أسمــ☺ــاء هاهي الوصفة شكرا حبيبتي

[_ قطر الندى _]

البسملة1
السلام عليكم
حطيت هذه الوصفة من قبل و اليوم راح نديرها بالصور



للعجينة :
5 كيسان فرينة + نصف كاس زيت +2 ملاعق كبار خميرة الخبز +1 خميرة الحلويات + مغرف كبيرة خميرة المحسن +
ملعقة كبيرة سينوج + فنجال سكر + ملح حسب الرغبة +
ماء دافي عجنتها و حطيتها تخمر



للحشو :
انا درت لحم مرحية + فرماج + بيشاميل
لحم المرحية قصيت بصل رقيق و ملح و فلفل اكحل دبلت البصل و حطيتله اللحم و خليتهم
نسيت ما صورتش الحشو ركزت غير على العجينة سامحوني


البيشاميل :
دوبي
مغرف زبدة + حطيلها مغرف فرينة و خلطي بالفووي ما تحبسيش من التخلاط فوق النار كي تطلع ريحة الفرينة و الزبدة لحقيلهم 1/2ل حليب سخون و بالشوية وانت تخلطي بالفووي حتي تولي ما هي عاقدةو ماهي جارية بزاف


نوليو للعجينة:
بعد ما تتخمر عاودة عجنتها و قسمتها على 2 الاولى درتها على شكل وريدات و الثانية على شكل cornet

les cornets هاي كيفاه ديريهم

تحلي العجينة و تقصيها بالطول



و تروليهم فالمول تاعهم



تتدهنيهم و تخليهم يخمروا شوية و تحطيهم فالفور ( يكون سخون )

الوريدات تحلي العجينة و تقطعي دائرات انا استعملت فم الكاس متوسط و تدهني المول تاع madeleines ( يتباع simple و كاين شكل وريدات ) كل 3 دائرات يشكلو وردة حطيهتم بجنب بعضاهم كيما تشوفي فالصورة






و حشيتهم باللحم و فوقه البيشاميل و غطيتهم بالفرماجو ديري هكذا حتى تكملي العجينة
تحبي تغلقيهم كيما درت انا ولا تخليهم مفتوحين



و تدهني الشطوط تاع الوردة بالبيض ( بيضة + سكر + شوية حليب)
كيفكيف يخمروا شوية باه تطيبيهم

و هذا الشكل النهائي





ان شاء الله تكون عجبتكم

و شكر خاااااااااااص لأسمــ☺ــاء بينتلي كيفاه نحمل الصور

بارك الله فيك

[faizarbh]

يعطيك الصحة اختي جاوك روعة و يشهو ممممممممم

[_ قطر الندى _]

بما انك انت دخلتي اول وحدة هذاك الصحن ليك ما تاكليه غير بالصحة و الهناء
يسلمك ختي العزيزة

[omaymen]

وانا كذلك اعطيني شوية راهم يشهيو الله يبارك
يعطيك الصحة

[_ قطر الندى _]

على العين و الراس حبيبتي الله يسلمك

[أنواار الإيماان]

يعطيك الصحة

[أسومة المتفائلة]

امممممممممم شهتنى
يعطيك الصحة حبيبتي
مشكورة

[_ قطر الندى _]

يسلمك لعزيزة بلا مزية كل وحدة تتعلم من اختها فيد و استفيد

[laz chaima]

امممممممممممممم بنينة يعطيك الصحة

[_ قطر الندى _]

[هشام هشام الدين]

شكرا على الوصفة

[_ قطر الندى _]

[YAKMISSOU]

يعطيييييييييييييك الصحة

[ام سارة 285]

يعطيك الصحة اختي على هذا الابتكار الرائع جاتك روعة الله يسلم هذوك اليدين

[ام عبيدة]

مشكوره اختي علي الوصفة