مشيهدة من مطبخ ام سهام 02

[ام سهام 02]

البسملة1
الحمد لله ربي و فقني ووفيت بوعدي في طريقة تحضير المشيهدة او الخشخاش و ان شاء الله تعجبكم و وليدي تعب معايا باه درنا هذا الموضوع
المقادير :
4 عبار فرينة مغربلة + 1 عبر مرغرين ذائبة باردة + ملح مذوب في الماء+ لمي العجينة بالماء و ماء الزهر حتى نتحصل على عجينة مشي طرية بزاف
و نخلوا العجينة ترتاح على الاقل 1/2 ساعة و نحلوها في الة التوريق (المشينة تع البقلاوة ) نحلوها عدة مرات في 1 و 2 و المرة الاخيرة في رقم 4 و بواسطة جرارة نقطع اشرطةمتكونش عريضة بزاف ثم نقلي كل شريط و نلوي بالفرشيطة على نار متوسطةو بعدها نحطوها فوق ورق مصاص و نخلوها تبرد تماما باه نعسلوها و نرشوها بجوز الهند او الجلجلان و الصور و الفيديو توضح ذلك





https://www.youtube.com/watch?v=J98fb...ture=youtu.be#!