من عند أمــنية .... جــلجـلانــية ....صــليحة بسكري ربي يحفظها

[أمنية غفران]

السلام عليكم و رحمة الله تعالى و بركاته

.................................................. ..............

جربت جلجلانية السيدة صليحة بسكري من قناة سميرة لقيتها في يوتيب ربي يحفظها ما شاء الله عليها

بالمناسبة للتجربة فقظ أنا درت نصف 1/2 المقادير في مول السيليكون خرجت لي 21 حبة

ملاحظة راني زدت 2 ملعقتين من الجلجلان محمص في العجينة قلت بما أنها جلجلانية خليني نضيف ليها شوي جلجلان

الي ما حبيتش تضيفها تلتزم برك بالوصفة الأصلية و راني متأكدة رايحة تعجبكم و ننصح الأمهات يعملوها في مناسبة نجاح أولادهم راهي هايلة و تحمر الوجه بالنسبة لي باذن الله رايحة تكون في قائمة حلوياتي لعيد الفطر

النتيجة ما شاء الله عجبتني بزاف و كلمة روعة قليلة عليها

الوصفة الأصلية و الطريقة

250 غ مارغرين
5 ملاعق سكر و 5 ملاعق نشاء و 5 ملاعق لحظة ( حليب غبرة) و حبة بيض كبيرة او 2 صغار و بشور الليمون او برتقال و لفاني و رشة ملح و 1 خميرة حلوى
و للتزيين جلجلان ( سمسم ) أبيض غير محمص و عسل و مربي
نخلط كل المقادير باضافة الفرينة حتى الحصول على عجينة جد طرية يعني تلتصق و هاد ا عند وضع الكويرات في الجلجلان و الضغط عليها بواسطة اليد باش تحكم أكبر كمية من الجلجلان و هادي نصيحة السيدة صليحة و توضع في لي مول و تطهى كل أخت و الفرن ديالها انا حوالي 25 دقيقة طفيت الفرن و خليتهم الداخل حتى برد الفرن
خروجهم جد سهل من لي مول و سخنت العسل وضفت ليه شوي ما الزهر خليتهم قطرو مليح و من بعد اضفت ليهم مربي

تفضلن الصور توضح أكثر











في أمان الله