|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
مترشح حر متحصل على بكالوريا 2015 جيد جدا ارواح نطلعلك المورال
|
أدوات الموضوع | انواع عرض الموضوع |
|
2016-01-30, 19:07 | رقم المشاركة : 1 | ||||
|
مترشح حر متحصل على بكالوريا 2015 جيد جدا ارواح نطلعلك المورال
سلام خاوتي نشا الله راكم ملاح و الله غير توحشت المنتدى هدا pcq عندي مدة مشفتوش او بالاحرى من الباك نتاع
العام لي فات بعد ما قضيت فيه العام كامل كيما نتوما دركا ,,,, انا طالب طب الان السنة اولى فوتت الباك الثاني نتاعي العام لي فات و جبتو بمعدل 15,68 ( بالاك مش معدل كبير بصح الحمد لله راني نقرا مع جماعة ال19 لكرموهم في قصر الشعب خخخخخ ) المهم الباك نتاعي الاول في 2014و كيما قال صديقنا نتاع الرغاية ( حقرونا) جبتو بمعدل 13 و لحد الساعة منيش عارف علاه بالاك كيما البعض منكم ليفوتو الباك العام لي فات مهمش فاهمين بصح نورمال يجي نهار و يروح نهار و تولي ذكريات برك ,,,, الحاجة الاولى لي حاب نقولهالكم هي ما desesperiwesh كملو قرايتكم رايحين و اخطوكم من المقارنة نتاع صاحبي طلع و صحبتي فاتتني ب عام و هدو الصوالح pcqمع الاخير هدي حياتك نتا مش نتاع وحدخرين ,,, و لازم تعرفو بلي الدنيا مكتوب ( دير في بالك بلي من نهار لي زدت فيه راه ماركي بلي تعاود الباك ؟؟) ديرها في بالك مليح و اقتنع بيها هدي و واحد ميحشيلك و يقلك هدرا وحدخرا ,,, مازالك صغير في العمر و عام مينحلك مايزيدلك عكس الفكرة الشائعة ( راحلك عام من حياتك ) انا عندي صحابي فوتو الباك من العام الاول يسخيبو رواحهم دارو laffaire بصح درك و الله كاين لي عندو 4 سنين و هاهو قاعد لا خدمة لا والو كشما يجيب ربي برك المفيد الفكرة نتاع تعاود الباك باه تجيبو ب معدل مليح هي فكرة صايبة 100بالمئة و راه الواحد يحمد في ريي صباح و عشية كيعاودت الباك على الاقل المستقبل مضمون حتى و هو طويل بصح الواحد يولي عارف وين راه رايح يلحق بهذي القراية و ممبعد كلش يسهال ,,, المهم راني جيت متوخر شويا pcq ممزالكمش بزاف على الباك بصح هاني هنا نفيدكم بواش درت فالعام نتاعي نتاع الباك العام لي فات من مراجعة و دروس و تنظيم وقت ووو اي استفسارات مرحبا بها ملاحظتين : 1 متديروش النهار كامل قراية معناها من لي تنوض حتى الليل ,,, انا العام ليفات نقرا شويا و نقصر شويا ,,, les matches ليلعبتهم ميعلم بيهم غير ربي خخخخ , كونكتيت,,, حوست ,,, زهيت مع الاحباب ,,, بصح تاني قريت منكذبش عليكم يسما هي affaire تنظيم وقت 2 متقولوليش ليالي بيضاء svp هدي مكاش منها كامل انا جامي نشفا لروحي فوتت 12 نتاع الليل خخخخ ,,, اتهلاو,,,
|
||||
2016-01-30, 19:52 | رقم المشاركة : 2 | ||||
|
اقتباس:
مبروك عليك خويا المهم الحمد لله درت الحاجة اللي في بالك خويا انتا علوم تجريبية و لا رياضيات لان عندي استفسار اذا شئت |
||||
2016-01-30, 22:11 | رقم المشاركة : 3 | |||
|
علوم تجريبية خو مرحبا بيك
|
|||
2016-01-31, 06:31 | رقم المشاركة : 4 | |||
|
السلا م
خويا انا ما عنديش خلاص منين نقرا المواد الادبية اصلا البرنامج مانيش عارفة و ش فيه و ش ما فيهش انا نقول اذا تقدر تعاوني بالدروس كاملة تع المواد الادبية الشيء الثاني تقدر تقولي و ش نوها الدروس اللي حذفوها من الكتاب المدرسي بصفة كاملة في المواد العلمية علما اني شعبة رياضيات -ما رانيش نحكي على العتبة نحكي على الدروس اللي داروهم امبعد نحاوهم وفي الاخير بالتوفيق لك اخي في مشوارك الجامعي و العاقبة للنجاح في التخصص |
|||
2016-01-31, 13:00 | رقم المشاركة : 5 | ||||
|
اقتباس:
|
||||
2016-01-31, 14:22 | رقم المشاركة : 6 | ||||
|
اقتباس:
و المواد العلمية زعما يكملوا البرنامج لان الدروس الاخيرة ما فيهمش بزاف النماذج تع البكالوريات يعني كي نقلب قي البرنامج نلقى كيما في الفيزياء بعد الاسترة يبداو الدروس السامطين اللي كي نجي نقراهم نحس بلي رايحة نضيع و قتي و نقول بالاك ما يطيحوش و الرياضيات بعد الاحتمالات الشرطية العام الي فات و السنوات اللي قبل ما كانوش يكملوا البرنامج بصح السنة لا اضرابات لا ثلوج يعني راني خايفة نوصلوا ليهم لوكان غير تفيدني بشيء ربي يوفقك |
||||
2016-01-30, 19:52 | رقم المشاركة : 7 | |||
|
ألف ألف مبروك الباك |
|||
2016-01-30, 21:03 | رقم المشاركة : 8 | |||
|
السلام عليكم |
|||
2016-01-30, 22:31 | رقم المشاركة : 9 | ||||
|
اقتباس:
المراجعة انا بديتها من نوفمبر داير برنامج يومي يعني نهار كامل بصح مقسوم على فترات 2 ساعتين الصباح 2 ساعتين بعد الظهر 2 فالليل يعني الصباح من 10 حتى 1 راني قاعد و لا راني ندور برا و العشوة كيفكيف فراغ حب يقول مكنتش نفورصي ف روحي و الحفظ بديتو من جانفي ندير ايام خاصين بكل مادة يعني كنبدا مادة لازم نتم معاها حتى نكملها و نبدل المادة لكن بعد سمانة او 10 ايام نعاود نراجعها مراجعة خفيفة وهاك مع المواد كامل حتى كملتهم و المواد العلمية درتلهم حصة الاسد يعني العام كامل و انا رياضيات علوم فيزياء ندير ملخص نتاع درس ميديش مني نص ساعة يعني منكثرش ومبعد تمارين ثم تمارين ثم تمارين و في كل تمرين نكتشف فكرة ولا عفسة جديدة نمركيها باه نحفظها ومش نحفظها معناعا نخصصلها وقت كانو العفايس يتحفظوا مع كثرة التمارين ,,,, |
||||
2016-01-30, 22:14 | رقم المشاركة : 10 | |||
|
|
|||
2016-01-30, 21:26 | رقم المشاركة : 11 | |||
|
قولنا كيفاه كنت تراجع ويكتاه بديت |
|||
2016-01-30, 22:32 | رقم المشاركة : 12 | |||
|
المراجعة انا بديتها من نوفمبر داير برنامج يومي يعني نهار كامل بصح مقسوم على فترات 2 ساعتين الصباح 2 ساعتين بعد الظهر 2 فالليل يعني الصباح من 10 حتى 1 راني قاعد و لا راني ندور برا و العشوة كيفكيف فراغ حب يقول مكنتش نفورصي ف روحي و الحفظ بديتو من جانفي ندير ايام خاصين بكل مادة يعني كنبدا مادة لازم نتم معاها حتى نكملها و نبدل المادة لكن بعد سمانة او 10 ايام نعاود نراجعها مراجعة خفيفة وهاك مع المواد كامل حتى كملتهم و المواد العلمية درتلهم حصة الاسد يعني العام كامل و انا رياضيات علوم فيزياء ندير ملخص نتاع درس ميديش مني نص ساعة يعني منكثرش ومبعد تمارين ثم تمارين ثم تمارين و في كل تمرين نكتشف فكرة ولا عفسة جديدة نمركيها باه نحفظها ومش نحفظها معناعا نخصصلها وقت كانو العفايس يتحفظوا مع كثرة التمارين ,,,, |
|||
2016-02-03, 12:14 | رقم المشاركة : 13 | |||
|
الله يحفظك و بالتوفيق |
|||
2016-02-04, 17:11 | رقم المشاركة : 14 | |||
|
|
|||
2016-01-30, 21:33 | رقم المشاركة : 15 | |||
|
مازال مبديت القراية..مترشحة حرة مليت جبت 9.65 العام الي فات...واليوم معنديش الارادة كامل |
|||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc