اسرار تستحق الكتابة والحفظ

[yarasmin.26]

السلام عليكم حبيباتي حبيت اليوم انديرو موضوع خاص وفيه المعلومات كاين الي يعطيك وصفة واحد تنجحلو اواحد لالا قولولي وعلاش " المشكلة مش في الوصفة المشكلة راهي في طريقة التطبيق او الملستلزمات اتكون احداها باطية وهي جديدة ايه نعم هذو انتم ماقريتوش اعليهم راكم اصغار ولكن اذا مقريتوهاش في مدرسة تعليم الحلويات اتعلمهالكم الدنيا {الحلويات الي تخسرلكم}
1-نبداو بالسر"الزبدة "كي يطلب منك حلوى فيه الزبدة ذايبة لازم اتذوبيه وتتركيها تبرد وانزعي منها الماء او الحليب لانه هو الخسارة وخاصة البقلاوة
2-" الفرينة"لازم ديريها في يدك وضغطي اعليها اذا انتلمت اعرفي فيها الغلوتين وهي جيدة لكل شيئ اما اذا بقات مرملة نبسة نجاح الحلويات ضئيلة حتى لوكان ماضربهاش الهواءممكن تضيفي 2 مك عصير القارص لنزع الرطوبة
3-" المايزينة" نفس طرقة الفرينة لازم تسمعي صوت غزغز تعرفيها صالحة وبيضاء ناصعة
4-"جوز الهند" اذا كانت ريحتها ناقصة او متغيرة في اللون او مندية مكلاه تشروها خسارة كبيرة
5- كي تصنعو الحلويات اتركوها في مكان بارد مثل "الدزيريات. البقلاوة.القرنفلة والقرنفلة المزدوجة. حلوة الكادو.المشكلة.....الخ
مدة معينة 3او4 اوليلة كاملة وطهيها هكذا الحلوى ماتهبطش كي اطيب
6-الحلويات مثل الحنيونات .الاساور. العرايش . الهلال المقرس
ديريهم في مكان رطب يمنع اليبوسة وهكذا الحلوى اجيك طرية
*الاخوات الي ماعندهمش الميزان هذا ماقرت انجيبلكم ولكن راني نبحث وانشاء الله انجيب مقادير بالملعقة
النــــــــــــــــــــــــــوع الـــــــــــــــــــــوزن
كيلة سائل 237 غ
كيلة زيت 218غ
" فرينة 125 غ
" سكر احرش 200 غ
" سكر قلاصي 120 غ
" زبدة مخدومة 227 غ
" سمن مخدوم 245 غ
كاس +1/2 فرينة 220 غ
" نواة كوكو 320 غ
هذه اعطاهاني شيف في المطبخ وقالي معاير مضبوطة.
حبيباتي راني حابة انقولكم حاجة
راني حابة كل واحدة فيكم تتعلم الحاسة السادسة الا وهي الاحساس
بذوق ونوع الحلوى بلاصور.
راني عارفة تقولولي العين تعشق قبل البطن ولكن كاين وصفات جد لذيذة وشكل مشي شباب ناس بكري كيفاه كانو يتعلمو والاذاعات كيفاه راهم ايعلموكم ياك ماكمش اتشوفو الصور
انا كليت حلويات من عند ناس روعة والشكل عيان بصح غيرة الشكل راني حابة توصلو لنوع الا وهو انكم كي تدخلو لمحل الحلويات كي تشرو حبة تقسموها تعرفو المكونات من اول وهلة واش رايكم بدون مايعطولكم المقادير والطريقة
اتشاطروني الفكرة ولا لالالالالالالالالالالالالالالا
انا نعطيلكم القاعدة وانتم تبدا و تفنو فيها اسمحولي راني رايحة اندير تارت الفلان ذروك