صرح خآص بالموجهين إلى كلية الطب بقسنطينة ~ { هنآ للإجآبة عن استفسآرآتكم فأهلآ بكم } ~

[~ فآيـزة ~]

المشاركة الأصلية كتبت بواسطة *نسيم الفجر*

سلام
ما هي المواد التي تاخذ نضيبا اكثر في المراجعة؟ كيف التعامل معها؟ anatomie هل يجب ان يكون معك دائما larousse و بالنسبة للرسومات اين اجدهم .. اعطيني لائحة كنب علم التشريح لو سمحت .. و هل يجب ان احفظ الدرس في يومه؟

وعليك السلام
بالنسبة للمواد اللي تدي وقت هي مواد الحفظ وعلى رأسها l'anatomie خاصة في الثلاثي الثاني والثالث .. لذلك لازم تركزي مليح في الاول وتجيبي اعلى علامة ممكنة.. لان الامر سيصعب في ما بعد..
Génétique تاني فيها حفاظة بزاف خاصة في الثلاثي الاول .. و l'embryologie فيها حفاظة بزاف في السداسي الاول بصح ساهلة .. وفي الثاني تنقص الحفاظة بصح تولي شوية صعبة للاستيعاب
البااقي مايديش وقت بزاف يكفي الفهم وقليل من الحفظ..
وبالنسبة للاناطومي انا نعرف غير حمودي.. انا ماستعملتوش بصح نشوف الغاشي كامل يسلف فيه .. هو مفصل بزااااف وفيه الرسومات كامل.. بالنسبة ليا اكتفيت ب لي بوليكوب تاع البروف وفقط لان الاسئلة تجي منهم برك..والرسومات ادا احتجت كنت نحوس في google image ونلقى كلش.. والحمد لله
ماتكتريش عليك الكتب في السنة الاولى . الاسئلة مش رايحة تخرج على وش كاين في البوليكوب اللي تجيبيه من la salle de tirage ..
وطريقة الحفظ من الافضل انك تحفظي في الوقت وماتخليش لي كور يتراكمو .. لانك كلما حفظتي بكري وعاودتي ماتروحلكش المعلومات وما تحسيش بالضغط الرهيب ايام لي كونترول.. وبإذن الله تحققي علامات ممتازة