السلام عليكم و صباح الخير. وبارك الله في كل من ساعدتني بلا ماعلاباله كثيرين لاني من نهار سجلت و منتدى الجلفة واقف معايا و لقيتو في اصعب الاوقات لقيت فيه اليد اليمنى او الكتف اللي استندت عليه المهم مانطولش ليوم جات داتلي باش نقدر نفيد كيما استفدت و انشالله نقدر نكون في والمستوى
بسم الله
بليون ابيض بالكوكاو
هاذ البويون مليح للاطفال فوق 3سنوات و زيد نعرفو مليح الاطفال مايحبوش البويون مع العلم بقيمتو الغذائية الكبيرة. لهذا الشي بقيت نخمم واش نقدر ندير لوليدي باش ياكلو المقادير بسيطة و مفيدة بصح للاطفال فوق 3 سنوات بالاكو تعرفو الكاكاو صعيب يحصل راني طولت هههههههه
حبة بطاطا
حبة بصل
حبة قرعة
ملعقة كبيرة زيت زيتون
نص ملعقة صغيرة ثوم
زوج حبات فرماج من الافضل كيري فيه الفايدة للاطفال
ملح و كمشة كوكاو محمص منقي و مملح
التحضير
قطعي البطاطا و القرعة و البصل على ربعة
و حطيهم في قدرة حطيلهم الماء حتا يتغطاو و زيدي الزيت زيتون و الملح و غطي عليهم حتي يطيبو مليح ارحيهم بالبرا le bras مليح زيدي الفرماج و الثوم و نتي ترحي
يخرج بويون ابيض ارميلو الكوكاو و بالصحة و العافية والله غير ابني خلعني كمل 2bol قلت بالاك فكرة تعجب كاش وحدة عندها اطفال صعيبي الارضاء كي طفلي
الكاكاو غني بﺍﻟﺒﻮﺗﺎﺳﻴﻮﻡ ﻭﺍﻟﻜﺎﻟﺴﻴﻮﻡ ﻭﺍﻟﺤﺪﻳﺪ ﻭﺍﻟﻤﺎﻏﻨﺴﻴﻮﻡ ﻭﺍﻟﺰﻧﻚ ﻭ ﺍﻟﺴﻴﻠﻨﻴﻮﻡ. و مضادات الاكسدة و فيتامين ب6 ووو
و السلام انشالله نكون افدتكم