ارضية غير لامعة ما الحل

[اية قسنطينة]

سلام . غير كيما خلصلنا البناء فليتاج جديد نتاعنا . درناla dalle de sol بصح قدما حكيتها و سيقتها قعدت تقول عندها شهر ما تسيقت . كيفاش ندير اللي عندها اسم كشما مستحضر تفيدني .

[بنت اولاد نايل]

وعليكم السلام
تجيبي ماء روح الملح انتى تعبري على حسب كبر لدار
تحطيها فى بيدون ماء تحطى عليها صابون وشوي خل
وتصبيه كامل فى ارض طبعا راح يعطى بخار بصح خفيف
لانك تكونى حطيتى ماء عادي مع روح الملح كرلاج يرجع روعة منها
كي تشوفي ارضية بدأت تنظام اغسليها عادى

[بنت اولاد نايل]

نسيت نقولك اشري روح الملح لى فى قارورة برتقالي

[سنوم 33]

لبنات يفيدوك

[nibou]

إيه حنا كارلاج عادي و ما يبرقش

[ملامح خجولة.]

حذار من روح الملح راه تفسدلك الدال دو صول خسارة اذاكان جديدة نظفيها بالمازوت ثم بالصابون راهي تخرج تبرق انشاء الله

[ام ريتاج لينا]

نتمنى من الاخوات عندما يعطو نصيحه يفهمو اكتر..تخيلي اختى هد السيده ما تعرفش واش هو روح الملح....يا اختى هو لاسيد..و لوكان عندها اطفال و لا هيا عندها الحساسيه واش يصرى فيهم...هد السائل يحرق البشره
نتمنى تفهو قصدي...

[sunseet]

ماديري لا لصيد لا حتي حاجة اخرى حدااااااااااااااااااااااري اختي الكريمة لانوكي تغسلي بيه دال دو صول او الكارلاج في الدربة اللولة ايبان نظيف مي لا لا لاانو راه غير احرق الطبقة الفوقانية او يفقد اللمعان تاعو ويولي احرش

ما عليك غير التسياق كل يوم و كتررررررررررررررري التنشاف

hakda 9alelna le maçon et meme ali jarbou kaloulna la meme chose

[miinoucha25]

حنا تاني فالاول كانت الارضية هكذا

لكن مع الوقت رايحة تروحلها الشهوبة و رايحة ترجع تلمع

استعملي الشومبوا

[ninnou]

المشاركة الأصلية كتبت بواسطة ام ريتاج لينا

نتمنى من الاخوات عندما يعطو نصيحه يفهمو اكتر..تخيلي اختى هد السيده ما تعرفش واش هو روح الملح....يا اختى هو لاسيد..و لوكان عندها اطفال و لا هيا عندها الحساسيه واش يصرى فيهم...هد السائل يحرق البشره
نتمنى تفهو قصدي...

لا لا يا عزيزتي ، روح الملح هو l'esprit de sel والأسيد هو acide وكلاهما خطير على الصحة وحتى على الارضية لأنو يقشر الطبقة العليا الا اذا تديريه مــــــــــــــــــــــــــرة في زمان وتكثري التسياق بزاف من بعد الاستعمال

[نورةسعاد]

اختى ديري الما زوت باه الكرلاج يتشرب هذاك الدهن ومبعد اغسليه مليح هكذا قالى راجلى دار لشنبر نتاعنا منذو 8 سنوات ولحد الان نمسحو اولى كي الزجاج

[loubna79]

اختي نصيحة مني عندك تغلطي اديري روح الملح هو l'esprit de sel والأسيد راهم ياكلو الكرلاج الطبقة الفوقانية الرطبة تتكل وتولي حرشة ومحفرة راني جربتهم من قبل وتوخدت .

[fifine78]

وانا ايضا راي من راي البنات بلاكي تستعملي روح الملح و الا الاسيد انا الحق نستعمل فيقور الصابون الاسود ريحتو رائعة و منظف جيد ..و اذا اردت اضيفيلو شوية خل ابيض مليح الخل الابيض لتنظيف الارضيات و طارد للحشرات ايضا و يخلي الكرلاج يبرق

[amouni amouni]

يا اختي في رايي لوكان تصبري شويا ما تديري والو لانه ربما كي الكرلاج كي يعود جديد يعود باهت وكي تعودي تسيقي فيه تحسيه يشرب الماء فقط كثري التسياق وشوفي الوقت في ايدك خير ما تديري حاجة وتعودي مندمة عليها خاصة روح الملح لانه يبهت ويحرش

[ترانيم مطر]

يا اختى انا عندى منو فى البيت ما درت والو لما كان جديد هذه الشهوبية راهي من السيما البيضاء لى ديرها الماصو فى الاخير وما يمسحش بزاف ومليح راهى تروح مع الوقت وننصحك اذا كانو البيوت بعاد عن الغبار والتراب ما كان له تكثرى التسياق امسحى فقط لانه يختلف عن الكرلاج وشكرا