طاجين الشوفلور بالزيتون الى من طلبت الوصفه

[OM DHOHA ANES]

البسملة1

الى كل وحده طلبت مني وصفة طاجين الشوفلور راهي ساهله وبنينه

اتفضلو نبداو على بركة الله

المرق:

تنصبي مرق ابيض بالدجاج: طراف دجاج +بصله مرابيه+مغرف زبده+مغرف زيت+ملح ماتكثريش لانو راح نديرو الزيتون+فلفل اسود وقليهم مليييييييح حتى يتبدل لون البصل يولي بني لوحي كمشه زيتون مغلي غليه وحده و 2 حبات زروديه مقطعه دوائر خليهم يتقلاو شويه وامرقي بماء ساخن وخليها طيب

الشوفلور:

راس شوفلور متوسط نضفيه وقطعيه زهرات واغسليه مليح ثم فوريه مع لملح ورشة كمون باه مايضرش فالمصران

خليط البيض:
2حبات بيض ملح فلفل اسود حبه ثوم مرابيه ماعدنوس خلطيهم مليح وابداي تلوحي فالفرينه ولحليب حوالي نصف كاس بالتناوب حتى تتحصلي على خليط ماهو يابس ماهو جاري
ومبعد لوحي الشوفلور بالزهره فالخليط واقليه حتى تكملي كل الكميه
زيدي حمري الجاج بعد ما طاب
لوحي الشوفلور في المرق وخليه يغلي 5 دقايق وطفي
يمكن تزيدي الحمص للمرق
قدميه مع المعدنوس والقارص ولك الاختيار فالتزين

انا قدمتو هاكذا

حبيبتي اللي طلبتي وصفة الجلبانه والله مانسيتك لكن العتب على الوقت الله غااالب
اليك الوصفه واسهل منها ماكانش
تنصبي مرق ابيض عادي بلجاج او باللحم او مع بعضهم كيما درت انا +بصله مرابيه+مغرف زبده+مغرف زيت+ملح +فلفل اسود وقليهم مليييييييح حتى يتبدل لون البصل يولي بني لوحي لجلبانه منقيه ومغسوله و خليها تزيد تتقلا شويه وامرقي بماء ساخن وخليها طيب
في هاذ الوقت قشري القرنون وحكيه مليييييح يالقارص نقي حبه بسباس وقطعيها براج على 4
وكي يطيب اللحم والجلبانه لوحي القرنون والبسباس راهم مايطولووش فالطياب
تقدم مع ماعدنوس والكثيييييييير من القارص
ملاحظه:اذا بغيتي تزاودي فالكميه ولا ولادك مايحبوش الجلبانه كيما بنتي زيدي جزر وبطاطا صغييييييره واستمتعي باحلى طعم وبصحتكم
انا قدمتها بهاذ الطريقه وانت ابدعي كما تشائين

ان شاء الله نكون وفقت في الشرح وماتحرمونيش من دعوااااااااااااتكم الجميله ولكن بالمثل

سلام

[بيان 5]

امممممممممممممممممممممممممممم يشهي الله يبارك

[cuisineshowdalatifa]

ماشاء الله شرحك وافي تشكريين و ربي يجعلها في ميزان حسناتك

[أم ياسين الزهراء]

يعطيك الصحة

[فايزة1207]

بارك الله فيك
كنت بعثتلك رسالة على وصفة ومارديتيش اكيد لقلة عدد المشاركات ياريت تكتبيهالي هنا وربي يجازيك خير

[امونة الشاوية]

يعطيك الصحة حنونة سهل والاكيد من يدك شهي
تاكلوه بالصحة

[oum lina]

وصفة رائعة شكرا اختى

[OM DHOHA ANES]

شكرا حبيباتي مروركن اسعدني

[ام رشدى]

يعطيك الصحة اكيد نجربو الللللف شكر

[عازفة الناي]

امممممممممممممممممم يشهي يعطيك الصحة

ما شااااااااااااااااااااء الله يا ام ضحى اطباقك هاااااااااااااااااااااايلين يسلمووووووووووووووووو

[tayma112]

يعطيك الصحة على الشوفلار

[مرام 1987]

الله يبارك رووووووووووووعة دمت متألقة

[nounoubbk]

بارك الله فيك و جزاك الف خير
جعلها الله في ميزان حسناتك

[asmanour19]

4444444444444444444444444444444