طبق بونارين

ام محمد اسلام الله · 2015-03-30, 20:50

اولا نحضروا المرق في قدرة حطي شوية زيت وسمن حطيها فوق النار كي يسخن الزيت حطي اللحم هبرة وصدر الدجاج مقطعين مكعبات كبار حمريهم مليح في هاداك الزيت لازم يتحمروا والقدرة تتشكل فيها لحمورة نتاع القليان يحني حمورة خفيفة نحي اللحم حطيه في صحن وفي نفس القدرة حطي حبة بصل مرحية خليها تدبال في هادا الزيت كي تدبال رجعي اللحم والدجاج معاه وزيدي الملح الفلفل اسود وملعقة صغيرة نشاء او فرينة خليهم يتقلاو شوية مع بعض وامرقي بالماء الغالي ونقصي عليها وخلي اللحم يطيب على نار دليلة نوليو للطاجين الجبن في مقلاة دبلي حبة بصل مرحية وسنة ثوم من بعد زيدي اللحم المرحي نتاعك فلفل اسود وشوية ملح ماشي بزاف لانو الخليط رايح يكون فيه الجبن والجبن مالح كي يتقلا نحي اللحم من فوق النار زيديلو المعدنوس كمية معتبرة من الجبن مرحي روج او قرويير علبة جبن طري 2 ملاعق خبز مرحي ومن جهة خلاف خلطي 2 بيضات مع 2 ملاعق كريمة سائلة و2 ملاعق حليب ملح فلفل اسود خلطيهم وصبيهم على خليط اللحم خدي مول السيليكون نتاعك ادهنيه بالزبدة وغبريه بالخبز المرحي عمري القلوب نتاعك بالخليط ودخليهم للفرن يطيبو على نار متوسطة تعرفيهم بلي طابو كي تمسي في الحبة نتاع لااللحم تلقايها جمدت او دخلي سكين صغير وسط الحبة كي تخرجيه ناشف راهم طابو من بعد ما تكون المرقة نتاعك ختارت مليح لازم تختار ديمولي القوب نتاعك من المول حطيهم في صحن التقديم وصبي المرقة نتاعك في الصحن التزيين حسب الرغبة لازم الطبق يقدم ساخن يعني كي تخرجي لي مول نتاعك من الفرن تكوني راكي موجدة المرقة وتقدميهم في نفس الوقت وحطي في صحن التقديم كمية القلوب اللي تاكلي فقط باه ادا قعدولك يقعدوا ناشفين مالزمش يشربوا المرق ولانهم يتقدموا ناشفين

yuuke-chan · 2015-03-30, 21:12

روووووووووووووووعة يهبل سخفتيني و انا مدايرة ريجيم

سلمت يداك حبوبة

*وردة الشرق* · 2015-03-30, 21:52

ما شاء الله تحفة واكيد البنة اروع

زينب 83 · 2015-03-30, 21:58

رووووعة ام محمد رووووعة وصفة رايعة انا نحب هذا الطبق بزاف لكن كون حطيتيه في قسم الوصفات المنقولة

ام محمد اسلام الله · 2015-03-30, 22:22

لأمانة فقط هذا الطبق ماشي من تحضيري عجبتي الوصفة وطبقتها وكانت رائعة حبيتكم تستافدو منها نقلتها كيما هيا

oum islem · 2015-03-31, 16:45

الله الله عليك مبدعة
كل ما نلقى موضوع جديد ليك ندخل اكيد باه نقرعج ونشكرك لانك فعلا مبدعة

*أم جابر* · 2015-03-31, 22:42

روووووووووووووووعة سلمت يداك

ام محمد اسلام الله · 2015-03-31, 22:50

اقتباس:

المشاركة الأصلية كتبت بواسطة oum islem

الله الله عليك مبدعة
كل ما نلقى موضوع جديد ليك ندخل اكيد باه نقرعج ونشكرك لانك فعلا مبدعة

ياعمري على اختي وانا واش نقول على اطباقك كلها روعة يعطيك الصحة حبيبتي

lilii7179 · 2015-03-31, 22:58

روعة روعة روعة
super classe
يعطيك الصحة

اسمهان79 · 2015-04-01, 09:03

صورة ومرسومة حقيقتاً تحفة بارك الله فيكي
ياريت كتبتي اسمك حبيبتي لحفض الحقوق علاه تتعبي وتجي واحدة اخرى تدي تعبك حراااااام
نصيحة فقط حبيبتي
بصح راهو خرجلك روعة يستاهل احلى تقيم من عندي
عجبوني افكارك سلمت يداكي