حذاري تكونجليه لان الطلية تبان شغلت راهي مخلطة بالماء او جارية.
المهم ديري القاطو ساك التاعك ناشف عادي وحطيه في علب بلاستك واذا خفتي ديري بين طبقة قاطو واخرى ورق مطبخ الماص واغلقي وديري في الكونجيلاتور واجبديها اما ليلة التقديم او في الصباح بكري باش تديكونجلا نحيها من العلب وكي تدكونجلا ديريها في الكيسات وخليها حتى وقت التقديمالمهم هدي طريقة مضمونة فقط للقاطو الساك
اتنمى اختي ان اكون قد افدتك ولو قليلا وزيدي شوفي اراء الاخوات :d:d:d
وبالتوفيق اختي

انا مع رايك راهو صح لاااااااااااازم ساك وحده القاطو لتكوني مرمدلتو او راشتو بالسكر الناعم السكر يتشمخ او قاطو ساك مقلاصي حذاري: تكونجليه لان الطلية تبان شغلت راهي مخلطة بالماء او مندية هدا عن تجربة

نصيحة اخري لازم الكنجلاتور يكون نقي مفيهش مثلا توابل او اشياء لتكون ريحتها قاطعة وعملي في بوات محكمة الاغلاق وغطيهم بشكارة تع بلاستيك

والله يسهل

[fatimazahra09]

و الله نتقاسم معاكم الراي و نقول للاخت لاكان كونجليتي ...لازم لمدة قصيرة اقل من 15 يوم باش ماجيش ريحة الكونجيلاسيو في الحلوة و فرغي كلش منو ...خاصة الريحة الثوم قاطعة بزاف ونقيه باش تكونجلي ...
وانا من رايي كي تدخلي في اول يوم من الاسبوع الاخير نتاع الشهر الفضيل ...ابدايه مع شوية معاونة ... رايحا تقدري تكمليه باذن الله لازم برك l'organisation اديريه و حطيه في علب محكمة الغلق وسيباري بين كل طبقة وطبقة نتاع قاطو بارولو نتاع البلاستيك ... لاكانت وصفات الحلوى لراكي رايحا ديريها ناجحة ... ماتخافيش مارايح يصرالو والو .... ولا خفتي الحلوة المطلية لاييبس الطلاء... خلي مور العيد واطليها ... كيف كيف بالنسبة لمقروط اللوز طيبيه وخلي التسكار مور العيد ... برك كاين ملاحظة صغيرة سخني الشاربات لي تغطسيه فيها شوية قبل ....باش يطرى المقروط ويجي معسل من داخل
القريوشة تاني اخدميها الايام الاخيرة وما تعسليهاش حتى يبقى للعرس يومين على الاقل ....البقلاوة لا لا طيب وتتعسل في البلاص ولا بغيتي ماتقطعيهاش ثم ثم حتى يقرب الحال وعندكي تغطيها وهي سخونة خليها ليلة كاملة تتشرب العسل و حتى الغد من داك غطيها مليح مليح
الصابلي و الحلويات الجافة ما تخافيش عليهم مادامهم يطولو ما دامهم يجو بنان وطريين ... مقروط العسل ...طيبيه وما تعسليهش حتى اليوم هاداك ... من الاحسن الحلويات المخدومة بالفرماج والكابريس ما ديريهاش .... ما لا زمش تطول و تستهلك و نتاع الكابريس رايحا تيبسلك
ننصحك ديري الحلويات التقليدية ما كانش خير منها و ماتنسايش ديري مقروط العسل في المحبس نتاع الحمام
ربي يهنيك ويوفقك في حياتك الزوجية واي حاجة
الغالي طلبو رخيص

[aryèm]

ربي يعاونك
لازم اليد العاملة و اما النظام
حظ موفق

[ام رجاء 09]

انا قبل فاتحة تاعي درت دزيريات كان فاتحة بعد رمظان درتهم من قبل وخبيتهم دزيريات تاع لي مول جبدتهم من قبل وعسلتهم 2مرات والله ماتامني روووووعة تقول تعبت عليهم دوكا ومن تجربتي المخبز تانيك طيبيه وخبيه وقبل السبة اطليه برك وكانو جديد مام حاجة تسكار تانيك كي تجبدي سكري والله روعة
وصابلي عادي مايسرالو والو بالنسبة لانواع الصابلي انا مجربة صابلي الفلان روعة 500زبدة لابال و6بيض كاملين ولفاني و1خمارة نوارة و2كيسان سكر رطب قشور قارص وتخلطي وتلمي بالفرينة يكون طري ماشي يابس كما صابلي واطبعيه دوائر وطيبيه وخبيه كي تنوي عليه جبدي واطليه بانسبة ليا ندير طليت تاع السيرو مع عصير القارص ياطيك دوق شباب وربي يسهل ومن راي شوفي شكون يعاونك ادا وحدك كل شيء كارتة بزاف عليك العرس يديروه جماعة ماشي نتي وبالدات مولاتو

[oum wassim]

tu peut conglee tes gateaux sans decoration apres tu les decore deux jours avant la fete ou trois

[sandi85]

شكرا ليكم
والله فدتوني بزااااااااف
حبيت نقولكم بلي راني ايحة ندي برك القاطو ساك نكونجليه
اما هادوك تاع الباطات كمونديتهم عند وحدة
اما الاخرين فمنقدرش بزاف المصروف
همالا قلت نديرهم فالدار والله غالب كاين انا واختي نتعاونو عليهم
لوكان تكنلو مزيتكم وتمدولي وصفات مضمونة
راح تديرو فيا مزية كبيرة
وشكرا

[omranesouhila]

تتهني نشاء الله بزواجك والله ما عندي ولا اية فكرة