شوربة الكرنب من مطبخي لجميع فصول السنة

[mounia hse]

السلام عليكم و رحمة الله و بركاته

اهلا غالياتي حراير منتدى الجلفة ان شاء الله تكون ملاح و تكون فوتو عطلة مليحة
نداءءءءء ليكم كامل تجربو هذي الشوربة

نبدا مع المقادير

2حبات متوسطين بصل
5الى 6 فصوص ثوم على حسب حجم الفص ثوم
ملح
شوية صغير كمون
م ص فلفل اسود
1/2 م ك راس الحانوت
1 م ك موطار
2 م ك معدنوس

ربع راس كرنب مقطع طوليا رفيع
بطاطا مقلية مكعبات
زيتون اخضر مغلي مصفي "اختياري راني حطيت من قبل الطريقة https://www.djelfa.info/vb/showthread.php?t=1471460"
دجاج على حسب الفراد الاسرة

الطريقة

نقلي البصل و نزيدلو مغرف موطارد+الثوم بعد مايذبل البصل نزيدولو الدجاج و التوابل و المعدنوس و نخلط و نقص عليه النار و نخليه يتقلى مليح 5 د الى 15 د
و مبعد نمرق بالماء الساخن و نغلق عليها حتى يطيب الدجاج و تعقد شوية

نروحو للكرنب


نذبلوه في شوية زيت و نتبلوه بالفلفل الاسود مانديروش الملح اوكي
الكرنب لازم يطيب 3/4 طياب مايطيبش كامل يعني كي نديرو في القلة مع شوية زيت نغطيو عليه حتى يوصل 3/4 طياب

نرجع للمرق بعد مايطيب الدجاج و تعقاد المرقة شوية تقدرو تصفيوها مي انا ماصفيتهاش نحيت شوية قشاقش ليقاو نتاع البصل بالمغرف ليراهي في الصورة وزيدتلها البطاطا المقلية و الكرنب و الزيتون وخليتها هزت غلية و طفيت عليعا
و ادجاج حمرتو في شوية زيت