حامل من جديد

[مشكلتي]

السلام عليكم باختصار انا امراة 23 سنة متزوجة من 4سنوات لي ولدان الاول 2 سنة و الثاني 5 اشهر و انا الان امل والله تعبت جسمي تعب من الحمل و الرضاعة و زيد راني حشمانة من الناس تقول ارنب ههههه والله هل يوجد نساءمثلي و لا راني كيما تاع زمان و هل الامر عادي و بواش تنصحوني حتى نهز صحتي مع العلم انني نتناول حبوب منع الحمل ولكن قدر الله

[nihal159]

صراحة أختي؛ ولدك مازالو صغير بزاف؛5 أشهر فقط؛ راهو مازال رضيع يحتاج عنايتك كل ساعة و كل دقيقة؛ ربي يقدرك و تكوني قد المسؤولية.
هذا رزق من عند ربي؛ ألف مبروك و ربي بتمم حملك على خير.
لكن بالنسبة لحبوب منع الحمل؛ ممكن أخطأتي في طريقة شربها أو شربتي دواء آخر نقّص من مفعولها؛ على كل حال الطبيب هو لي يقدر يفيدك أكثر منّا.

[sweet girl 07]

صراحة اختي لا تقولي ارنب ولا شيئ الاولاد نعمة كون جيتي معندكش لوكان راكي تحسي عليهم

وقدر الله وماشاء فعل لي جاء راه جاء من عند ربي وراه نعم

وعليك بمراجعة طبيبة مختصة

[توحيد الجزائرية]

مبارك الحمل

نحن نقول ..قدر الله وماشاء فعل

وارضي بما كتب لك عسى فيه خير لك ..سيكبر الاولاد بسرعة وان احسنت تربيتهم يكن لك اجر وذخر وبر بحول الله

سيعينك الله عز وجل فلا تسخطي على امره فكم من ام محرومة تحلم بالانجاب فلا تجد لذلك سبيلا

انا حملت بعد الاربعين وقبل الحمل حلمت بقارورة مسك مكتوب عليها انا فتحنا لك فتحا مبينا فرزقت بصبي بعد الصبي الاول والحمد لله

تربيا كالتوام ...والان اجد حرجا اذ لا يبتعدا عن بعضهما..بمجرد استيقاظ احدهما يهرع للبحث عن اخيه

ربي يحفظ اولادك ....

[yasmine700]

هههههه بحبوب منع الحمل ! عندي اختي مسكينه لا حبوب وظل تحسب موعد الإباضه وماحملتش شوفي طبيب نساء

[ابو سليمان10]

اهم شىء التربية...واحد مربي مليح افضل من 5 ذوي تربية ضعيفة
الجزائر بحاجة للنوعية

المهم الاخت ربيهم احسن تربية...و التربية الحسنة شىء صعب جدا و فن لا يتقنه الا القليل

[نُـون]

السلام عليكم ورحمة الله وبركاته



أسأل الله أن ينبتهم نباتا حسنا وأن يكونو بصحة ورضى
وربي يكملك يا أختي
والخيرة فيما اختاره الله
العبد بالتفكير والرب في التدبير
ما عليك إلا أن تشكري الله
لا قطة لا فأرة لا أرنب
اعتني بأطفالك ووفقك الله

[رضاك يا ربي]

الف مبروك يا اختي
لا تشبهي نفسك لحيوان هذا لا يجوز
انا ليس لدي اولاد ويشتاق قلبي لاحتضان ولد
بين ذراعي.... متزوجة منذ عامين تقريبا
بالعكس تربيتهم مع بعض احسن
وان شاء الله تشوفيهم في المراتب العليا
واحسني تربيتهم
وعلاه تحشمي من الناس رايحين بجيو يربيو معاك
ماتخافيش ربي معاك
والاولاد نعمة كبيرة لا يحس بها إلا فاقدها
الف مبروك
لعقوووووووووبة ليا ياااااااااارب

[بالقران نرتقي]

الف مبروك حبيبتي وربي يجعلهم دخرا للاسلام والمسلمين بصح وعلاه تحشمي وتشبهي روحك للحيوان هده نعمة اعطهالك ربي احمديه واشكريه انا في مثل عمرك تقريبا وانا حامل بولدي الرابع بالعكس انا عاجبتني نولد اولادي مع بعض كي تنظمي روحك وثقي في ربي هو راللي يعونك في تربيتهم ادعي ربي برك حبيبتي وماتنسايش قول المصطفى في معناه تكاثروا فاني مباهي بكم الامم يوم القيامة

[بالقران نرتقي]

ربي يرزقك الذرية الصالحة اختي - رضاك يا ربي - عن قريب ان شاء الله اكثري من الدعاء وماتقلقيش برك اختي راه مازال الحال ربي يرزقك ويرزق كل محروم

[غصن البآن]

مبارك الحمل ..ربي يجعلهم ذريه صالحه ويفرح قلبك بيهم

الحق انا من النوع الي تحب المباعده شويه حتى الطفل يشبع حنانة و تلتهاي بتربيتو .. وخمس اشهر صغير ربي يحفظولك لكن هاذي نعمه ربي يعني لازم تفرحي بيها حتى ولو راح تتعبي اكثر فالتربيه والسهر ...ربي يقدرك على تربيتهم تربيه حسنه
والطفل يجيب رزقو معاه ..لذا تفاءلي واستبشري خيرا ...

[Saif al-Islam]

ما شاء اللّه لا قوّة إلاّ باللّه

حلاوة الزّواج هم الأولاد يا أخت ، أشكري اللّه سبحانه و تعالى ليل نهار على هذه النعمة التي منحها إياك .

يا أختي أنت ما تزالين صغيرة في السّن ، حاولي تنظيم النسل قدر المستطاع لكي تتمكّني من التّفرّغ لتربية أولادك ، و إسترجاع نشاط جسمك من جديد .....
أمّا فيما يخص حبوب منع الحمل ، أنصحكي و أنصح غيرك بالإبتعاد عنها ، و دعي جسمك يعمل بشكل طبيعي ، فهناك وسائل أخرى أفضل و أأمن من إستعمال هذه السّموم يوميًا > إستشيري طبيب مختص ليعطيك أفضل الوسائل الغير مؤذية.

[قدور بن عاشور]

مبروك عليك،
هذه نعمة من عند الله يفتقدها كثير من الناس،
فلا أرنب و لا هم يحزنون
أما الحبوب فهي السموم في حد ذاتها،
و أكتفي بهذا القدر.

[أم سلوى]

سيكون نعم الولد...صراتلي وانجبت بنت وراء بنت...والان نعم البنت لي

[Noor_Noor]

ربي يقدرك اختي و يترباو فعزكم