تعبت دعواااتكم

[نقاء القلب]

السلام عليكم ورحمة الله تعالى وبركاته

أنا حابة نفرغ ونحكى ونطلب منكم تدعولى ياخاوتى


أنا في بداية العشرينات من عمرى كملت قرايتى وقعدت في الدار طبعا نستنا الخدمة ولا النصيب

بطبيعتى انا متفائلة في الحياة وديما ندعى للأمل واللى عندو مشكلة يجي عندي نعطيلو حل

كامل اللى يعرفونى حطو مكانش اللى عايشة كيما انا


بصح اللى يشوف حياتى و اللى يشوف شحال من مرة نبكى في اليوم ميأمنش

حنا عائلة كبيرة يعنى عايشين معانا نسا خاوتى في زوج والحمد لله من الناحية المادية

لكن من الناحية المعنوية فحدث ولا حرج لا احترام ولا انسجام والسبب كله من نسا خاوتى وخويا الصغير

صاحب المشاكل


وطبعا ديما انا الضحية تزوج خويا كي كان في عمرى أربع سنوات ومن هذاك الوقت وأنا عايشة في كابوس

مرت خويا لكبير مكانش اللى تكرهو كيما انا هدفها تحطمنى وتخرجنى من علقى


والله انا ديما نبعد عليها بصح خلاص مقدرتش كيما درت معاها متصلحش والله جامى نرد لها الهدرة ولا نقميها

ولا حتى ندير لها مشاكل بصح هي تظل تنبش فيا وزدنا زوجنا خويا الاخر وهنا حصلت الكارثة

فاذا حكيت مع مرت خويا الثانى تقول علاه وزادت تعمر خويا عليا

شحال من مرة يجيبها يامات ميهدرش معايا وانا معلباليش السبب وزادات ولادها كامل عمرتهم عليا

الكبير راهو في الثانوية والاخرى راهى في المتوسطة والله نسمع منهم كلام واحدة متتقبلو

اخر مرة قالت لى بنت خويا انت مارحش تتزوجى اصلا واحد مايدي واحدة كيما انتى

ووليدها قال لى انت وجه نحس نهار تروحى دارنا تتسقم

والله مالقيت مانرد غير نسكت نخاف ندير المشاكل خاصة انو امى مريضة بزاف ونخاف نزعفها

نبلعها وخلاص بصح صعيبة ياخاوتى

وزيد بلانى ربي بخويا الصغير موسوس يظل يعس فيا وطعن في شرفي قداه من مرة

وقدام نسا خاوتى على هذيك لقاو رايهم والله يقول حيوان وحمارة "الله يعزكم " يقولها لى توالهم

وانا غير نسكت


من البكا بزاف درت نظارات طبية

وخويا الوسطانى هو اللى كان المخير في خاوتى بصح من اللى تزوج ولا ميهدرش معايا مرة بقيت وحيدة

وياما منحبش نحكي لها كبيرة ومريضة ومتقدر دير والو كلش في يدهم

وباب في الخارج يولى شهر ولا شهرين في العام وكي يجي يستو لو حتى كون نحكيلو ميأمنيش

والمصروف والله عندهم عام ولا واحد فيهم عطلى دور يعنى انا ثانى طفلة نحتاج حوايج

ونحتاج نصرف ونتمنى نشري قش ونبدل بصح ميمدوليش ومنقدرش نقولهم

والله كل يوم نسمع عشرات الكلمات الجارحات

ونحب نكون ورحى ونتعلم الطبخ وكل مادخلت للكوزينة يجيو ورايا هذي تقولى دير وهذي تقولى مديريش نولى نكره ونخرج


وكي مندخلش ولا منخدمش يسمعونى غير الكلام اللى ميتسمعش


نفسيتى تعبت بزاااف مقدرتش نتححمل اكثر


نخاف تموت امى ونبقى في يدهم امى كبيرة ومريضة بزااااف وشحال من مرة تلحق للموت وتولى

وانا خايفة نفقد امى نبقى وحيدة

وعندي تقريبا شهر تقدم لى شاب فيه كل المواصفات وهو مقيم في الخارج منخفيش عليكم

بلى حمدت ربي عليه وتمنيت تكمل الحكاية ونكون من نصيبو نروح ومنزيدش نولى ولا يشوفو وجهى

بصح لضوك مردوش عليه بالخبر واصلا معلبلوهمش بيا طول


ادعولى ربي يسر امورى ويفرج عليا ويكتب لى الخروج من هذا البيت عاجلا وليس أجلا

وننصح كل واحد مزوج ولا ماشي مزوج وعندو اختو في دار نقولو حن عليها فرحها ومتسمعش لكلام الناس


كون جنبها راهى تحتاجك اوقف معاها صدقنى راح تربح اجر كبير

اختك تحتاج حنانتك وتحتاج كلمة طيبة منك كلمة ابتسامة الدنيا ومافيها

راهى انسانة وعندها مشاعر وكيما دير لزوجتك دير لها اذا شريت لها هدية وفرحتها راج تكسب اجر عظيم


يارب ياغفور يارحيم ارحمنى وارحم من مثلى ياذو الجلال والاكرام




علبالى مشكلتى البعض يشوفها تافهة لكن والله صعيبة بزاف

ربي يفرج على كل مهموم و مكروب يارب

وشكرا لكم جميعا

[khadoudja15]

واش نقولك يا اختي والله نقرا ونبكي
تعرفي انا وحيدة ماما يعني عندي خوتي من بابا الله يرحمه بصح خاطيني وخاطيهم هوما في ولاية وانا في ولاية
دائما كنت نقول ياريت عندي خوتي ولا خواتاتي وتغيظني عنري كي نشوف بنات جوارينا يرسلو خوتهم يشرولهم ولا يقصرو هوما وخواتاتهم
يعني حامدة ربي بصح الانسان بطبيعته ضعيف ونتوسوس مرات ونتمنا يكون عندي خويا
بصح كي قريت حكايتك قلت غير ماعنديش لخوت ةلا عندي خوت يديرولي هكدا
انتي ختي اصبري حتى ربي يفرج همك
والحمد لله انك جامعية حوسي على خدما واتصلي بباباك يقبل بهاذ الشاب ولا خوالك بلغيهم بلي قبلتي وروحي تهني بصح ماتقوليش مانزيدش نوليلهم ماتكونيش انانية وخمي في ماماك باغيا تخليهالهم وحدها ؟
ربي يرزقك الصبر ويفرج همك ويهدي خواتك ونساوينهم

[z.abdo]

السلام عليكم اختي وابدا من كلامك الأخير واقول كلامك ليس تافه

وادعو الله لك بالفرج وان شاء الله ربي يفرج عليك من حيث لا تحتسبي

كذالك ديري في بالك يجي النهار اللي يعرفو قيمتك الحقيقية


وانصحك ان تكثري من الإستغفار


واعطيك نصيحة مهمة . إذا كتب الله لك الزواج فلا تحكي له بمعاناتك عند اهلك لأنه سيعتقد انه داير فيك مزية


احكي كل خير عناهلك لأن كثيرات مثلك يحكين لأزواجهن فيصبح الزوج يتصرف مثلهم ويهينك ويحتقرك

اتمنى ان تكوني فهمتي قصدي


و نصيحتي الصبر ثم الصبر ثم الصبر وانصحك بقراءة قصة سيدنا أيوب عليه السلام



والسلام عليكم ورحمة الله

[rimiana]

قصتك اثرت فيا وواضح من كلامك انك طيبة و قلبك كبير.لكن اعلمي ان الله يمهل و لا يهمل رح يجي النهار اللي يفتح عليك و يفرحك و يعوضلك هدا الابتلاء .اصبري اختي ان بعد العسر يسرا.ربي يفرج عليك

[أمة الله 12]

ربي يفرج عليك

و يرزقك الزوج الصالح اللي يفرحك و يهنيك

[الفلة البيضاء]

عسى الله ان يفرج كربتك اختي و ربي يرزقك زوجا صالحا يعوضك عن كل شيء عاجلا غير اجلا هو القادر على كل شيء عليك بالصبر و الدعاء اختي

[النجمة القطبية]

لا حول ولا قوة الا بالله
ربى يفرج عليك ويهدى خاوتك
واكيد ريى نشا الله يعوضك كل خير لقاء صبرك

[jiji_"]

السلام عليكم اختي
اصبري و ربي يكون معاك ان شاء الله و يعوضك و يرزقك كل خير
يبقاو خاوتك وهذي عايلتك كبري قلبك و استغفري بزاف

[مريم الصابرة]

السلام عليكم اختي
أولا نهنيك على طيبتك وحكمتك وصبرك وزيدي أصبري علاج هذو الأنواع تجاهلهم صح تغيضك وكبيرة ولاد خوك يعايروك لكن هوما صغار الحق على يماهم رباتهم بالطريقة هذي إنت وكلي ربي لما يديرولك هكذاك روحي توضاي وصلي وإدعي ربي صدقيني العلاج راه ثم وربي يجيب الزوج الصالح يديك وتتهناي وتولي بدارك ونساي كل شي وذاك النهار ما يقدروش يمسوك بربع كلمة ربي خير منهم كامل وزيدي ختي يماك هي الصح عندي نفس مشكلتك لكن انا الحمد لله راهي بعيدة عليا زوجة اخي جربت مرة زهرها وقفتها عند حدها مناك خلاص خاطيني وخاطيها حتى ونتلاقى بها مان هدر معاها ما تهدر معايا هكذا خير إنت إدعي ربي يرزقك الزوج الصالح وخليك منهم وشوفي لوجه يماك ربي يفرج همك يا رب وتفرحي عن قريب

[سراب06]

كثري من الدعاء والإستغفار ولا تملي وراح تشوفي الفرج

[imi02i]

مذاق الصبر مرٌ، لكن عواقبه تتوارى بالمفاجآت
تضرعي بالدعاء لربك فلا خاب من قال يارب
رزقك الله من حيث لا تحتسبين

[ام عبودة]

خيتي الله يصبرك ويعطيك طول البال
انا واش نقدر نقلك تحملي واعيني نفسك بالدعاء والصلاة والاستغفار والاستغفار والاستغفار
و ما تدريش ممكن ربي يرزقك زوج طيب يعوضلك سنين التعب والالم
ويا رب يهدي نساء خاوتك وربي يلهيهم في رواحهم
وربي يشافي امك وما ديري والو في بالك راه كل شئ يفوت
ودائما راه كاين رب قاعد على كرسي الحق لا يظلم عنده احد

[نقاء القلب]

المشاركة الأصلية كتبت بواسطة khadoudja15

واش نقولك يا اختي والله نقرا ونبكي
تعرفي انا وحيدة ماما يعني عندي خوتي من بابا الله يرحمه بصح خاطيني وخاطيهم هوما في ولاية وانا في ولاية
دائما كنت نقول ياريت عندي خوتي ولا خواتاتي وتغيظني عنري كي نشوف بنات جوارينا يرسلو خوتهم يشرولهم ولا يقصرو هوما وخواتاتهم
يعني حامدة ربي بصح الانسان بطبيعته ضعيف ونتوسوس مرات ونتمنا يكون عندي خويا
بصح كي قريت حكايتك قلت غير ماعنديش لخوت ةلا عندي خوت يديرولي هكدا
انتي ختي اصبري حتى ربي يفرج همك
والحمد لله انك جامعية حوسي على خدما واتصلي بباباك يقبل بهاذ الشاب ولا خوالك بلغيهم بلي قبلتي وروحي تهني بصح ماتقوليش مانزيدش نوليلهم ماتكونيش انانية وخمي في ماماك باغيا تخليهالهم وحدها ؟
ربي يرزقك الصبر ويفرج همك ويهدي خواتك ونساوينهم

المشاركة الأصلية كتبت بواسطة z.abdo

السلام عليكم اختي وابدا من كلامك الأخير واقول كلامك ليس تافه

وادعو الله لك بالفرج وان شاء الله ربي يفرج عليك من حيث لا تحتسبي

كذالك ديري في بالك يجي النهار اللي يعرفو قيمتك الحقيقية


وانصحك ان تكثري من الإستغفار


واعطيك نصيحة مهمة . إذا كتب الله لك الزواج فلا تحكي له بمعاناتك عند اهلك لأنه سيعتقد انه داير فيك مزية


احكي كل خير عناهلك لأن كثيرات مثلك يحكين لأزواجهن فيصبح الزوج يتصرف مثلهم ويهينك ويحتقرك

اتمنى ان تكوني فهمتي قصدي


و نصيحتي الصبر ثم الصبر ثم الصبر وانصحك بقراءة قصة سيدنا أيوب عليه السلام



والسلام عليكم ورحمة الله

المشاركة الأصلية كتبت بواسطة rimiana

قصتك اثرت فيا وواضح من كلامك انك طيبة و قلبك كبير.لكن اعلمي ان الله يمهل و لا يهمل رح يجي النهار اللي يفتح عليك و يفرحك و يعوضلك هدا الابتلاء .اصبري اختي ان بعد العسر يسرا.ربي يفرج عليك

المشاركة الأصلية كتبت بواسطة أمة الله 12

ربي يفرج عليك

و يرزقك الزوج الصالح اللي يفرحك و يهنيك

المشاركة الأصلية كتبت بواسطة الفلة البيضاء

عسى الله ان يفرج كربتك اختي و ربي يرزقك زوجا صالحا يعوضك عن كل شيء عاجلا غير اجلا هو القادر على كل شيء عليك بالصبر و الدعاء اختي

المشاركة الأصلية كتبت بواسطة nana27

واش نقولك ربي يرزق الزوج الصالح الي يصونك و اكيد ربي رايح يعوضك خير على هاد المعاناة برك اصبري و ادعي ربي يفرج عليك باه تتهناي

المشاركة الأصلية كتبت بواسطة النجمة القطبية

لا حول ولا قوة الا بالله
ربى يفرج عليك ويهدى خاوتك
واكيد ريى نشا الله يعوضك كل خير لقاء صبرك

المشاركة الأصلية كتبت بواسطة jiji_"

السلام عليكم اختي
اصبري و ربي يكون معاك ان شاء الله و يعوضك و يرزقك كل خير
يبقاو خاوتك وهذي عايلتك كبري قلبك و استغفري بزاف

المشاركة الأصلية كتبت بواسطة مريم الصابرة

السلام عليكم اختي
أولا نهنيك على طيبتك وحكمتك وصبرك وزيدي أصبري علاج هذو الأنواع تجاهلهم صح تغيضك وكبيرة ولاد خوك يعايروك لكن هوما صغار الحق على يماهم رباتهم بالطريقة هذي إنت وكلي ربي لما يديرولك هكذاك روحي توضاي وصلي وإدعي ربي صدقيني العلاج راه ثم وربي يجيب الزوج الصالح يديك وتتهناي وتولي بدارك ونساي كل شي وذاك النهار ما يقدروش يمسوك بربع كلمة ربي خير منهم كامل وزيدي ختي يماك هي الصح عندي نفس مشكلتك لكن انا الحمد لله راهي بعيدة عليا زوجة اخي جربت مرة زهرها وقفتها عند حدها مناك خلاص خاطيني وخاطيها حتى ونتلاقى بها مان هدر معاها ما تهدر معايا هكذا خير إنت إدعي ربي يرزقك الزوج الصالح وخليك منهم وشوفي لوجه يماك ربي يفرج همك يا رب وتفرحي عن قريب

المشاركة الأصلية كتبت بواسطة سراب06

كثري من الدعاء والإستغفار ولا تملي وراح تشوفي الفرج

المشاركة الأصلية كتبت بواسطة imi02i

مذاق الصبر مرٌ، لكن عواقبه تتوارى بالمفاجآت
تضرعي بالدعاء لربك فلا خاب من قال يارب
رزقك الله من حيث لا تحتسبين

المشاركة الأصلية كتبت بواسطة ام عبودة

خيتي الله يصبرك ويعطيك طول البال
انا واش نقدر نقلك تحملي واعيني نفسك بالدعاء والصلاة والاستغفار والاستغفار والاستغفار
و ما تدريش ممكن ربي يرزقك زوج طيب يعوضلك سنين التعب والالم
ويا رب يهدي نساء خاوتك وربي يلهيهم في رواحهم
وربي يشافي امك وما ديري والو في بالك راه كل شئ يفوت
ودائما راه كاين رب قاعد على كرسي الحق لا يظلم عنده احد

مــــــــــــاذا عساي أقول لكــــــــم

مهم شكرتكم لن أوافى حقكــــــــــــم

لا تتصورو كم أثرت في كلماتكم ودعائكم

كلماتكم بلسم للجروح

شكرا على النصائح القيمة والدعوات الصادقة الدالة على أصالتكم ومعدنكم الطيب

ونعم الأخوة

أبعد الله عنكم شر النفوس وحفظكم باسمه السلام القدوس

وجعل رزقكم مباركا غير محبوس وجعل منزلتكم عنده جنة الفردوس


أسأل الله أن يحصنكم بالقرآن ويبعد عنكم الشيطان


وييسر لكم من الأعمال ما يقربكم فيها إلى عليين


وأن يصب عليكم من نفحات الإيمان وعافية الأبدان


ورضا الرحمن ويجعل لقيانا في أعالي الجنان