ليوم جبتلكم وصفة درتها البارح الصراحة مكونتش ناوية نحطها موضوع بصح كي طابت وذوقتها وذاقوها وليداتي وزوجي عجبتهم ولحسوا الصحون من كثر ما عجبتهم ملا قلت نحطها موضوع باه تجربوها نتوما تاني و اكيد راح تعجبكم
المقادير
3حبات بطاطا يكونوا كبار مقطعين دوائر
لي زابا تاع الجاج بعدما تنقيهم قطعيهم قطع صغار لي هوما الكبدة والحرشة
كرام فراش علبة صغيرة
بصلة صغيرة مقطعة جوانح
5سنينات ثوم مرابية
ورقة رند
ملح فلفل اسود معدنوس
جبن مرحي
اسمحولي مصورتش المراحل بصح ساهلين وباينين مايحتاجوش تصوير ههههههه
في كوكوت نقلي البصلة والثوم مع شوي ملح وفلفل اسود نضيف لي زابا ونصف كاس ماء او اقل على حسب كمية لي زابا ونضيف ورقة رند نقفل لا كوكوت نقص عليها النار ونخليها تطيب لمدة 20 دقيقة تقدري تستغناي على لاكوكوت وتستعملي مقلاة عادي بصح تدي شوي وقت كيما نعرفو الحرشة تاع الجاج شوي عاصية
كي نشوف لي زابا تاع الجاج طابو نضيف لكرام فراش نخليها تغلي شوي ونطفي عليها نضيفلها شوي معدنوس ونخليها بجهة
نقلي البطاطا
نجيب مول لي يدخل الفور
ندير طبقة تاع بطاطا وامبعد ندير شوي من الخلطة تاع لي زابا ولكرام فراش ونزيد ندير طبقة اخرى تاع البطاطا وندير الخلطة ونزيد طبقة اخيرة تاع البطاطا ونزيد الخلطة وفي الاخير نضيف الجبن المرحي وندخلها للفور 10 دقايق برك ونخرجها
صدقوني راه تتحصلوا على الذ قراتان وميتشبعش
( تقرير عن مشاركة سيئة )، و الموجودة أسفل كل مشاركة .
2015-10-29, 07:39
قراتان بطاطا بلي زابا تاع الجاج ولكرام فراش امممممممممممم
العرض الشجري