اكسيسوارات و اجهزة .... أفيدوني

[sattik]

السلام عليكم و رحمة الله.

اخواني الافاضل انا مقبل على فتح محل لبيع اكسيسوارات الكمبيوتر ان شاء الله و اطلب منكم مساعدتي في اسماء و انواع الاكسيسوارات التي يمكنني بيعها. و لأنها كثيرة و متنوعة اردت ان اقترح هذا الموضوع في المنتدى كي استفيد من كل عضو . ملاحظة : اقصد بالاكسيسوارات كل القطع الاضافية و الملحقة و ليس قطع الغيار

و لكم جزيل الشكر مسبقا.

[visa uk]

اخي انا شقيقي فتح محل وطبعا راه الان حوالي 15 يوم ملي فتحو او اكثر بقليل وهو ملقرا اعلام الي ماوالو يعني عندو شوية مال استثمرو في ميدان اعلام الي راح قلب محل واشتري سلعة وطبعا قلب علي مصادر اي لي سورس ون يشري السلعة كامل قلب قلب حتي عيا ولقي البعض منها سواء مستوردين او بائعي جملة او نصف جملة قلب عليهم او عرف اماكنهم وطبعا وجد مالو جانبا لي عمر بيه محل وايضا حق المحل اي كراء لمدة عام وووو وزد ايضا مصاريف تاع شراء شاحنة او بارتنر نفعية تجارية اشراها جديدة ليه فقط باش كي يحب يروح اي وقت يستعملها بدون ان يحوس من ومن وضيع وقتو هادو كامل عملهم وعمر حانوتو بشوية برك شوية ستوك جاب صوالح وراه يشوف العقلية اخي ومع الوقت يزد يعمر حسب الحاجة
للاشارة هو يبيع بالتجزئة في شارع فرعي

[sattik]

المشاركة الأصلية كتبت بواسطة visa uk

اخي انا شقيقي فتح محل وطبعا راه الان حوالي 15 يوم ملي فتحو او اكثر بقليل وهو ملقرا اعلام الي ماوالو يعني عندو شوية مال استثمرو في ميدان اعلام الي راح قلب محل واشتري سلعة وطبعا قلب علي مصادر اي لي سورس ون يشري السلعة كامل قلب قلب حتي عيا ولقي البعض منها سواء مستوردين او بائعي جملة او نصف جملة قلب عليهم او عرف اماكنهم وطبعا وجد مالو جانبا لي عمر بيه محل وايضا حق المحل اي كراء لمدة عام وووو وزد ايضا مصاريف تاع شراء شاحنة او بارتنر نفعية تجارية اشراها جديدة ليه فقط باش كي يحب يروح اي وقت يستعملها بدون ان يحوس من ومن وضيع وقتو هادو كامل عملهم وعمر حانوتو بشوية برك شوية ستوك جاب صوالح وراه يشوف العقلية اخي ومع الوقت يزد يعمر حسب الحاجة
للاشارة هو يبيع بالتجزئة في شارع فرعي

شكرا جزيلا على مرورك اخي.
تقريبا الشي لي دايرو خوك ( ربي يبارك ليه ) انا تاني ناوي نديرو .
لوكان تعمل مزية خويا تشوف مع خوك يعطيك فاتورة تاع سلعة نطلب كيما راه داير فيها .

[visa uk]

والله يااخي هو بعيد عليا مزوج وراه فاتح وحدو يعني مانقدر ندخل روحي انا عطتلك برك واش عمل كمشروع خاص به ونوا يفتح وراه يعمل يبيع اكسيسوارات اخي les casques les baffles les souris flash disque les rams les cd dvd hta l'immobilier et mm consomable comme cartouche ruban ect ...
انت مشروعك هدا كف راك تخططلو في مخك يعني تفتح لوحدك او شراكة او تعمل خدام او تعمل وحدك احسن وكم راس مالك لي راح تدخل بيه ومنطقة ومكان وهل تنوي تعمل للمدي قصير فقط وتشوف الا راس مالك يزدوطبعا الصح الفائدة الخ لانو اعلام الي لاباس علي اقل تسترزق منو خصوصا ان كان محلك جيد

[sattik]

المشاركة الأصلية كتبت بواسطة visa uk

والله يااخي هو بعيد عليا مزوج وراه فاتح وحدو يعني مانقدر ندخل روحي انا عطتلك برك واش عمل كمشروع خاص به ونوا يفتح وراه يعمل يبيع اكسيسوارات اخي les casques les baffles les souris flash disque les rams les cd dvd hta l'immobilier et mm consomable comme cartouche ruban ect ...
انت مشروعك هدا كف راك تخططلو في مخك يعني تفتح لوحدك او شراكة او تعمل خدام او تعمل وحدك احسن وكم راس مالك لي راح تدخل بيه ومنطقة ومكان وهل تنوي تعمل للمدي قصير فقط وتشوف الا راس مالك يزدوطبعا الصح الفائدة الخ لانو اعلام الي لاباس علي اقل تسترزق منو خصوصا ان كان محلك جيد

بارك الله فيك على الاهتمام . مشروعي هو محل لبيع اكسيسوارات و مانيش في شراكة راني وحدي و المحل مانيش كاريه هو اصلا محلي شخصيا و راه واجد خاصني برك السلعة .. داير فراسي بعض الاكسيسوارات كيما لي ذكرتهم لي لكن كاين بزاف حوايج جداد حاب ندخل بيهم للسوق علابيها جيت نسقسي فالمنتدى بالاك نصيب كاش واحد يعطيني قائمة طويلة فيها اغلب الاكسيسوارات

[visa uk]

ايه اتكل علي ربي وزد حوس تلقي اكيسوارات كاين بزاف بزاف باسكو هادو صوالح تمشي اخي اوك هي والكونسومابل accessoire et consomable يمشو للزوج لانهم كما اسمهم استهلاكيين ناس تسحقهم بزاف للاجهزة ونتا طبعا حاول تبحث عليهم ومصادر شرائهم الخ وتبدا تعمر المحل بالشوية شوية وتعمل اثمان لهم حاجة لي مليحة انو عندك محل خاص بك لكن لي بعض الاسئلة لك اخي انت اول مرة تعمل تجارة مثلا او مادا وهل لك قائمة خاصة بالمستوردين او فورنسور او بائعي الجملة لي تشري عليهم تروح ليهم مباشرة ام مادا ماتعرفش وتبقا تقلب وتضيع وقتك وجهدك وايضا تخسر المازوت ومصاريف اخري كثيرة يعني لازم تخطط جيدا

[sattik]

المشاركة الأصلية كتبت بواسطة visa uk

ايه اتكل علي ربي وزد حوس تلقي اكيسوارات كاين بزاف بزاف باسكو هادو صوالح تمشي اخي اوك هي والكونسومابل accessoire et consomable يمشو للزوج لانهم كما اسمهم استهلاكيين ناس تسحقهم بزاف للاجهزة ونتا طبعا حاول تبحث عليهم ومصادر شرائهم الخ وتبدا تعمر المحل بالشوية شوية وتعمل اثمان لهم حاجة لي مليحة انو عندك محل خاص بك لكن لي بعض الاسئلة لك اخي انت اول مرة تعمل تجارة مثلا او مادا وهل لك قائمة خاصة بالمستوردين او فورنسور او بائعي الجملة لي تشري عليهم تروح ليهم مباشرة ام مادا ماتعرفش وتبقا تقلب وتضيع وقتك وجهدك وايضا تخسر المازوت ومصاريف اخري كثيرة يعني لازم تخطط جيدا

نعم خويا راني جديد مزال و ما عنديش متعاملين راني نحوس نوجد فاتورة فيها اغلب الاكسيسوارات و بعدها نحوس على تجار يبيعو بالجملة

[visa uk]

ايه يعني راك للا خبرة صعيبة اخي شوية هدا الشيء لانك لم تتعامل في تجارة من قبل ولاتملك خبرات قلت انا خدمت مثلا في شركة ما او عند شخص ما مثلا وبعدها حاب تفتح لوحدك تكون عندك فكرة يعني راح تبدا من الصفر ربي يعاونك مش سهلة لكن ليست مستحيلة اخي بالارادة والصبر والعقل وطبعا طريقة عمل راح تنجح مع الوقت

[ibntayeb]

سلام اخي لدي محل اعلام الي اذا تريد اوفر لك سلعة التي تريد بسعر جملة مكانش مشكل ارسلي فقط فايسبوك

[visa uk]

ربي يوفقك اخي ان شاء الله تلقا واش راك تحوس اتكل علي ربي وابدا من الصفر راح تلقا لي يعاونك الخ

[sattik]

المشاركة الأصلية كتبت بواسطة visa uk

ربي يوفقك اخي ان شاء الله تلقا واش راك تحوس اتكل علي ربي وابدا من الصفر راح تلقا لي يعاونك الخ

ان شاء الله خويا و بارك الله فيك على اهتمامك و ربي يوفقك انت تاني في حياتك

[sattik]

المشاركة الأصلية كتبت بواسطة ibntayeb

سلام اخي لدي محل اعلام الي اذا تريد اوفر لك سلعة التي تريد بسعر جملة مكانش مشكل ارسلي فقط فايسبوك

سلام خويا بارك الله فيك على الاهتمام بالموضوع .
ارسلي في رسالة رابط صفحتك.في الفيسبوك.و راح نتواصلو باذن الله

[ibntayeb]

تم ارسال اخي

[ibntayeb]

قال المشرف انه مخالف

اعتذر بالتوفيق

[sattik]

المشاركة الأصلية كتبت بواسطة ibntayeb

قال المشرف انه مخالف

اعتذر بالتوفيق

وين المخالفة فالموضوع يا اخي ؟
ممكن عضويتك لم.تسمح لك بارسال الرسالة لأنو لازم تكون عندك 500 مشاركة باه تقدر ترسل رسالة أو ممكن غير مسموح ليك بالمشاركة بوضع الروابط .
اكتب لي في رد هنا اسمك على الفيس بدون إلصاق الرابط كاملا