قراتان شفلور جديد وروعة

om mita · 2014-01-11, 17:20

سلام حبيباتي ا
اليوم حبيت نشاركم وصفة
هذي الوصفة من اختراعي
ضك نقولكم الوصفة وطريقة التحضير ومبعد لحكاية
الممقادير
حبة ونص بصلة مقطعة رقيق نحطها تذبل

لما تذبل تزيد عليها شوية كفتة او صدر دجاج ولما يطيب نفتوه او 2

لما طيب الكفتة نزيد عليها الطماطم حبة تكون مرحية
ثم نزيد التوابل
انا منحبش التوابل بزاف درت ملح كسبر وهريسة
وانت حسب الذوق تاعك

لما تطيب الطماطم ضيفي عليها الشفلور علا حساب عدد افراد العئلة ويكون مغلي
وهرسيه وخليه يطيب

وابقاي حركي فيه حتى تحسي بلي الكمية نقصت اي الشفلور يكون فقد كل الماء
راح يلصقلك لكن كملي حركي بملعقة خشبية حتى يتهرس كامل الشفلو

وفي نفس الوقت تكوني قليتي كمية من البطاطا الي راح تكون القاعدة تاع القراتان

وحضري صوص بيشاميل لكن تكون خاثرة بزاف اي جامدة مشي سائلة
الآن خلطي البيشمال + فرماج قطع او رابي او 2 +الشفلور الي يكون نشف من الماء مليح

ادهني المول تاعك بالزبدة
ديري البطاطا من الاسفل ثم صبي الخليط تاعك والى الفرن

تخليه حتى ينشف مليح وتقطعيه وبالصحة والراحة
هاو ليك كي خرج من الفرن

وهاو ليك عند التقديم

مع شو كرام فراش ومعدنوس اممممممممممممممممم
والله غير رائع
اني نشكر في روحي
ملاحظة :علا هذا قلت لازم الشفلور ينشف من الماء والبشامال تكون عاقدة باه كي يتقطع ميسيحش يجي كي الكايك

أم محمد تاج · 2014-01-11, 17:28

حنونتي بسيف لاقريت لكتيبة راهي ماتبانش خلالالاص هههههههههه
والقارتان يهبل يعطيك الصحة

2014-01-11, 17:30

والله روووووووووووووووووووعة يعطاك الصحة على اشهى اختراع

lamia zina · 2014-01-11, 18:15

تبان مليحة و لكن الكتابة غير واضحة و متعبة شوية

hayat-48 · 2014-01-11, 18:25

yaatik esaha ln chaa allah ndjarabha baraka allahou fiki

هبة الرحمان انشراح · 2014-01-11, 18:44

اولا الله يعطيك مافي قلبك ثانيا هايل يعطيك الف صحة اما بخصوص انو شوي سايح يمكن تستعملي ملعقة كبيرة او اثنان شابلور انا موالف انديرو في قراتان الشيفلور يحكم روحو وبارك الله فيك