حبيباتي تفضلوا.... خاصة فردوس الرحمان ونهال هلموا هلموا....

[ملاك ملاكي]

[ :mh
مساء الانوار حبيباتي ان شاء الله نهاركم زييييين وطيب
سبق وطلبوا مني الاخوات خاصة نهال 159 والاخت فردوس الرحمان وصفة لحلوى حطيتها في موضوع حلويات نفاسي اعتذر منكم على التاخر مي المهم اوفيت بوعدي هاهاهاها
اتفضلوا حبيباتي:
المقادير:
100غ زبدة
80غ سكر عادي
2بيض
فاني من الاحسن نتاع الميزان نكهته هااايلة
3مغارف كبار الى4 كاكاو مغربل
نص باكي خميرة
100غ فرينة كذلك مغربلة مع رشة ملح
طريقة التحضير :
بالباتور نخلط المكونات اعلاه بالترتيب..... وانا احيانا نضيف 2م.ك مكسرات محمثة ومرحية خشينة شوي.... او اضافة اي نكهة اروم ترغبين ومححب لديك
وبعد ماتكملي من هذه المرحلة... تكوني حضرتي لي مول نتاعك مدهونين بالزبدة ومرشوشين بالفرينة..... حطي مغرف كبيرة من الخليط لا اكثر ولا اقل واخبطي لي مول نتاعك شوي باه الخليط يتعدل في المول
حطيهم يطيبو في الفرن مسخن قبل وانت تعرفي الفور نتاعك..... وبعد ما يطيبو خليهم يبردوا ودي موليهم
التزيين:
احكمي حبة الحلوى نتاعكولكن بحذر شديد هاهاهاهاها لانه خفيفة لا تتكسر ومرري جوانبه في سوبر كرام الذوق المحبب عندك انا بصراحة نعشق ذوق فرومبواز او الكرامال يااااامي ياااامي..... وفي نفاسي مالقيتهمش في زوج واااااع ايا دورتها معجون فراز امممم وطلعت النكهة غيييير..... وبعدها مرري في نواد كوكو بلا ماتقيسي الفهوة الفوقانية باه تزينيها في الاخير
التزيين الأخير:
طلعي كرام شونتيي نتاعك بالحليب بااااارد وتكون ثقيلة وحطيها في لابوش وزيني بيها وانت ولمستك في التزيين انا عن نفسي موالفة نزيين بالبريون دوري او ارجونتيي حسب لون لي كيسات لي استعملتهم هاهاهاهاها ونحط حبيبات من العقاش سواء الخشين او الرقيق
اما في نفاسي عملت فراشات بعجينة السكر

ملاحظة:
هذه المقادير تعطيك 12حبة
ولي مول مثل مول الموسكوتشو مي هم صغار
الفرينة الكمية لي حطيتها لا زيادة ولا نقصان

وفي الاخير ان شاء الله نكون وفقت في الشرح واعتذر منكم على التأخير..... ان شاء الله نشوف تطبيقاتكم
وعلى فكرة انا دائماً في مناساباتي الخاصة او للغير كي نعملها كهدية هاهاهاهاها نفضل نقدمها مع العصاير والتحليات كونها خفيييفة وهشوشة وتحمر الوجه هاهاهاهاها

[أم فاطمه]

السلام عليكياختي ملاك مشاء الله تحفة والطريقة ساهلة كاش نهار نجربو ان شاء الله تحياتي

[ملاك ملاكي]

المشاركة الأصلية كتبت بواسطة أم فاطمه

السلام عليكياختي ملاك مشاء الله تحفة والطريقة ساهلة كاش نهار نجربو ان شاء الله تحياتي

شكرا لك ولمرورك الطيب.... ان شاء الله نشوف تطبيقك ياااا نحوبة عندي ثقة فيك..... وكي قلتي ساااهلة ماهلة اناةبصراحة لي يعجبني فيها بريزونتاااابل تحمر الوجه وزيد بنيييينة.... اكيد راح تذوقيها وتحكمي بنفسك

[omhadil]

يعطيك الصحة ياملاك الحلوة هايلة وتبان
تشهى تسلم الايادى

[فردوس الرحمان]

واش نقولك ملاك ربي يفرحك ، منسيتيش الوصفة وقدمتيها بالتفصيل ،. ربي يعطيك ما تتمناي ،. قريبا نحطلك تطبيقي اصبري نشري لمول برك معنديش هادو لي فيهم فوهة ،. Vraiment merci bcp

[chouchouta26]

شكرا ربي يحفظك تبان هايلة هاهاهاها جاري التجريب

[ملاك ملاكي]

المشاركة الأصلية كتبت بواسطة omhadil

يعطيك الصحة ياملاك الحلوة هايلة وتبان
تشهى تسلم الايادى

الله يسلمك حبيبتي وشكرا لك على المجاملة احممم احممم
موش حوحو يشكر روحه مي صدقيني هاااايلة من جميع مجاميعها هاهاهاها

[ملاك ملاكي]

المشاركة الأصلية كتبت بواسطة chouchouta26

شكرا ربي يحفظك تبان هايلة هاهاهاها جاري التجريب

باااارك الله فيك لمرورك الطيب.... وان شاء الله نشوفو تطبيقك حبيبتي وحكمك عليها موفقة

[ملاك ملاكي]

المشاركة الأصلية كتبت بواسطة فردوس الرحمان

واش نقولك ملاك ربي يفرحك ، منسيتيش الوصفة وقدمتيها بالتفصيل ،. ربي يعطيك ما تتمناي ،. قريبا نحطلك تطبيقي اصبري نشري لمول برك معنديش هادو لي فيهم فوهة ،. Vraiment merci bcp

ربي يهديك حبيبتي بلا مزية العكس والله بالنسبةةليا درت فيك عييييت لاني طولت باه حطيتلك الوصفة مي ان شاء الله نشوف تطبيقك وتكون طووووب بحالك ياحلو..... موفقة حبيبتي موااااااحاااتي

[فردوس الرحمان]

انت الأحلى حنونة ،. غير نخرج نشري لي مول نجربو ، راه عندي حمى تاع نجرب ، والله كل يوم ندير حاجة ،. ههههه

[ملاك ملاكي]

المشاركة الأصلية كتبت بواسطة فردوس الرحمان

انت الأحلى حنونة ،. غير نخرج نشري لي مول نجربو ، راه عندي حمى تاع نجرب ، والله كل يوم ندير حاجة ،. ههههه

اوووو ذرك انت تشكري وتمدحي وانا نمدح مييييش فارية ولا كيفاااه هاهاهاها
نعرفك نحوووولة اااا مصيبة مام انا نموت على التلباز
خلاااص راني في انتظارك...... ايه قلتيلي عندك سلسلة تطبيقاتك مافهمتش ناوية طبقي ولا هلاااص طبقتي اذا اييييه اعطيني الرابط خلي نقرعج هاهاهاها

[فردوس الرحمان]

لالا نطبق بصح مانصورش rarement وين نصور ،. نطبق من المنتدى و حتى من سميرة وكاين في الفايسبوك ، ام اماني نطبقلها بزاف ، راهي رجعت سمعتي بها ،. اليوم درت بريوش لقيتو في اليوتيوب ، وكل مرة كيفاش ، كانت حاكمتني الخدمة دك راني قاعدة ، تقاعد مسبق ،. كل يوم حاجة ،. نهار الأربعاء، عندي عيد ميلاد ولد اخي دك نلبز ونعاود ،هههه

[ملاك ملاكي]

المشاركة الأصلية كتبت بواسطة فردوس الرحمان

لالا نطبق بصح مانصورش rarement وين نصور ،. نطبق من المنتدى و حتى من سميرة وكاين في الفايسبوك ، ام اماني نطبقلها بزاف ، راهي رجعت سمعتي بها ،. اليوم درت بريوش لقيتو في اليوتيوب ، وكل مرة كيفاش ، كانت حاكمتني الخدمة دك راني قاعدة ، تقاعد مسبق ،. كل يوم حاجة ،. نهار الأربعاء، عندي عيد ميلاد ولد اخي دك نلبز ونعاود ،هههه

فحلة فحلة اااانحولتي..... انا تاني نطبق بزاااف الام اماني وبالاخص الحلويات ولا مرة خسرتلي وصفة من وصفاتها ربي يعطيها ويمنيها.... اييييه والله ماتتصوريش فرحتي بعودتها خلاتنا كي اليتامى هاهاهاهاها
امممم نموي عل لي بريوش مي انا والمعجنات ماعندناش علاقة ملييييحة مع بعض هاهاهاهاها
عيد ميلاج سعييييد ان شاء الله العمر بكله وربي يخليك ليه ماكانش قد الخالة انا خواتاتي وعايلتي خلااااص سمحو فيا ويحبو وليدي واي حاجة يشروها لوليدي انا باااااح هاهاهاهاها
ربي يعطيك صحتك ويحفظك...... على فكرة انا ناعنديش فيس بوك مالا كاش جديد وبريزونتابل ماتنسايش اختك هاهاهاهاها

[ملاك ملاكي]

هاهاهاها عفوا والله قريت وليد اختك ماعليش عميمة اعتذر ربي يخليه عمارة البيت وتفرحي بكل افراحه ان شاء الله المهم الصحة والهناء

[oum islem]

ملوكة غير يرضى عليا المنتدى نرجع نشوف الحلوى وحلويات نفاسك
لي عودة للاستمتاع بالصور والتعليق