شعيرية المدفونة / اكلة مغربية /

[أم يحي صهيب]

[CENTER][COLOR="Blue"]السلام عليكم واش احوالكم بخير
عجبتي هاي الاكلة وجربتها
الصراحة ذقتها عند حبيبتي عجبتني وبقيت نديرها وعجبت عيلتي
يا الله مرحبا بيكم

اللي ما فهموش الوصفة نحاول نفهمكم بالتفصيل
* تجيبي شوربة فرميسال
* تنقي 4بصلات/ تحرقيهم مليح مع زيت الزيتون ولا زيت عادي
* تضيفي توابل نتاوعك فلفل اسود زعفران ملح سكنجبير معدنوس
* نضيفو الدجاجة تطيب ونحيها ونقطعها طريفات

* نضيفو الزبيب يطيب مع البصلة ونطفي على المرقة ديالنا وتكون عاقدة ولا تفوري الزبيب مع البرقوق ونخلوه بجهة


* نديرو الفرمسال في كسكااس تفور
* بعد ما تكوني دهنتيها بالزيت
* كل ما تفور تفرغي عليها كاس ماء وترديها تفور حتى تحسي بيها راها طرات كامل

هنا تكوني خلصتي كل شئ


* تدهني الشعيرية نتاعك وتديريها في صحن
* تديري الدجااج
* ومنبعد الشعيرية

على ديك مسمية بالشعيرية المدفونة
* ومنبعد تشبحي بالزبيب والبرقوق
والبصلة المعسلة


نتمنى يكون الشرح وااضح

[ام ساجد]

يعطيك الصحة سارة هايلة

[natacabell]

مممم الله الله عليك يا سارة يعطيك الصحة

[mounia hse]

يعطيك الصحة و ربي يعطيك ماتتمناي

[hadjer mascara]

الله يبارك

[أم يحي صهيب]

شكرا عطرتم الموضووووووع

[انا حبة سكر]

يمي يمي الله الله عليك يا سارة يعطيك الصحة
وفكرة عين بقرا اول مرة نشوفها وتصلح معاها قوليلي ؟

[faizarbh]

يعطيك الصحة سارة باينة تشهي واااو نموت على الشعيرية

[أم يحي صهيب]

تجي هبال والله جربووها

[بريق الامل&]

روعة بارك الله فيك

[oum ibrahim]

يعطيك الصحة سارة ماشاء الله تشهيييييي طيابك فن و الله

[ام محمد78]

يعطيك الصحة رااااااااااااااااائعة

[أم يحي صهيب]

شكرا حبيبااتي على المررررور

[<نَجْمَاتْ>]

ما شاءالله سارة اطباقك كلها كلها رائعة وراقية ومشهية سلمت يداك حبيت برك نعرف واشيهو وا اللي حطيتيه مع الزبيب لونه اخضر في الطبق الاخير وجزاك الله كل خير وناولك مرادك

[الأمنيات]

الشعيرية اختي هي الشربه اي الفارميسال تاعنا العادية
ولا كاين وحده خاصة
عجبتني الوصفه اشرحي لي مليح حتى نجربه
يعطيك الصحة