هل انا مريض نفسي ؟؟

[مشكلتي]

السلام عليكم ... إخواني الكرام في الشهور الأخيرة هذه أشعر بشئ غريب داخلي ... على الرغم من أني اصلي صلواتي كلها ... عندما أجلس بقرب من شخص ويعم الصمت ويبدأ هو في الحديث لوحده عقلي يخبرني بأن أهجم على الشخص وأضربه بدون سبب ولا دوافع فقط هكذا ... كذلك في المسجد يوم الجمعة بتحديد عند الخطبة الإيمام يلقى خطابه وأنا في عقلي أقول بأنني سوف أضرب الشخص الذي يجلس أمامي كذلك بدون سبب مقنع !!
اليوم في الليلة نفس الشئ أتاني شعور بضرب أحد من أقاربي بدون سبب كذلك ولكنه لم يحدث هذا أستطيع التمالك في نفسي.
مرأيكم وإقترحو عليا الحل هل أقرأ القرأن وأحفظ الأدعية ؟

[Saif al-Islam]

السلام عليكم

فقط يجب عليك يا أخي الكريم أن تُرقى رقية شرعية ، فإن لم يتغيّر شيء ....يجب طلب إستشارة طبيب نفسي لكي يساعدك على تجاوز مثل هذه الأفكار

[first first]

من رايي تجاوز هته الافكار ومنين تجيك استغفر الله واشغل نفسك بالذكر
اكيد راهي افكار لن تفيدك ولن تفيد غيرك... بل بالعكس تنفيدها كارثة لك ولغيرك
ومجرد التفكير فيها يخليك تتلهى بها عن اشياء انفع لك. ....يعني لافا@دة ترجو منها.
راهي من باب الوساوس اما الشيطانية او النفسية..... اقهرها كي لاتقهرك.
والشيء لما يكون في بداياته.... يسهل السيطرة عليه.......فحاول ان تسيطر على الامور.
بالتوفيق.

[إنسانة بسيطة]

تأكد من أن جلّ من سيجيبك سيكون انطلاقا من العنوان الذي وصفت نفسك فيه بالمريض العقلي
جميعنا كبشر تأتينا أفكار و خواطر أحيانا ساذجة و أخرى خطيرة لذلك لا تلق لها بالا و استغفر
تطمن أنت لست بمريض نفسي ولا مختل عقلي
سؤال : هل أنت حديث عهد بالالتزام الديني ؟

[مراد سابقا10]

انا نقولك هذه بداية ألإصابة بالوسواس القهري

انا ننصحك يا خويا روح لأخصائي نفسي ماشي طبيب الأمراض النفسية والعصبية

الإخصائي النفسي يعرف كيفاش يتصرف في بداية هذه المشكلة

واذا الإخصائي النفساني شاف لازم تشرب ادوية الوسواس القهري فلا مانع من ذلك العيب كي تهبل وتقعد تقطع في قشك في الطريق ويقعداو يتشفاو فيك العديان

وزيد نقولك اناس يشغلون مراكز مرموقة في المجتمع يشربون الأدوية النفسية انا صاحبي صيدلي ويحكيلي

[mohamed nadim]

الفكرة قد تتحول الى تطبيق على ارض الواقع

حاربها

لا أدري قم من مكانك و توضأ

ادا استعصى الامر زر الطبيب النفسي

[الواثق]

واحد طبيب وواحد دواء ووووو.........حتى الطبيب لو يقرا لاينصحه بشيء حتى يعاينه فاتقو الله.............اما صاحب المشكلة فاظن ان الامر عادي واي شخص يمر بهذا فان استعصى عليك الامر روح اضرب وكي تدي طريحة راك ترتاح وتبطل من هذا ههههه

[visa uk]

يااخي راح احكيلك قصة شخص كان يعمل معنا في شركة خاصة الان خرج وبعد فترة قصيرة جدا فقنالو انو عندو خلل عقلي كبير وعايش فعلا في توهمات وتخيلات جد حقيقية عايش في الوهم والخيال لانو اصلا عقلو مريض بزاف ويتخيل بزاف بزاف سارح في الخيال تاع الصح لكن ليس كتفكير عقلك لا امر اخر عمرو 32 سنة لو نحكيلك تصرفاتو وعقليتو تعرف المرض الخبيث لي فيه يضل يتخيل اشياء تموت بالضحك لانو مخو صغير بزاف بزاف وضيق لدرجة يتخيل ناس تخمم فيه وتفكر فيه وانها عاملة حساب ليه الخ ويضل يعمر راسو بالغاشي وواش فعلولو الخ وناس اصلا مش سامعة به اطلاقا قتلو روح للطبيب امراض عقلية ماحبش يضن نفسو كامل العقل وهو عقلو جد ناقص نمو الخ
هدا راه لحد اان غير متزوج وعازب ويامن بزاف بزاف وماراحش يعالج لازملو ادوية مهدئة خاصة بحالته
وحتي من خلال ملامحه هيئته جسده ووجهه يبدو عليه المرض ربي يشافيه
انت نصيحة روح اجري عل روحك روح راك حالتك خطيرة
هدا مرض عقلي اخي لان علم الامراض العقلية واسع بزاف خويا كبير وفيه انواع التاخر الدهني اعاقة دهنية انفصام وووو اضطرابات عقلية الخ هادو كامل تابعين للامراض العقلية وليست نفسية كالقلق او توتر الخ اكتئاب مؤقت الخ هادو امراض نفسية عادية

[visa uk]

هدا مرض من امراض عقلية والدهنية وليس نفسية

[visa uk]

اني خايف كاش نهار من شدة مرضك تولي لي تشوفو تجبد عليه بمسدس او موكحلة بندقية ضيد كلاشينكوف او بوشية او شاقورة وتولي تضرب روح داوي علي روحك

[زبدة ذايبة]

إذا كان زيادة على الأشياء اللي كتبتها

تحس نفسك في بعض المرات عظيم لدرجة أنك ممكن يجي في بالك أنه عندك القدرة تاع إله

وكنت في بعض المرات تحس نفسك محقور وضعيف والناس تتآمر عليك باش تقتلك أو تأذيك

فمن الضروري جدا تروح لأخصائي الأمراض العقلية أو تروح لأخصائي نفسي هو يقوم باللازم

ماتخليش روحك هكذا

إذا كانت هذه بدايات المرض ، فالشفاء وارد جدا عند التدخل الطبي المبكر

وإذا خليت روحك المرض رايح يزيد ويديك إلى نقطة اللا رجوع

رب يشفيك ويعافيك ويشفي مرضى المسلمين

[moss555]

ماهذا
ههههههه visa uk ياخويا انت راك تقول بلي أنا مريض ومعلابايش ... هكذا انت لمشي مريض تقلبو
مريض انا برك جاتني هكذا مي ذك الحمد لله خويا تناحت من بالي.

[ولد حمد الباتني]

طبيب نفسي ايرجون
وراح يقلك دير رياضة البوكس ولا الكاراطي يتنحى عليك

[mimily]

حتى انا تصرالي هاذي بصح ديما نحيها من راسي ضرك حبست عندها عام و نصف هكاك

[visa uk]

عندك مرض التخيل التوهم والتخيلات الشديدة ان عقلك كما راه انت روح للسبيطار امراض عقلية لانو تركيبة عقلك ماهاش عادية تخلخل عقلك بزاف وليت تتخايل وزد تحب حتي تضرب يالطيف اني قتلك راه تباصي روحك وناس نعرف بزاف كفك وصلو حتي يضربو اصولهم والديهم واخواتهم اي خياتهم تصور نتا واحد مختل عقليا يجيه القرينة والتوهمات الخ ويعطيه للراس او زليف انت حالتك خطيرة للغايية راك عندك اختلال عقلي للاسف الشديد انا نسناو تروح تجب وصفة وشري ادوية عاجلة جدا نسيت اسمها روح اشربها باش تبرا ان شاء الله وتولي لعقلك