بديل الصوف

imane1090 · 2012-01-24, 20:58

اخواتي جبت ليكم يوم طريقة حشو لمخاد او عمل مطارح لكن مش كالعادة بصوف وانما بحاجة رخيصة ومتوفرة عند الجميع ال وهي شكاير تاع دقيد نجملوهم وبعد نسنسروهم و شكلولينا الياف صالحة للاستعمال نحشو بيهم لمخاد و خاصة اعندهم حساسية من صوف راح هذا نوع من حشو مليح ليهم و اذا كنت اعجبتكي فكرة واردت تطبيقها تفاهمي مع مولة كوشة يبيعهملك لانو يستعملهوم بزاف و ساعات يطيشهوم احنا عندنا كوشة تبيع شكارة 10دينار ان شاء الله تعجبكم فكرة وصدقوني امطارح تاعهم متفرقيهمش علي تاع صوف وراح يخدمو فيهم وبيعو مطرح ب5000دج باي ان شاء الله نكون افدتكم

nouna-12 · 2012-01-24, 22:04

مشكورة اختي
لكن وين هم الشكاير اللي كيما نتاع السكر البيضيين و نتاع الفريينة و لا نتاع الخيش

ام خيرو · 2012-01-25, 09:41

الشكاير اللي كيما نتاع السكر البيضيين و نتاع الفريينة و لا نتاع الخيش

ما شاء الله عليك حبيبتي .أفكارك مذهلة....

issamoufii · 2012-01-25, 11:50

اختي الشكاير تاع السميد ولا تاع السكر احنا ماما دارت واحد ودوك راهي زادت صدرت لواحد ومازال ماطرحتوش برك ، صح راهي عندها الحق الاخت هايلين ماتفرقيش بتاع الصوف وشكرا.

راجية عفو الله · 2012-01-25, 17:02

بارك الله فيك اختي
مي قصدك تاع النيلو ولا تاع الخيش وقداه يلزمنا شكارة للمطرح
وشكرا مسبقا...

nouna-12 · 2012-01-25, 18:04

راهم عندنا الشكاير البيضيين نتاع الفرينة و السكر يلا هادو جاوبوني رجاءاا

imane1090 · 2012-01-26, 09:18

شكرا اخوات علي مروركم لكن تاع سميد عادي او تاع فرينة تاع شكارة 25كيلو

imane1090 · 2012-01-26, 09:23

بارك الله فيك اختي
مي قصدك تاع النيلو ولا تاع الخيش وقداه يلزمنا شكارة للمطرح
وشكرا مسبقا...
اختي عينك هي ميزاتك بصح باح ديري مطرح لازم تجملي قداه شكارة و اذا كانت بهذاك كوشة قوليلي ليه يبيع هوملك