شكون عندها وصفة بطاطا كوكوت

فـرح · 2016-05-10, 15:03

كيما تشوفو يا البنات فالعنوان اعطوني الوصفة بالتفصيل مع اسرارها خاصة انا كي نديرها الجاج ميطيبش والبطاطا تتفتت انقذوني

manel 16 · 2016-05-12, 09:38

Salam ana dayman ndirha watjini bnina
lmohim ndir batata mkat3a khchina wbasbas wjaj zit toum malh raslhanout kamoun tomate concentre wankali mlih apre nmarak wanghlak 2o min wida khofti ala lbatata kitmarki hoti lhabat malfok waralki ..nchalha nkon fahamtak

Oum serine · 2016-05-12, 10:23

الدجاج ياخد وقت فالطياب أكثر من البطاطا، الأحسن تطيبي الجاج نصف طياب ثم افتحي الكوكوت أنتاعك وظيفي البطاطا.
باش تجيك عاقدة وبنينة مرقي شوية برك وعينك هي ميزانك أضيفي دايمن مطيبات (معدنوس، قارص، شوية توابل...) مورماتطفي النار عاودي أغلقي لحين التقديم٠
بصحتكم

Oum serine · 2016-05-12, 10:30

بالنسبة للوصفة واش حابة جواز أبيض ولا أحمر٫ بطاطا وحدها ولا مع كاش خضار. نعطيك طرق جزائرية بنينة

ريتاج 09 · 2016-05-12, 12:38

اختي تفظلي هدي وصفة ام رامي

بطاطا كوكوت

هذه البطاطا لا أستغني عنها أبدا
لأنها طبق سريع وبسيط ومشبع ولذيذ

حبات بطاطا حسب عدد أفراد العائلة
دجاج استعملي الأطراف الصغيرة كالجوانح والرقبة والقانصة فقط للبنة +حبة بسباس اختياري أنا نحبه وديما نديره
في كوكوت حطي البطاطا مقسمة على أربع والبسباس على أربع والدجاج ، أضيفي ما يلي:
زيت +ورقة رند + قرن فلفل حار +ثوم +ملح +فلفل أسود +كسبر مرحي +وتوابل تفضليها لكن كل التوابل بكمية قليلة ولا تكثري الملح لأنها راح تنشف
ملعقة قهوة هريسة وأخرى طماطم
الآن حطيها على النار ،قليها دقائق مرقيها بحوالي لتر ماء سخون أغلقي عليها 20 د بعد ما تنضج أتركيها على نار حتى تنشف المرقة وتبقى حوالي ملعقتين صوص أسكبيها مباشرة في صحن التقديم وزينيها بالدبشة أو المعدنوس

Oum serine · 2016-05-15, 13:43

اقتباس:

المشاركة الأصلية كتبت بواسطة فـرح

كيما تشوفو يا البنات فالعنوان اعطوني الوصفة بالتفصيل مع اسرارها خاصة انا كي نديرها الجاج ميطيبش والبطاطا تتفتت انقذوني

pas de suite