|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
♥► مـــــــــ(5)ــــن مطبخي : طــــاجيـــن الجـــبـــن ◄♥
 |
|
|
أدوات الموضوع | انواع عرض الموضوع |
2013-02-23, 17:00
|
رقم المشاركة : 1 | ||||
|
♥► مـــــــــ(5)ــــن مطبخي : طــــاجيـــن الجـــبـــن ◄♥
 إضغط هنا لرؤية الصورة بحجمها الطبيعي. أهلا بي عندكم وأهلا بكم في مطبخي اليوم قصدي البارح درت هاذ الطاجين هوا كل واحد كفاش يسميه... طاجين الجبن... طاجين المعدنوس والله مانكذب عليكم أنا نسميه لخالوطة تع الفور هههه وهو طبق بنيييين بزاف وخاصة فرمضان يصلح مع الجاري (الشربة) ويصلح مع حاجة مرقة ايضا : طاجين زيتون مثلا وما إلى ذلك المهم مانطولش عليكم نبداو بوش نحتاجو: نحتاجو مرقة بيضة (قليل جدا غير باه نسقيها مع لخر ) واكيد وش نحتاجو للمرقة لبيضة بانين بصلة + ثوم + طرف جاج (للبنة) + ملح + فلفل أسود + شوية زيت اختياري : شوية اعراف معدنوس ولا كرافس المهم الا متوفرين وهوما أكيد رح يتوفرو ههه لأنك تحتاجي المعدنوس فالخلطة  تقليهم مليييح اكيد هاذاك هو السر تع لبنة ههه  وتمرقي وتخليهم على جنب يطيبو  نرجعو للخلطة تاعنا  نحتاجو بطاطا + زيتون + معدنوس + لحم مرحية + فرماج + عضام بطاطا نقصوها مكعبات   ونقليوها  اقلي لفيونداشي تاني مع شوية ملح وفلفل أسود  قصي زيتون ولمعدنوس حطي كلش مع بعضاه  نضيفو الفرماج  ونفتتو الجاج بعد ماكان طاب ونحتفظو بالمرق ونخليوه يبقا يغلي بشوية فوق نار  هذا الخليط النهائي جاهز  ندهنو البلاط بالزبدة (بالاستعانة بفرشيطة)  نحطو الخليط ونرابيو الفرماج من فوق (انا مانحبش نكتر بزاف )  دركا المرق تاعنا راهو ياخي مازل يغلي ههه لكان راكم متفكرين نفرغو فوقها وإلى الفرن يكون ساخن دركا نجيو للبيض على قد ماتكثري تجي أحسن اكيد خلطيهم مع شوية ملح وفلفل كحل وطلي عليها فلفور كما تشوفي لمرقة رجت تكمل فلغليان تاعها خرجيها وصبي عليها البيض (هكا باه يطلع ليه ليه وتتنفخ) ورجعيها تكمل طيابها (انتبهي لكان لمول تع زجاج كما تخرجيه ماتحطيهش طول لازم تحتو حاجة)  وهاذي كانت آخر صورة للمرحومة وهي مازالت فلفور كما قلتلكم تقدم مع مرق ملاحظة : بما أنك تملحي كل حاجة وحدها (بطاطا واللحم والمرقة وزيتون او مالح دوريجين والبيض) يعني حاولي تنقصي شوية لملح بش تجيك مليحة تزيدي تسرميهم ويقولو عليك قبيييييحة وطايرة ههه  وشهية طيبة 
|
||||
|
|
2013-02-23, 17:07
|
رقم المشاركة : 2 | |||
|
يعطيك الصحة أختي رائع |
|||
|
|
|
2013-02-24, 09:42
|
رقم المشاركة : 6 | |||
|
يعطيك الصحة انا ايضا نعملو لكن مع إختلاف بسيط
.. بارك الله فيك |
|||
|
|
|
2013-02-24, 16:29
|
رقم المشاركة : 7 | |||
|
يعطيك الصحة يالفحلة ..انا تاني نعملها لكن بدون لحم مرحي فقط خخخخخخخ
بارك الله فيك الى الامام هههههههه |
|||
|
|
|
2013-02-26, 08:10
|
رقم المشاركة : 12 | ||||
|
الله يعيشك ختي ... لفحولة كل ديتوهانا هه ايه الاختلافات ديريهم على حسابك نتيا اقتباس:
|
||||
|
|
|
| الكلمات الدلالية (Tags) |
| بطاطا, فرماج, فور, طاجين |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
