حساء الجلبانة من مطبخ ام ماجد ولا الذ

أم ماجد · 2014-02-12, 09:57

كنت محضرة 3 وصفات نحطهم لحبيباتي وللاسف راكم عارفين خدعني الميكرو لكن معليه نعاود نحضرهم ونحطهم لعيونكم بالتفصيل

اليوم نظرا لطلب اخت معانا جبتلكم وصفة اقتصادية وصحية وشتوية
وصفة حساء الجلبانة اليابسة

فوائد البازلاء او الجلبانة الخضراء اواليابسة :البازلاء تحميك من امراض القلب و الشرايين والسكتة الدماغية
90 غراما من البازلاء او الجلبانة الخضراء أو اليابسة توفر للجسم نحو ربع احتياجاته من الالياف و في دراسة سويدية العام الماضي على حوالي 20000 شخص كانت النساء اللوات

ي تناولن حمية غنية بالالياف اربع مرات اقل خطرا من الاصابة بامراض القلب و الشرايين من اولائك الذين تناولوا نظاما غذائيا منخفض الاياف . وكان التاثير اقل وضوحا بين الرجال و لكن اتباع نظام غذائي غني بالالياف ينصح به الاطباء من اجل الحماية من السكتة الدماغية و امراض القلب والشرايين
نحضر كمية من الجلبانةاليابسة وخيروا النوعية لمليحة كاينة اللي ماتطيبش مليح يابسة بزاف
في كوكوت حطي 4 حبات بطاطا مع حبة بصل كبيرة وملعقة فقط زيت وملح مانكثرش وكصبر وكمون ونقلي مليح مع ثوم حوالي 10د حتى تتشرب مليح مع كاس ماء ونضيف الجلبانة ونزيد نخليها تتقلى مليح مليح حلوا وذنيكم نعرفكم تتقلقوا ثم ثم
والتقلية سر البنة يا بنات
ومن بعد نمرق بالماء سخون ونغلق الكوكوت حوالي 40 دقيقة
نحلها ونشوف اذا طابت نرحيها ونزيدلها ملعقة كبيرة زبدة وكمية من الفرماج حتى يذوب
ثم ملعقة كرام فراش تهز الغلية ونطفي
ناخ الخبز نقليه في مقلاة مع ملعقة زبدة معدنوس كثر خير ساندريلا ديما عندي وثوم ونقدمه مع الحساء ونزين بالكرام فراش واللي عنده المشنوع كيما انا زيدي من فوق زيت الزيتون وبصل ام ولا اروع ولا الذ ولا ارحم على الجيب
اخر الشهر في وقت الشدة تلقايها ساهلة واقتصادية

عطرالذهب · 2014-02-12, 10:01

يشرفني نكون اول من ترد
وصفة هايلة ماشاءالله وجاءت في وقتها نحتاجوهاكثير سيرتو كي ذكرتيلنا الفوائد نتاع الجلبانة اليابسة
بارك الله فيك ام ماجد

nihale89 · 2014-02-12, 10:04

مممممممممممم يعطيك الصحة

ام نوردين · 2014-02-12, 10:06

يعطيك الصحة ام ماجد على هدي الوصفة الجلبانة اليابسة مايحبوش ياكلوها بلاك بهدى الطريقة تعود تتكل ميييييييييييييرىىىىىىى

أم محمد تاج · 2014-02-12, 10:09

مممممم يهبل ام ماجد يعطيك الصحة حنونتي

نسائم الصباح · 2014-02-12, 10:09

مع أني لست من محبي الجلبانة اليابسة .بصح وصفتك وخاصتا كي عاد فيها الكرام فراش . تخليني نتشجع ونجربها .بإدن الله .

تعطيك الصحة يا غزالة الهضاب العلية وسلمت يداك

نخله. · 2014-02-12, 10:10

تعيشي ختي لعزيزه

عمري ما طيبتها لاني ما ذقتهاش ركي سهلتي عليا وان شالله رح ندخلها في برنامج الاسبوع باذن الله

قطيطوشة · 2014-02-12, 10:11

الله يعطيك الصحة أم ماجد
أنا جامي شريت الجلبانة اليابسة
فعلا حساء شتوي مفيد

أم ماجد · 2014-02-12, 10:11

اقتباس:

المشاركة الأصلية كتبت بواسطة parfumdor1

يشرفني نكون اول من ترد
وصفة هايلة ماشاءالله وجاءت في وقتها نحتاجوهاكثير سيرتو كي ذكرتيلنا الفوائد نتاع الجلبانة اليابسة
بارك الله فيك ام ماجد

وفيك بركة

اقتباس:

المشاركة الأصلية كتبت بواسطة nihale89

مممممممممممم يعطيك الصحة

[QUالله يسلمك OTE=ام نوردين;1055674964]يعطيك الصحة ام ماجد على هدي الوصفة الجلبانة اليابسة مايحبوش ياكلوها بلاك بهدى الطريقة تعود تتكل ميييييييييييييرىىىىىىى[/QUOTE]
ان شاء الله جربيها وشوفي

أم ماجد · 2014-02-12, 10:12

اقتباس:

المشاركة الأصلية كتبت بواسطة أم محمد تاج

مممممم يهبل ام ماجد يعطيك الصحة حنونتي

اقتباس:

المشاركة الأصلية كتبت بواسطة نسائم الصباح

مع أني لست من محبي الجلبانة اليابسة .بصح وصفتك وخاصتا كي عاد فيها الكرام فراش . تخليني نتشجع ونجربها .بإدن الله .

تعطيك الصحة يا غزالة الهضاب العلية وسلمت يداك

الله يخليك يا لحبيبة

اقتباس:

المشاركة الأصلية كتبت بواسطة faiyzen

تعيشي ختي لعزيزه

عمري ما طيبتها لاني ما ذقتهاش ركي سهلتي عليا وان شالله رح ندخلها في برنامج الاسبوع باذن الله

جربيها وشوفي وردي الخبر

اقتباس:

المشاركة الأصلية كتبت بواسطة قطيطوشة

الله يعطيك الصحة أم ماجد
أنا جامي شريت الجلبانة اليابسة
فعلا حساء شتوي مفيد

جربيها اممممممممم

it's me · 2014-02-12, 10:14

يعطيك الصحة طاطا العزيزة يسلموو

طاعة زوجي .. · 2014-02-12, 10:14

بصحتكم ام ماجد أنا نحبها بصح مانطيبوهاش بطريقتك ونديرولها حبة بطاطا كبيرة شوية وزوج حبات زرودية يعني جزر وحبة قرعة ولا زوج يعني كورجات ومانديرهاش اثوم حبة بصل برك وكي طيب نرحو الخضرا برك ونخلو الجلبانة مانرحيوهاش ، بصح تجي بنينة اممممممممممممم فكرتيني بيها هنا مايحبوهاش قليل وين يديروها

ام طيري الجنة · 2014-02-12, 10:16

اممممممممممممممممممممممممم واااااااااااااااااااااااااااااااااااشي هذا يا فنانة الله يبارك و الله غير شهيتيني يعطيك الصحة و ربي يبارك فيك

أم إناس · 2014-02-12, 10:18

امممممممم وصفه راءع وعحبني كلش كلش كلش
وألفرماج. والكرام لالالالالا ههههه
بارك الله فيك ويأتيك الصحه

Oum Aness Bba · 2014-02-12, 10:21

هاااايلة أختي ام ماجد تبان يتيمة.. بارك الله فيك