لابايلا من اسبانيا الى مائدتكم

[اميريم19]

السلام عليكم
لابايلا هذه الاكلة المشهورة بنينة وغنيةبمكوناتها كل من ذاقها عجباته ان شاء الله تجربوها
المقادير
حبة بصل
2 سنينات ثوم
حبة طماطم كبيرة او 2 صغار
3 حبات فلفل
250 غ ارز
قطعة او 2 دجاج الافضل صدر
500غ سمك اي نوع تحبي طازج او مجمد انا استعملت هذه المرة جمبري مجمد
توابل: ملح، فلفل اسود، فلل احمر حلو و حار، كمون
زيت زيتون ضروري لانه هو لي يعطي للبايلا ذوقها المميز
التحضير
طيبي الدجاج في ماء وحده دون زيت او توابل نصف طياب انا نستعمل الكوكوط 15 دقيقة
صفيه و فتتيه قطع كيما تاع الشربة
في مقلاة ذبلي الفلفل في زيت زيتون دون توابل ثم في نفس المقلاة حمري قطع الدجاج مع اضافة زيت الزيتون ان لزم الامر وبنفس الطريقة حطي السمك قطع
[IMG]https://www.m5zn.com/newuploads/2016/10/26/jpg//m5zn_1020350921be34c.j
pg[/IMG]
في هذا الوقت في مقلاة عميقة شوي قطعي البصل والثوم وذبليهم في زيت الزيتون دون توابل
اضيفي الارز بعد ما تغسليه وخليه يتقلى شوية ثم اضيفي الطماطم مقطعة مربعات وخلي يتقلى شوية ثم طفي النار

سوي الارز بملعقة
وزعي فوقه طبقة الدجاج ثم وزعي طبقة الفلفل واخيرا السمك

كيلي لتر من الماء لي طاب فيه الدجاج وحطي فيه التوابل خلطي واسقي لابايلا

حطيها فوق نار قوية حتى تغلي ثم نقصي للنار وخليها تنشف على نار قليلة
راهي تاخذ 25 الى 30 دقيقة
لما تنشف ذوقي الارز اذا ما طابش مليح زيدي غير شوية ماء وخلي يكمل يطيب وبالصحة