اريد وصفات لطهي لي كوطلاط

وردة الرمال43 · 2016-09-21, 10:21

صباح الخير يا حراير واش احوالكم
حبيت تعطوني وصفات لطي لي كوطلاط سيرتو فالفرن وماهي التوابل المستعملة والطريقة الضبط راني نستنى منكم وصفات لاتبخلوني

*توبــــة* · 2016-09-21, 12:00

حبيبتي الاغلبية يطيبوهم ف لاكوكوط

ضرك نجيبلك الوصفات نكمل برك وش ف يدي ونرجعلك حنونة

*توبــــة* · 2016-09-21, 12:24

شوفي من قبيل وانا نحوسلك على الوصفات

https://www.djelfa.info/vb/showthread.php?t=1139836

https://www.djelfa.info/vb/showpost.p...&postcount=878

وردة الرمال43 · 2016-09-21, 12:56

ربي يعيشك اختي توبة ويهنيييييييييييك ويجازيك كل خييييييييييييييييير وسامحيني تعبت معايا

انا هي رزيقة · 2016-09-21, 13:23

اختي وردة الرمال انا معنديش كوكوت بصح موالفة ندير الكوتلات تاعي في الفور يجي امممم. تاخذي ليكوط تاعك تبليهم بالملح و فلفل اكحل و كمون و شوةي زعيترة مطحونة و شوةي معدنوس و شوةي موطارد و زيت زيتون و خليهم اطول مدة ممكنة في التتبلية ثم حطيهم في بلا رايح الى الفرن و زيدي معاهم بطاطا صغار بصح دون متقطعيهم و تبليهم بنفس التتبيلة و تقدري تزيدي معاهم زروديا مقطعة طوليا وكمشة زيتون منزوع النواة زيدي حطي قطع زبدة على اللحم و الخضار و زيدي ورقتين رند ثم غطي كلشي بورق الومنيوم اذا كنتي متحبيش الاولمنيوم حطي كلش في ساشي كويسون و الى الفرن لمدة حوالي 35 الى 40 دقيقة على حساب الفرن تاعك ثم نحي الالومنيوم و خلي الكوط يتحمرو من فوق بصح بلاكي يتحرقولك . اذا درتيهم في ساشي كويسون رايح يتحمرو وحدهم داخل الساشي و يطلقولك صوص جميلة و بنينة بلاكي ترميها سقي بها الخضر و اللحم تاعك راه تزيدهم طراوة و شهية طيبة حنونة

وردة الرمال43 · 2016-09-21, 14:17

شكرا حبيبتي رزيقة ربي يخليك

انا هي رزيقة · 2016-09-21, 15:08

ربي يعيشك اختي وردة نسيت برك مقلتش زيدي ثوم في التتبيلة مقدرتش ندير تعديل