مسمن على اصولو من يدين لينا بالصور

لينا11 · 2013-04-29, 16:47

طلبو مني العسولات طريقة مسمن وها انا وفيت بوعدي كالعادة بالصور للامانة عجينة حطيتها تبات فالكيس اول مرة من صباح حتى لليل باش حضرتها

نضع كمية من سميد وفرينة وملح وملعقة سكر
ونجمع عجينة مانجريوهاش ونشمخو كيس مليح بالماء دافي ونحطو عجينتنا داخل ونربطوها مليح ونخليها من ليل للصباح ولا من صباح للقهوة تاع لعشية باش يطيب سخون

كي يقرب وقت تطيبيها بساعة خرجيها من كيس وعجنيها غير شوية وديري لها ماء دافي وخليها شوية مطلوقة ودخليها للكيس مرة اخرى بصح كيس يكون ناشف يعني عصريه مليح من الماء
وخليها ترتاح شوية

وخرجيها من كيس كي يحين وقت طيابها ديريهم لويزات وسرحي وطيبي وكولي بصحتك واستمتعي بالمدح ياعيني ياعيني سيدتي ممممممممم

المهم نجوزو ضرك للصور وقبلها دعوة تسر الخاطر ليا خاطرش تعبت في تصوير وتحميل ودعوة لصاحبة فكرة الكيس ممممممم

والان نجوزو للمقلي على طريقة امي ربي يرحمها نفس خطوات الولى نسرحو عجينة ونطبوقها على ربعة
بصح الان نقلوها في زيت غزير

مريومة دودي · 2013-04-29, 16:55

و اخيرا لي الشرف ان اكون اول من ترد على هاد الابداع و الله روعة تسلم ايديك اختي زرت المدونة تاعك و الله ف القمة ماشاء الله اختي لينا عندي طلب منك اعطيني طورطة تصلح لعيد ميلاد بصح ماعنديش الباتور اعطيهالي ساهلة

basmala farah · 2013-04-29, 16:56

اممممممممممممم مسمن وعليه الكلام الله يبارك

maramelmess · 2013-04-29, 17:00

ربي يرحم يماك و يسكنها الجنة آمين

الطريقة ديال المقلي رائعة
ربي يحفظك

لينا11 · 2013-04-29, 20:21

اقتباس:

المشاركة الأصلية كتبت بواسطة مريومة دودي

و اخيرا لي الشرف ان اكون اول من ترد على هاد الابداع و الله روعة تسلم ايديك اختي زرت المدونة تاعك و الله ف القمة ماشاء الله اختي لينا عندي طلب منك اعطيني طورطة تصلح لعيد ميلاد بصح ماعنديش الباتور اعطيهالي ساهلة

وانا ليا شرف ايضا تردي على موضوعي

المقادير :
03بيضات
03ملاعق كبيرة سكر
06ملاعق كبيرة حليب
06ملاعق كبيرة زيت
06ملاعق كبيرة فرينة
02ملاعق كبيرة كاكاو تاع ميزان
01خميرة
رشة ملح
نخلطهم مع بعض مليح بالترتيب ونزيد فرينة مخلطة مع كاكاو وخميرة فالاخير
الى الفرن 180درجة

قصيها على زوج وديري كريمة فالنص وزوقيها على حسب رغبتك

رحمة من المولى · 2013-04-29, 20:32

بي يخليك حتى انا شفت المدونة ربي يخليها في ميزان حسناتك

meriama13 · 2013-04-29, 22:20

الله الله على المسمن طريقة جديدة يعطيك الصحة

لينا11 · 2013-04-30, 11:42

اقتباس:

المشاركة الأصلية كتبت بواسطة basmala farah

اممممممممممممم مسمن وعليه الكلام الله يبارك

مرورك عسل عسولة

ام ضياء83 · 2013-04-30, 13:04

امممم روعة شهتيني

راجية غفران ربها · 2013-04-30, 17:54

ممممممممممممممممممممممممم لينونة راكي 44444444444444444444444444 و ربي يرحم يماك و يما و الله الك وحشة ممممممممممممممممممممممممممممممممموح عليك يا الشاطرة