غرفة استفساراتكم في الديكور ومشاكل المعمارية

[majda archi]

هنا محاولة لحل مشاكلم في العمارة واعطاء مساعدة حول الديكور الداخلي.

[mme bard]

مبادرة طيبة منك عزيزتي
جعلها الله في ميزان حسناتك

[omhamed4]

أبدأ معك في الطريقة الصحيحة لحطان المونوكوش لكي يثبت جيدا . لكي لا ينتفخ مع الوقت أو يدقدق ، مع أرجو رأيك فيه

[majda archi]

اسمحيلي عى تاخير .الحل الجيد والي يكون احتياط من كل عواقب هو اول حاجة تكون الارضية نتاعك جافة يعني مطلعش الماء خاصة ادا كانت ارض مزروعة سالفا ولا جنان قريب ليها يعني ماء سقي ميمونش يسري تحت الارض.فالحالة ادا كانت الارضية تسري تحتها الماء يجب حفر الرضية ونزع تربة المبللة واعادة ردمها .
اما بالنسبة لمنوكوش هو رص الجيد وطرق الخفيف عليه باه يثبت واياكم ولي جوان يعني متخلوش فراغات والملا الجيد بين الفراغات لان فراغ صغيييييييييير راح يكون بدايا للقلع ومرور مياه تصياق وتكون عشش نمل وهكدا تنتفخ واخيرا تتقلع .ادا راقبي جيدا البناء وديري لي رومارك متخليهش حتان يتقن خدمتو .

[omhamed4]

نقصد تحت كاين ليعمل رمل ثم المونة الاسمنتية ، وكاين ليستعين بالقرافي الرقيق خلاص حسب مافهمت

[majda archi]

المشاركة الأصلية كتبت بواسطة omhamed4

نقصد تحت كاين ليعمل رمل ثم المونة الاسمنتية ، وكاين ليستعين بالقرافي الرقيق خلاص حسب مافهمت

هو فالاصل يديرو طبقة من حصى الوديان او صم مثل حجر تيمم ثم يفرش الجلد بلاستيكي لمنع صعود المياه ثم طبقة اسمنتية واخيرا تبلط

[omhamed4]

شكــــــــــــــــــــــــــــرااا حبيبتي .

[majda archi]

لا شكر على واجب .نحن فالخدمة

[جيجلية]

عندي سؤال لو سمحتي

أنا عندي الحمام أكرمك الله الفايانس غير النص والسبيغة دايما تنشق وتتفتت من الشتاء

هل نقدر نزيد نكمل الفايانس بلاما انحي اللي من تحت يعني ندير الحمام كامل بالفايانس بلاما انحي القديم

[سارة زهرة]

يعطيك الصحة ختي الموضوع ديالي غير ندبر appareil نحطهملك

[majda archi]

المشاركة الأصلية كتبت بواسطة جيجلية

عندي سؤال لو سمحتي

أنا عندي الحمام أكرمك الله الفايانس غير النص والسبيغة دايما تنشق وتتفتت من الشتاء

هل نقدر نزيد نكمل الفايانس بلاما انحي اللي من تحت يعني ندير الحمام كامل بالفايانس بلاما انحي القديم

نعم تقدري تكملي كامل الجدار وخاصة ادا لقيتي فايونس قريب من لون الفايونس القديم.وهكا تكوني حصلتي على حل لمشكل التقشر بالاضافة جددتي منظر حمامك.المهم فايونس قريب من لون فايونس قديم ومن الافضل يكون سامبل وبلونين واحد اللونين من القديم هكا تكسري من لون حمامك بكل تنسيق.

[majda archi]

المشاركة الأصلية كتبت بواسطة سارة زهرة

يعطيك الصحة ختي الموضوع ديالي غير ندبر appareil نحطهملك

فاي وقت نشاء الله نفيدوك.

[سارة زهرة]

راني حطيتهم

[سارة زهرة]

راني نستني

[majda archi]

اختي اولا عندي بعض الاسئلة حبيت تجاوبيني باه نعرف كيفاه نفاونك

-1على حسب موضعتي من صور نفهم بلي تغير سيمس غرفة الضيوف .
*1 ادا سمحتي تعطيني قيس طول وعرض غرفة الضيوف
*2 ماذا تفضلين الدوق التقليدي المعاصر ام دوك عصري
*3 هل عندك غرفة جلوس يعني للاسرة فقط ام لا
*4هل عندك امكانية او نية لبناء يعني تغير خفيف

ارجو ان تجيبيني واسفة جدا عن التاخير