اللي حاكمة مصروف الدار تتفضل معانا

[hajerty]

جميل جدا بارك الله فيك

[بنت الجزاير الغالية]

المشاركة الأصلية كتبت بواسطة مريا وسيم

انا معنديش سيارة والشهرية 3ملاين قوليلي كيفاش نقسمها راها محيرتني لاني جديدة في مجال المصروف

قوليلي 3 ملاين شاملة كل شيء حتى الفواتير و إن كان كذلك إكتبيلي قداه موالفة تدفعي الفواتير

[بنت الجزاير الغالية]

المشاركة الأصلية كتبت بواسطة fani09

شكرا لك وجزاك الله كل خير
والله تعلمت منك الكثير ...حتى حسيت نفسي استهلاكية فقط نستنى نقبض باه نصرف
المهم راني نربي في روحي والله ماخليت دورو ....الزايدة من المصروف درنا بيه جمعية انا و صديقاتي الاريعة في كل شهر نلمو المبلغ الزايد المتفق عليه .. كل شهر تديه واحدة بالقرعة ...هكاك نحلف على الصح كي اولادي يقولولي اشري هاذي ............والله ماعندي ....حتى لو انا ايضا حبيت نشريهالهم
المهم شكرا لك .. راني من متتبعاتك و نصائحك وبعد مانقبض الجمعية انصحيني واش اندير بها

أهلا أختي فاني و الحمد لله اللي إستفدت من الموضوع
و فكرة الجمعية رائعة خصوصا إذا كانو الأعضاء متفاهمين و ثقة تنقع حتى للحوايج الكبيرة و الكثير اللي ربحو منها حوايج ما قدروش يديروها وحدهم
نتمنالك التوفيق و أي سؤال راني هنا

[بنت الجزاير الغالية]

المشاركة الأصلية كتبت بواسطة لذريق

السلام عليكم و رحمة الله و بركاته
موضوع جد قيم ...يهتم بالميزانية الخاصة بالاسرة ...جيد
نعم افضل مقياس هو القيام بالتقدير لمدة شهر ...........يعني ما يلزمنا في فترة شهر
و المشتريات منها ما هو دوري و دائم و هنا ما هو موسمي و بعضها يأتي أحيانا
و المشتريات حسب حاجة الاسرة و مرات الطلبات يمكن ان تزيد و يمكن ان تقل قليلا
و هنا يجب شراء المستلزمات الدائمة مثل القهوة ....السكر .....مواد التنظيف ....العجائن ......الطماطم المصبرة......الزيت......ممكن البعض يستعمل الدقيق و الفرينة فأيضا يشتري ما يحتاجه لمدة شهر و يقتصد قدر المستطاع
الخضر كل اسبوع
اللحم يشتري حسب الطلب و الافضل يشتري بعضا منه و يتركه دائما ريزارف كيما يقولوا بلاك يجوه كاش ضياف


الشخص يقدر المبلغ الذي يحتاجه من شراء المستلزمات التي ذكرت آنفا و يصبح يشتري ما يحتاجه بهاته الصورة
فقط يترك هامش اضافي بحيث يجعل مبلغ اضافي في يده لاجل اي طارئ
يدخر الباقي
يجعل اقتصاد في نفقات الهاتف
يجمع كل شهر مال لاجل الاشتراكات في النت و الكهرباء و بقية الفواتير


فنحن في البيت نشتري مقدار ما نحتاجه شهريا من المواد الثابتة الاستهلاك
و الخضر اسبوعيا واللحم حسب الحاجة
نسأل الله ان يعين القائمين على الميزانية في البيت فهي متعبة لقليلي الدخل و نسأله عز و جل ان يرزق الجميع البركة و الاقتصاد في النفقة
شكرا و بارك الله فيك
ســــــــــــــــــــــــــــــــــــلام

شكرا لمداخلتك الجيدة طريقتك تقريبا شبيهة لطريقتي و أضنك ناجحة في إدارة البيت نتمنالك التوفيق أختي الكريمة

[بنت الجزاير الغالية]

المشاركة الأصلية كتبت بواسطة شوشو 11

شكرا اختي على الفكرة والمساعدة
حنونتي احسبيلي 3ملاين لعايلة فيها 5 اولاد وفيها كلش تاع المعيشة والكهرباء والنت
على خاطر زوجي هو اللي حاكم المصروف وانا ننقد فيه
وحابة نسيي المسوولية تاع المصروف
انا انتظر رايك
شكرا

العفو أختي ما درت والو فقط نتمنى تحطيلي مبلغ الفواتير اللي متعود تدفعوه للنت و الكهرباء باش نديرلك ميزانية مدققة

[بنت الجزاير الغالية]

المشاركة الأصلية كتبت بواسطة lindaliza

شكرا موضوع رائع جدا لكن يا اختي لازم تحسبي دراهم النقل

طبعا و هذا راجع للعائلة اللي ما عندهاش وسيلة نقل

[بنت الجزاير الغالية]

المشاركة الأصلية كتبت بواسطة maloo

بارك الله فيك اختي ميمي على ماتبذلينه من مجهود لمساعدة كل الاخوات
جزاك الله خيرا.و "وهب الله لك من زوجك وذريتك قرة عين لك و جعلهم للمتقين اماما " وبارك فيهم.اااااااامين

الله الله على هذي الدعوات ربي يحفظك أختي و يجازيك بالمثل
نورت الموضوع

[بنت الجزاير الغالية]

المشاركة الأصلية كتبت بواسطة hajerty

جميل جدا بارك الله فيك

شكرااااااااااااااااا

[hanna25]

مرحبا
انا مزلت شابة ههه معنديش علاقة بالمصروف
ولطن وانا اتصفح المنتدى وجدت هذا القسم واعجبني موضوعك
نحن في البيت مصروفنا كبير رغم انا 3 اولاد وابي وامي
بالنسبة لشهرية ابي معلابليش قداه بصح نتصور مليحة لانو منين نقولولوا اعطينا يعطينا هو يقتصد ويجبدهم في الحاجة
واكثر شيئ اردت المشاركة به هو حوار دار بيني وبين امي البارحة ذهبت هي واخي وقدات قدية تع الشهر زيت دقيق طماطم صابون وغيرها
كيما جات رحت نلم لحوايج لقيت عندنا بالاك 3 قرع زيت تع 5 ليتر وهي جابت 2 قرع قلتلها او عندنا علاه جبتي 2 قالتلي نحتاجهم متدريش وش يسرا وزيد درك المصروف مش كبير بصح في رمضان يكثر المصروف ونوليو نستهلكوا بزاف الزيت يعني هداك نهار تظهر قيمتهم
ماما دائما كي يكون بابا عندو سوارد تشري لحوايج بزاف بح نهار يكثر المصروف خاصة في الاعياد والدخول تلقاهم
وحتى الصابون عندنا ولد خالتي يخدم فيه يجيبنا كلش ساعات ب 5000 (خمس مئة ) وساعات كثر ولافامي دايمن يقولوا لماما بزاف لمرة لفات قاللهم نتوما نجيبلكم بشوي بويسك ضيعوا بصح هي كي تجيبهم تحط سوارد مرة وحدة ويحكمولها بزاف
+
المصروف صعيب لانو دائما سبب خصام العائلات خصوصا نهار تجي فاتورة تريسيتي بابا يهبلنا ساعات نسلكوا مليون ههه
ربي يجيب الخير

[nina32]

السلام عليكم
اولا حبيت نشكر صاحبة الموضوع ربي يجازيها كل الخيروربي يحفضلها عائلتها

ثانيا انا اول مرة ندخل لهذا الركن ندخل المنتدى لكن هذا الركن اول مرة وقريت كامل واش كاين فيه من نصائح

وانا راني دايرة هاكذا من العام الاول تاع زواجي سنة2005

المهم رايحة ندخل ونشارك بتجربتي
لي عودة غدا باذن الله تعالى
ان شاء الله نكونو من الاحياء
وربي يديم نعمه على امة محمد كافة

اتمنى ان اكون خفيفة في هذا الركن وافيد من تجاربي واستفيد من تجارب الاخوات الكريمات ربي يحفظهم كامل

الى الغد باذن الله

[نهال13]

اناشهرية 4 ملاين وحنا 6 في العائلة والله مقدرت نوفق ياريت يا ختى تقوليلى كفاه نتصرف وجزاكى الله كل خير

[شوشو 11]

المشاركة الأصلية كتبت بواسطة بنت الجزاير الغالية

العفو أختي ما درت والو فقط نتمنى تحطيلي مبلغ الفواتير اللي متعود تدفعوه للنت و الكهرباء باش نديرلك ميزانية مدققة

حنونتي
النت 200 الف والكهرباءومعها الغازفالشتاء 700الف والصيف تنقص شوية
عندنا سيارة ولكن زوجي متكلف بها
جازاك الله خيرا اختي صاحبة العقل المدبر

[nina32]

عدت كما وعدتكم

انا شهرية زوجي تسعة ملاين وستمائة ندس منها 4 ملاين كل شهر

هذا هو التقسيم لي راني دايرتو......600 الف منها 300الف ليماه تاع حمامها......عندي زوج بنات 7سنين و3 سنين كل واحدة نديرلها 100الف في الشهر دايرة لكل واحدة كارني دو كناب.......100الف ربي يجعلها صدقة مقبولة كل خطرة نحطها في صندوق المسجد

هو عندو مليون وان كيف كيف كيما هو مصروفنا هو تاع برا وان كل خطرا واش ندير بيها...............

تبقى 7 ملاين قلت كل شهر 4ملاين تروح للتخزين دار مكاش باش نديرو ها ان شاء الله................

تبقى 3ملاين مصروف الدار دايرة كل اسبوع 500الف فيها اللحم الخضرة وكل شي تاع الاسبوع...... تولي 2 ملاين

يبقى مليون رفيطايما تستقاملي 700 الف خطرات قل خطرات اكثر المهم تبقى 300الف تاع لالا الانترنات والتلفون


كل هذا الغاز والما والكهرباء راني متهنية منهم ساكنة في سكنى تاع الخدمة تاع الزوج ديالي الور كلشي عليهم...............


اختي بنت الجزائر الغالية واش رايك بهذا التقسيم الى عندك كاش اقتراح ولا اضافة انا كلي اذان صاغية

[معاذ عبدو]

راني زعفانة منك بعثتلك موضوعي و ما رديتيثش علي

[nina32]

اين انت يا اختي بنت الجزائر الغالية راكي مدة ما دخلتيش الركن ان شاء الله المانع خير

وان شاء الله تدخلي عن قريب