طلب مساعدة

snowiman · 2013-02-17, 11:42

صباح الخير يا اخواتييييي .....راني مقبلة على الولادة وماني عارفة والو وش نوجد بليز ساعدوني في كلش ليا انا و البيبي خاصة حوايج النضافة وكفاه نستعمل مستحضرات الاطفال وش يلزم راني نخاف شوية و كاش ما نسيت ورولي بسرررررعة قعدلي شهر ونص ..... هلموووووو وما تنساوش تدعولي

ساندي 28 · 2013-02-19, 13:42

يااختي لازم توجدي لباس البيبي اولا القمايط وتريكو تبو ودومي مونش وتاع ليمونش من كلش 3 سراول نتاع ليبا 3 لي قغونياغ ديري منهم بزاف لي بوني بالاضافة للفراش ديالو اخدميلو كوفرولي ولي درا وحوايج الحمام جال دوش شومبوا ليفا الصابون 2 كوتونتيج الكابة نتاعو وبوغت بيبي هدا ليه ليك انتي بينوار تع الشتاء بيجاماروبات يكونو شباب سبسبطات بوندنات للراس باش تدفي روحك مليح والكابة نتاعك وجديها من ضرك الي تديها معاك لوبيتال وانشاء الله سلك ركبتك على خير وسلام

ana lina · 2013-02-19, 13:56

اولا ياختي ربي يسلكك على خير وكيما يقولو نتاع بكري ربي يعطيك سويعة ياهلة
ثانيا لازم تشوفي ادا ولد تشري كلشي بلو واذا بنيتا كلشي روز
ومبعد تفاصيل : اشري لي تريكو تبو لي تريكو ديميمونش لي تريكو باليدين كامل هاذو تحت اللبسة وبيودة ومبعد لي قغونياغ نوعلي في ليكولار ومبعد لي بوني ثاني نوعي تقيشرات رياقات وكاين تاني بيجامات وشري قماط منعرف واش تقولولو نتوما كتاتن لي تقمطي بيهم وثاني كاين سبيبطات شابين ..... اللبسة نتي وماتحبي وكان ليا كن لي نشوفها نشريها
ومبعد لحوايج العناية اشريلو ساك تولات ولا سليلا مشبحا نتاع لي بيبي فيها الشومبوا ريحتو لحليب لي يمسحو بيه بومادة حشاك تاع الطياب مشطتو لانجات طالك كوطونتيش ههههه ومبعد لي كوش تاوعو
ومبعد لي بيبرو 2 واحد كبير واحد صغير واحد للحليب واحد للماء واذا حبيتي زيدي واحد لتيزانة وشوسات هاذو كامل غليهم قبل ماتمديهملو
واخيرا يتربىفي عزكم وكشما تسحقي رانا هنايا

شموخ امرأة · 2013-02-19, 18:32

انا مانطولش عليك روحي عند لبيعو ملابس الببي قليلو عطيني كل ما يتعلق بالببي وجلسي هو يجيبلك كلش انت ماعليك غير تكتر الفلوووووووووووووووس مبروك مسبقا

snowiman · 2013-02-25, 12:38

ربي يحفضكم كااااااااامل والله نفعتوني الله يجازيكم خير على خير البوبو راه ولد ماهوش طفلةمعناها كلش بلو خدمتلو 2 بساطات كروشي المرة الجاية نوريكم وش وجدت كلش وقغونياغ شريت ياسر الوان شريت 2 تريكو تبو و 4 قماطات 2 ازرق و2اخضر و لي بوني تاني 2 اخضر و2 ازرق لخاطر منطولش نقمطو psqالصيف يجي فيسع وشريت صابونات جيراف 4 و زيت الزيتون مزال راني نوجد

bibicha · 2013-02-25, 17:57

الله يعطيك وقفة ساهلة لازم للبيبي اضافة على واش قالو الاخوات
بافواغ و سلة نتاع الدوش فيها جل دوش تالك شومبوان زيت الحوت او اي مرهم للتهرية
سوغتي دبان ولا منشفة نتاع بيبي ,لي كولوت باش تحكمي مليح تريكو دو بو مع لا كوش تقيشرات خشان و كوفرولي شباب
ليك نتي بيجامات يكونو مقطنين و نهار الولادة من الافضل تدي شوميز دو نوي قصيرة خير ملي يوسخولك حوايجك و ادي ساك دو تواليت و سربيتة

bibicha · 2013-02-25, 17:58

الله يعطيك وقفة ساهلة لازم للبيبي اضافة على واش قالو الاخوات
بافواغ و سلة نتاع الدوش فيها جل دوش تالك شومبوان زيت الحوت او اي مرهم للتهرية
سوغتي دبان ولا منشفة نتاع بيبي ,لي كولوت باش تحكمي مليح تريكو دو بو مع لا كوش تقيشرات خشان و كوفرولي شباب
ليك نتي بيجامات يكونو مقطنين و نهار الولادة من الافضل تدي شوميز دو نوي قصيرة خير ملي يوسخولك حوايجك و ادي ساك دو تواليت و سربيتة

snowiman · 2013-02-26, 08:23

شكككككككككككككرااااا 10000000000000000شكر لعقوبة لي مزالو