المقادير
2 حبات بيض+بياض بيضة
كاس حليب
كاس سكر
نصف كاس زيت
كيس خميرة كيميائية
ملعقة خميرة الخبز مذابة في شوية حليب دافىء
قشور القارص او البرتقال اوفانيليا
الفرينة
شوية مارغرين
فرميسال الشوكولا
صفار بيضة للتزيين
التحضير
في اناء نخلط البيض .الحليب .الزيت .السكر. الخميرة الكيميائية و خميرة الخبز .الفانيليا ونخلط جيدا من الاحسن بالخلاط حتى يصبح لون الخليط ابيض
ثم نضيف الفرينة بالشوية و نخلط باليد حتى الحصول على عجينة متماسكة
نغطيها ونتركها تخمر تقريا ساعة
عندما تخمر نلمها بالمارغرين المذابة
نقسم العجينة الى كويرات على شكل حبة مندرين ثم خبيزات صغيرة نفتح طولها ونضع داخلها الفارميسال الشوكولاطة و نغلقها جيدا
نضعها في صفيحة مدهونة و مرشوشة بالفرينة و نتركها تخمر مرة ثانية
بواسطة فرشاة ندهن وجهها بخليط من صفار البيض و ملعقة اكل حليب و ندخلها الفرن حتى تكسب اللون الذهبي
كيما في الصور
نتمنى تجربوها وترجعولي بالخبر يعني هي سهلة و بزاف بنينة
مع تحياتي
( تقرير عن مشاركة سيئة )، و الموجودة أسفل كل مشاركة .
2012-02-28, 09:46
خبيزات محشية بالشوكولاطة
العرض العادي
