** كيكة قدرة قادر بطريقة جديدة واقتصادية**

[faizarbh]

السلام عليكم أحبتي ان شاء الله تكونوا في أحسن حال
اليوم جبتلكم طريقتي في كيكة قدرة قادر



انا كنت نديرها من قبل بصح يصراولي فيها مشاكل
العجينة تاعها كانت اجيني ثقيلة بزاف و نحسها معجنة و ماشي خفيفة
و الطريقة اللي جبتهالكم اليوم بدلت العجينة بهجينة جنواز جات خفيفة روعة و في طبقة الفلان بدل ما نديرو اللحظة نقتاصدو شوية ههههه درتها بحليب تاع الشكارة شفت الطريقة هادي عند اخت و نجحت معايا روعة احسن من اللحظة
نخليكم مع الوصفة و لا تنسوا التقييم

نحتاج كاس سكر نديروه في مقلاة على نار قليلة و نصنعوه كراميل




هنا لما ذاب السكر



نفرغ السكر في المول




وصفة طبقة الفلان :
نحتاج 4 بيضات حجم كبير + كاس سكر + فاني + نصف لتر حليب ساخن
الطريقة:
نضرب البيض و السكر و الفاني جيدا .




ثم نبدا نضيف فالحليب الساخن بشوية بكميات قليلة باش ما يطيبلناش البيض .
ثم نفرغ الخليط هذا على طبقة الكراميل اللي درناها فالمول.



طبقة الكيك :
نحتاج 2 حبات بيض حجم كبير + 60 غ سكر + فاني + قرصة ملح + 60 غ فرينة + مغرف صغيرة خميرة كيميائية تاع الحلوى + فاني .
نضرب بياض البيض مع قرصة ملح جيدا حتى يولي كيما الثلج ثم نزيدلو السكر و الفاني و نضرب جيدا

هنا اتبعت طريقة حبيبتي إلهام

نبدا نضيف فالصفار تاع البيض بالحبة ، ندير واحد صفار بيض و نضرب 2 ثواني فقط ثم نزيد الصفار الثاني و نضرب فقط 2 ثواني باش ما يهبطلناش بياض البيض
ثم نزيلدهم الفرينة و الخميرة منخولين و نحرك بالسباتول من تحت لفوق

ثم نفرغ خليط الكيك فوق خليط الفلان .
هنا راح يتخلطو الطبقتين ما تخافيش لانو لما يطيبو راح ينفصلو على بعضاهم و اطيب كل طبقة واحدها لذلك سماوها قدرة قادر

نضع المول تاعها في صينية او قدر فيه ماء ساخن يغلي و ندخلوه الفرن مسخن مسبقا يعني راح يطيب في حمام مائي مدة 45 دقيقة لما ندخل السكين فالكيكة راح يخرج ناشف يعني راه طاب

ننزع الكيكة من الحمام المائي و نخليها دقيقتين فقط و نقلبها في صحن التقديم ثم ندخلها الثلاجة تبرد ثم نقطعها و نزينها و نقدمها مع شوية كراميل















ملاحظة: الكراميل اللي تبقى لاصقة فالمول : نسخن المول على النار و نخليها تذوب و نفرغها في كاس و لما نقسم الكيكة راح نحطعا بجنب كيما درت انا او فرغيها فوقها.
نتمنى اجربوها و تدعولي
شكرا