لتنضيف العلب توابل والاواني

[romissa1990]

كلواحده تقول كيفاه تنقي الاواني عني انا احضر القدر الكبير اضع صابون غبره وجافيل يفيضو ثم نحك بلسكه والجراف للخدوش ونتيجه مبهره وسلات نحك سبيسال مكنسه يد حرشه لاواني البلاستيكيه كل وحده تقولنا كيف تعمل

[hajibah]

نفس الشي نخليهم يشمخو شوية في لومو مع لو دوجافال ومن بعد نحكهم عادي يتنقاو بكل سهولة

[ام معاذ وسلمى]

انا ندير كذلك الماء الساااخن مع ازيس وجافيل ونخليهم يشمخ شوية قبل ما يبرد الماء نحكهم والنتيجة هايلة
وانا الطريقة لي صبتها تبردلي قلبي هي الحكان حتى يخرج وتبعي الحواشي واماكن الضيقة براس الموس
وكاش واحدة عندها produits مجربة تفيدنا

[oumhana]

أنا نظف أواني كما لقدور و الطناجر بالأجاكس وصابن الحجرة يرجعو كالفضة. أما بالنسبه مثلا الكسان لنسربو فيهم تاع كل يوم نبرمج مره في 15/20يوم نحط الما يغلي من بعد نحيه من فوق النار ونصب فيه كميه من الخل الأبيض من بعد نحط فيه الكسان بشويه ونخليهم حت يبرد الماء نه بعد رغيوه خفيفه بالإزيس وعينل ما تشوف غير النور كأنك أول مره تستعمليهم من قوة التبريق. إن شاء الله نكون أفدت كما إستفدت.

[جهينة اليقين]

شكرا لك على طريقة الكيسان فالماء و الخل ان شاء الله نجربها

[طيور الجنان]

انا ايضا عجبتني طريقة الكيسان في الخل الابيض ان شاء الله نجربها

[12abdelkader12]

بارك الله فيك على المعلومة القيمة .

[Amani taima]

صابون حجرة والاجاكس يخرجو يشعلو كي شغل جدد

[qwerty98]

حنا تاني نفسس الطريقةة

[ام متين]

بالنسبة لعلب التوابل انا نرشهم aigle decape four ونتركم 5 دقائق ومن بعد نغسلهم بازيس نشللهم ونشفهم يخرجو نظاف وزيد ما يتعبوكش في الغسيل ونفس الشيئ مع حوايج البلاستيك روعة

[takwazakou]

انا ندير الصابون تاع الطرف الذائب في الماء السخون ونضيف لم ملعقة خميرة الخبز الذايبة في الماء وندهن بيهم الاواني الحديدية ولما ينشف الصابون على الاواني نحكم يخرجو جدد

[اشرقت نفسي]

رووووووووووووووووووووووووووعة

[ورود الجزائرية]

كاين للدهون تخلص سريع من الدهون بعد 10 دقائق رشيه ثم اغسلي الأواني نتيجة مدهشة

[dima 08]

نفس الطريقة مشكورين

[ام اياد 2013]

بارك الله فيكن اخواتي