3 أيام للتحضير النفسي..

[souhmed]

السلام عليكم و رحمة الله
اصدقائي طلبة بكالوريا2014 اقتربت ساعة الحسم و اتمنى ان ان يكون الجميع قد اعد لها، في هاته الايام المتبقية اخي الطالب اختي الطالبة حاول ان تحضر فيها تحضيرا نفسيا فالجانب النفسي هو المتحكم في الطالب يوم الامتحان أعرف انك الان تشعر بما شعر به اي طالب اجتاز هذا الاختبار تحس بانك نسيت ما درست و ان حجم ما درست لا يكفي ... فقط هذه احاسيس عابرة تصيب اي طالب مهما كان مستواه ما عليك الا ان تحاربها بالتفاؤل اليس ذلك افضل من ان تستسلم لها، ولانه محتم عليك ايها الطالب ان تنتابك احاسيس مختلفة في هذه الفترة فلما لا تكون احاسيس تزيد من معنوياتك بدل اخري تحبطها حاول في هذه الايام ان تمرح و تتنفس بدل ان تخنق نفسك بالمراجعة المثقلة
ماهي الا ايام وتنقضي فاتمنى ان تنطوي على خير و تكون اسعد ايام حياتكم اتمنى ان ان تكونوا تحت رحمة مصيرين اما النجاح او النجاح و اتمنى ان تسعدوا ابائكم وامهاتكم بخبر نجاحكم
اتمنى ان يكون قادم الايام عليكم خيرا

[طالبة مساعدة]

بارك الله فيييك

[Ranou.16]

بارك الله فيك أخي
و الله العظيم غير مورالي كان هابط بصح ملي قريت هاذ الكلام عرفت بلي هاذا ما يكون غير امتحان بسيط
يعطيك الصحة طلعتلي المورال
و ان شاء الله ربي ينجحنا كامل

[Nacati]

والله غير صح ربي يحفظك يااخي
وانشاء الله النجاح للجميع يارب

[وليد.هندسة كهربائية]

ربي يوفقكم اخواني
انا اجتزتها بنجاح في 2010

لازمك تمشي خطوة خطوة في الامتحان يعني غدوة تعدي عربية لازم تركيزك كله على العربية ومتخمم في حتى حاجة اخرى غيرها وانسى كلش
تفوت العربية انتقل للمادة التالية

اذا خدمت مليح في المادة الاولى استغل النقطة الايجابية هذه وخليها تحفيز ليك لباقي الامتحان وطلع المورال
نقص الحديث خلال فترة الامتحان وخليك مركز برك على الامتحان ----انا وقتها من الدار لقاعة الامتحان منخرجش من الدار -----

عمبالي بيها ومنكذبش عليكم الامر صعب ومربك لكن اصبر اصبر ثم اصبر
ادعي الله صلي وثق في نفسك وحلمك ستصل ان شاء الله


ربي يوفقكم كامل

[joy soma]

بارك الله فيك خويا
صح انا خايفة ومتقلقة و حاسة روحي ناسية اللي حفظت وربي يستر
وانا اليومين هادي اللي بقوا نرتاح فيهم ونخرج نوسع على بالي..شوي راني من الدار مخرجتش
هههههه حتى المشي نسيتو كيفاه ...
وليلة الامتحان راجع مراجعة خفيفة في العربية وخللاص


وربي ينجحنا برك

[aguiro]

ربي يوفقكم

[سهيلة جنا]

ربي يحفظك اخي الكريم ان شاء الله ياربي ننجحو هادي المرة ونتهناو ياربي نفرحو والدينا لي راهم يستناو فينا بفارغ الصبر ان شاء الله ياربي منخذلوهمش بادن الله تعالى بتوفيق للجميع يومين فقط على الامتحان المصيري الله يستر