أسرار الشوربة من مطبخي

[أم محمد علي]

أولا :يلزم نفهم عدة أشياء الطياب تاويل +مزاج



وكل واحدة وطريقتها في طهي الشوربة
وأكيد في كل الأعراس نأكلوا الشوربة
ولكن اليوم جبتلكم شوربة رووووووووووعة
ذقتها في أحد الأعراس وطلبت منها الوصفة وجربتها وجاءت رووووووعة والوصفة طبعا لخالتي ربي يحفظها
والأسرار نكتبهم بلون مخالف


في قدر نضع اللحم أو الدجاج +م ك سمن مع الزيت يتقلة مليح 10د
ثم نضع البصل مقطع صغيييير وخليه يتقلى
ثم الجزر حوالي 4أو 5حبات أومبعد تفهمي أعلاه خليه يتقلى مليح
ثم 1كوسة (القرعة )خليها تتقلى مليح
ثم الطماطم حبات قطعيهم على 2 حوالي 5حبات متوسطة الحجم وخليها تتقلى مع الخضر
ثم
أذان المغرب ...

بعدها قطعي القصبر والنعناع أخضر رقاق وخليهم يتقلاو لمدة .
نضع التوابل (فلفل أسود +قرفة +زنجبيل مرحي +فلفل أحمر +رأس الحانوت +العكري )ونخلوهم يتقلاو مع باقي الخضر
+كأس حمص (طايب)ومرقي القدرة بماء سخون وضعي الملح وزيدي للفرن حتى تغلي ثم نقصيلوا
خلي الخضر تطيب جيدا ثم أرحيها وأرجعيها للقدرة


أرمي الفريك التاعك (بعدما تكوني شليتيه مليح )
ضعي م ك طماطم مصبرة (إزدهار رائعة)
وخليها تطيب في غرضها على نار قليلة
عنما تطيب الفريك واللحم ضعي القليل من القصبر والنعناع مقطع صغير +شوية قرفة وطفي للقدرة وهنا
خليها تشرب مليح يعني خليها ساعة أو أكثر قبل ما تسقيها في الصحون ماشي غير التطفي النار تسقي خطأ كبير ؟
والآن نشرح الأسرار :السمن يخلي الوجه تع القدرة يلمع لذلك متخليهاش تفيض
والسر الكبير هو كتقلي كلشي واحد
زمان كنت نقلي كل الخضر بعضها بعض وعندما أعطتني الوصفة قلت أنا مرانيش فارغة الشغل كل واحدة نقليها وحدها ولكن كشفت بناتها صغار أجي الشوربة التاعهم هايلة وبنينة بمعنى الكلمة قلت نجربها ,,,,,وكانت النتيجة رووووووووووعة إلي ذاقها يسقسي شكون دارها خاصة في رمضان العرضة ,,

الجزر نوضعوا كمية كبيرة لأنها حلوة ونستغناو على السكر ؟
ويعطي لون كذلك ودرناها هي الأولى لأنها تتأخر على القرعة طبعا
والطماطم وضعنا 5حبات (أنا كصورتلكم ماكنتش عندي بزاااف)حتى نستغناو على الطماطم المصبرة ولانضع إلا م ك فقط
القصبر طازج +النعناع كذلك مقطعين رقاق ماشي خشان
التوابل توضعيها الآن لماذا ؟خلي كل من اللحم والخضر يطلق بنتوا وحدوا ثم تبلي

الحمص دائما طيبيه من قبل وضعيه في كيس في المجمد وعندما تحتاجي أجبدي الكمية إلي تحتاجيها وبهذه الطريقة يطيب الحمص زبدة
ومرقي بالماء سخون باه تطيب الخضر بسرعة وعدة فوائد,,,
والملح ممنوع توضعيه في البداية خطأ كبير ؟؟؟؟
والفريك أشريها مليحة ماشي تع السوق لونها أخضر ؟؟؟
أرحي الخضر مليح ماشي بالشوكة لالا إما مكسيها أو الرحيوة اليدوية


خليها تشرب مليح مثلا في رمضان نطيبها مع الصباح ونطفيلها وعند المغرب تكون شربت مليح وأجي هايلة


أعتذر على الإطالة مراعاة للمبتدئات
أي سؤال أنا تحت الخدمة
إن شاء الله عملي يكون خالصا لله وتستفادوا