من كل بستان زهرة - بيسكوي رولي

ام مريم اسراء · 2013-12-04, 21:13

من العنوان فهمتو اني طبقت بيسكوي رولي لكن معرفتش لمن انسبه من كل عضوة خديت تجربتها و طريقتها خلطتهم و النتيجة كانت

شكرا لكل وحدة تحط تجربتها لكل اخواتها في الله و نقول ربي يجعل ذلك في ميزان حسناتكن

الرولي محشو بكريمو الليمون و المكلي بكريم شانتي منكهة بفلان كاراميل حطيت مقدار ملعقتين كبيرتين يعطيها طوق و ريحة و يخليها ثابتة اصن اني اخذت الفكرة على لهومة اللهلوبة - مثلجات الي اتحفتنا بيهم في رمضان - ربي يرزقها كل الخير
اما التزيين فهو من وحيي افكار - ستات منتدانا الفحلات - زهور بستاننا

انا التزيين انا معنديش بوش سيليكون - كيس الحلواني - مي عندي دوي نتاع النحاس جبت كيس حليب شكاير غسلتو و ركبت الدوي في احدى زواياه و ثبتتها بسكوتش و هاتك يا تزيين
باااااااااااااااي

samira135 · 2013-12-04, 21:29

يم يم يم رووووووعة يا فنانة

يعطيك الصحة

أم إناس · 2013-12-04, 21:47

يميميم اممممم تتطبيق ممتاز بصحتك اختي

sarah_sb · 2013-12-04, 21:52

هايل خرجلك ما شاء الله يعطيك الصحة

ام رويدة · 2013-12-04, 21:54

تطبيق رااائع ..يعطيك الصحة
تاع من العجينة
انا درت تع ام اماني والتزيين زعمة تع ام كوثر ..
دوك نحطو شوفيه

ام مريم اسراء · 2013-12-04, 22:06

اشكرا حبيباتي على التشحيع

ام رويدة انا بصراحة عملت طريقة الكيك على ما اضن يعني عن كل بيضة 2 ملاعق زيت و 2 ملاعق سكر
لكن
4 بيضات فصل البياض وحدو ز طلعتو مع قرصة ملح اما الصفار حطيت 8 ملاعق سكر صربتهم حتى ولات كريمة بيضاء زدت 8 ملاعق اكل زيت و 3 ملاعق اكلحليب سائل و الفرينة ما يقارب 10 ملاعق + قرصة محسن هذائي نتاع الخبز و اذا معندكش استعملي الخمارة نتاع الخبز

ام رويدة · 2013-12-04, 22:11

اقتباس:

المشاركة الأصلية كتبت بواسطة ام مريم اسراء

اشكرا حبيباتي على التشحيع

ام رويدة انا بصراحة عملت طريقة الكيك على ما اضن يعني عن كل بيضة 2 ملاعق زيت و 2 ملاعق سكر
لكن حطيت 4 بيضات فصلت البياض عن الصفار ضربتو مع قرصة ملح و الصفار ضربتو مع 8 ملاعق سكر و 8 زيت و زدت 2 مغار حليب ائل و حوالي 10 ملاعق كبار فرينة و حطيت معاها قرصو - محن غذائي اي اميليورون نتاع الخبازين - جا خفيف ريشة

بارك الله فيك..وهل المحسن تشريه من عند اللي يبيع لوازم الحلويات
انا مرة شريتوعلى جال الكرواسون..واسمو تكييف عادل تعرفي كارثة ..جاي لونو كما خميرة الخبز
ياليت تفيديني عليه..

ام مريم اسراء · 2013-12-04, 22:33

شكرا ام رويدة المحسن انا بصراحة تعطيهولي عمتي زوجها عندو مخبزة لكن تلقايه عند الي يبيعو لاوازم الحلور و كاين يتباع بالميزان صح لونو باج لكن انا اكثر شيء نستعملو في هبز المطلوع يعني اذا تخبزى مثلا 4 قرصات حطي على راس ملعقة صغيرة لانو مفعولو قوي يتماشى مع الخميرة نتاع الخبز و الله المطلوع يجي خفيف ريشة تطويه على 4 يرجع كيما كان انا بصراحة منتغناش عنو و نستعملو في البريوش يجي روعة
اما البيسكوي رولي خطيت كيما يقولو على راس مغرف صغيرة جا روعة خفيف ياسر اما عن الي اسمو تكييف معادل مشكيتش هو نفسو لكن اسمه - محسن غذائي
شوفي اكتبي في غوغل - استعمالات المحسن الغذائي تلقاي معلومات مفيدة و راح تلقاي موضوع يستعملوه ففي الكيكة الاسفنجية و راح تلاحظي انو مستعملين كمية قليلة لانو قوي المفعول

صابرة2013 · 2013-12-05, 08:01

تطبيق ممتاز يعطيك الصحة

أم محمد تاج · 2013-12-05, 08:09

خرجلك تحفة يعطيك الصحة حنونتي

om inas · 2013-12-05, 10:52

444444444444444444444444444

أم فاطيمة · 2013-12-05, 13:46

خرجلك هايل يعطيك الصحة

ام طهى · 2013-12-05, 19:53

تطبيق رائع وصراجحة عجبتني افكارك خاصة فكرة البوش ادوي ههههههههه ضحكتيني تعجبني المرا كي ادير حاجة المهم اطلعها حتى ومعندهاش اللوازم نستعرف بيك يالفحلة
الحاجة ام الاختراع تقبلي مروري

sarra5 · 2013-12-05, 22:19

om meriem ya3tik lsaha wlh jatek thaaaaaaaaaaaabel

الأمنيات · 2013-12-06, 21:19

تطبيقات موفقه يعطيك الصحة
تبارك الله