اليوم جبتلكم طبق تقليدي وبسيط
تبيخة البدنجان
المقادير
حبات بدنجان الكمية حسب افراد العائلة
سنات ثوم
ملح
فلفل اسود
فلفل احمر
زيت
ملعقة شحم مرحي (اختياري)
كمشة حمص
كمشة فول
ملعقة طماطم مصبرة
كمشة ارز
حشيش
الطريقة
نحط في طنجرة زيت وملعقة شحم مرحي للبنة ،ثوم ، ملح، فلفل اسود، فلفل احمر، حمص وفول نقلي المكونات ونمرق بكوب ماء كير ونخلي الفول يطيب
نقشر البدنجان ونقطعوا مربعات بعد ما يطيب الفول نضيف البدنجان والحشيش مقطع ونخليه يكمل يطيب بعد ما يطيب البدنجان نرمي كمشة ارز ونخليه يطيب (نضيف الماء كل ما يتطلب الامر )
بعد ما يطيب الارز وتنشف الصوص نطكفي النار ونزين بحشيش مقطع
ملاحظة
ادا كان الحمص والفول طايبين نحط معاهم مباشرة البدنجان نقلي على نار قليلة ونمرق ونكمل مراحل الطياب والملح ادا كان كلشي طايب نضيف الملح في الاول وادا كان الفول ماشي طايب نضيف الملح مع البدنجان
شهية طيبة
( تقرير عن مشاركة سيئة )، و الموجودة أسفل كل مشاركة .
2016-10-04, 13:59
تبيخة البدنجان
العرض الشجري