تطبيقي لصبيعات بحلوة الترك لام وليد

[RIMA.87]

السلام عليكم
اليوم جبتلكم تطبيقي لحلوة جافة صبيعات بحلوة الترك وصفة ام وليد ،شفت الاخت ام ابراهيم جربتها و حطت التطبيق في موضوع كوزينة واش طيبتي اليوم ،
تشجعت و جربتها و النتيجة رووووووووعة كيما قالت اختي ام ابراهيم ربي يحفظها و ربي يجزي ام وليد كل خير على الوصفة ،
التزييين كان متنوع وهذا كان اجباري ههههه ،
لان خلطة المربى و حلوة الترك خلاصتلي
،كانت عندي شوكولا كملت بيها و بعدها خلاصلي الكاوكاو،
خليت الحبات بالشكولا برك،
و بعدها بقاتلي شوية شكولا درت بيها خطووط و هادي هي حكاية التنوع الاجباري في التزييييين ،حكييت بزاف و الان نخليكم مع الصور على فكرة درت نصف كمية المقادير و عطاتني 35حبة بالحجم لي تشوفوه في الصورة.






على فكرة القاطو ما فيهش البيض
المقادير لي درت ;
250غ مرغرين طرية ،
نصف كاس سكر ناعم ،
لا فاني ،
تقريبا 65غ حلوة الترك،
كيس خميرة كيميائية ،
و تلمي بالفرينة ،هاد الكيلة داتلي حوالي 500غ،
و لي حبت الوصفة مفصلة تكتب في اليوتوب شهيوات ام وليد صبيعات بحلوة الترك
الى الملتقى ان شاء الله مع تطبيقات اخرى
اختكم في الله RIMA.87