المورال هابط هابط هابط

[asala2]

مطلوب اكبر من 25 سنة اوك بالاك تلقى نصيحة عند واحد قرى 1 ابتدائي متستهينش كنت رح ننصحك مي مشروط السن وقفني لمل اني مقبلة على الشهادة ومتفوقة في اللغات في كل الشعبة متستهينش ب النصيحة من لولاد ادي المعريفة وربي يهدئ سرك ويبعث فيك اللطمانينة

["راجية الجنة"]

المشاركة الأصلية كتبت بواسطة مشكلتي

السلام عليكم

حاليا انا مقبل على شهادة البكالوريا وطامح للامتياز ان شاء الله

ان شاء الله

لكن احس اني جالس على اعصابي

خير ان شاء الله

الي يكلمني او يستفزني بدون قصد اتحسس بصورة عجيبة ( كي الموحرايقه )

لالا مش هكة

قلبي ينبض وبشدة

سلامتك

باختصار تقول عندي فوبيا اسمها بكالوريا

لا اله الا الله علاه هي تخوف الباك او والوا عام من الاعوام الاكل

زيدولها البارح جبت البيلتا تاع الثانية ثانوي لاجد مصيبتي في اللغات (09) فرنسية و (13) انجليزية وكملتها في الرياضيات (12)

عزوني يا ناس

نورمال علاه هذي نتائج نتع الباك ؟

وقلت قبل ضرك قلت نراجع شوي انا بديت نحل نشوف في روحي جميع اوصاف المريض الي يتمارض فيا

والمصيبة محملتش المواضيع تاع الباك باش مبعد كلش يسهال نلقاها منين انا ولا منين

اووووووووووووووووووووووووووووووووووووووووووووووووو ووووووووووووووووووف

هذي كارثة راك مدايرها للروحك كفاش تحل المواضيع نتع الباك وانت مزال مقرتش المقر نتع الباك والله انت الي تخلع في روحك ؟؟؟؟؟

راني كاره وخايف والجو ماسعدنيش والناس قلقوني والله العظيم باغي نبكي ومقدرتش

متخافش توكل على ربي و ادخل بنفسية مليحة عشية الدخلة روح حوس مع صحابك اضحك واتفرهد والخدمة تبدى من اول يوم في الدراسة توكل على الله و ثق بنفسك و كثر من الدعاء والله الدعاء مليح بزاف للواحد متخوف كما نت


الي عمره اقل من 25 سنة مكلاه يرد على وجه ربي

26 سنة انا وعندي خويا راح يعقب الباك كما انت كما قراها قالي علاه خايف هذا ؟ قالك كوراااااااااااااااااج

ربي يسهللك تقرد تراسلني على الخاص كشما تسحق اي نصيحة
ربي يوفقك

[iman14]

ya khoya rak tehki cherol lbac la semaine prochaine mazalek bzff w ana rani mejareba c pr ça c pas la peine had hadera w kolchi f waketou w 9ra les leçon rir bel 39al hada mekane

[آمِيْرَتُه]

ربي يسهلك أمورك و تنجح تفائل بالخير تلقى الخير
عمرك ما تبدا عملك بكلمة سأفشل
قال كانط : إذا كان يجب عليك فانت تستطيع
درجة درجة و تلحق

[realista]

السلام عليكم اخي الكريم

عذرامع انك قلت اللي عمرو اقل من 25 ميدرش لكن انا نرد عليك منخليهاش تحرق في قلبي

الحمد لله انا اجتزت بكالوريا2013 و نجحت بمعدل جيد جدا ، و كيما قلت كامل كنا حساسين كي المحيرقة اللي يهدر معانا نطيرو فيه
هداك عادي نتيجة للضغط و التفكير المتواصل لكن يا اخي مكان لاه تكثر التفكير توكل على ربي و الباك ما هو و لاشي اللي يقرى ينال و الله العظيم
وبالنسبة لضعفك في اللغات احسن حل هو انك تحل المواضيع والرياضيات حل التمارين بزاف

و مواضيع الباك راح نشوفلك اذا ما زالو عندي في الميكرو غادي نحطلهمك هنا خويا متقلتش روحك و ربي يسهلك ان شاء الله

شد الهمة خويا متياسش من الآن واليدك راهم يستناو فيك باه تفرحهم متنساش هاد الشي وديرهم بين عينيك

[mlimlou28]

سبحان الله.....كنت في نفس الموقف لكن الحمد لله كاين ناس لي يطلعو الورال
برأيي أي واحد مر ويمر على هذه المرحلة.......لكن المهم هو الهدف ألا وهو النجاح
ربي يوفقنا كاملين....أدعولنا معاكم