فقدت الأمل في النجاح :'(((((((((

ولد العلمة · 2015-05-25, 20:40

خاوتي نحكيلكم حكايتي أنا كنت انسان مجتهد وممتاز من الابتدائية حتال المتوسط جبت الشهادة ب 16 ,, لكن منلي طلعت لل ليسي سوفجت وبعدت على لقراية
كنت ندير السبة ب ليسي و بدلتو لكن طحت في واحد أسوء منو لا قراية لا هم يحىزنون قسمنا هو الاسوء نجحنا ل ثالثة ثانوي غير بدزز (ذكور برك لبنات معليمش ) لحاصول سنة حبيت نقرئ ونويييت عليه بصح مقدرتش راحتلي la base في المواد العلمية (شعبة علوم تجربي) وكرهت الاساتذة في الليسي ميقريوش والدروس الخصوصية مافادونيش بزاف بديت نفورسي في مارس وبذلت مجهود كبير وربي شاهد غلي ’’ بصح وش قريت اكل نسيتو حتي الفيزياء خلصت الفيديوهات تاع مولاي عمار اكل مي في تمارين لقيت روحي حاصل ,, رياضيات 00 ,, علوم شوية :/ المواد الادبية نقدر نسلك راسي شوي فيهم
فقدت الامل في النجاح سيرتو كي نجي نحل باكالوربات نلقاهم صعاب بزاااف وو مشكينش نلحق ,,, ووو
سامحوني اذا طولت حبيت نفرغ قلبي ,, انصحوني وكشما كاين واحد زي حالتي أرواح نتوانسو ههه

سوسن الصباح · 2015-05-25, 20:41

سلاام

يااارب ينجح ولد العلمة ويتهنااا ههه

ان شااء الله ربي يكوون معااك وتربح البااك .. فقط كثف المرااجعة هده الاياام

Nawel Bejawiya · 2015-05-25, 20:47

خلي املك بالله كبيررر

amel miral · 2015-05-25, 20:55

توكل على الله فهو المستعان يا أخي حاول ان تكثف المراجعة وهكذا باذن الله سوف تنجح

ديننا الاسلام · 2015-05-25, 20:58

اخي خلي ثقتك بالله كبيرة لانو هو القادر على كل شيء وماعليك غير تتوكل عليه وتبذل الجهد نتاعك حتى ادا ما لحقتش في المواد العلمية ولكن المواد الادبية عندها دور كبير انا ننصحك خويا مالازمش تفشل لازم تكمل بنفس الارادة لي درتها في شهر مارس لانو مابقاش بزاف وربي يوفقنا وننجحوا كامل باذنه تعالى
[IMG]

[/IMG]

miss manar · 2015-05-25, 21:01

لا بأس اخي فقط استعن بالله و ابدأ
اهم حاجة تتوكل على ربي والباقي ساهل
دير لي عليك والباقي على ربي
النجاح رزق من عند الله اجتهد و ستناله بإذن الله
افعلها من اجل والديك من أجل نفسك ومن أجل من يهتم
ربي يوفقك و يكون في عونك كن متفائلا
فوالله مادام الله ربك ما تقدرش تقول فقدت الأمل
لا تؤمن بالمنطق آمن بمعجزات الرحمان
ولي تعب جامي يخيبو ربي
سامحني كثرت عليك

amani sousou · 2015-05-25, 21:02

اذا كان عندك مشكل في حل المواضيع حاول مع مجموعة من الاصدقاء اللي يقدرو يفيدوك وزيد شوف الموضوع وقرى الحل نتاعو راك تستفاد اكتر
هذا اللي نقولهلك اخي ربي يوفقك وينجحك ولا تفقد الامل ربي معاك

أم سلوى · 2015-05-25, 21:16

ي اخي هذا الأسبوع الكل يعاني.... بدأت أفكار الإحباط تجتاز عقولنا وهذا من التوتر... لكن حينما تكون في قاعة الامتحان سيمر كل شي امام عينك وتتذكر كل شي من ديسمبر لغاية جوان..... ثق في نفسك والله هذه الأيام... . الوسوسة غلبتنا... بإذن الله ننجح ونتخطوها . .