موضوع مميز تفضلوا صور عزومتي تاخذو افكااار

ام رويدة · 2016-03-17, 14:35

السلااام عليكم ورحمة الله
حضرت عزومة للفطور حبيت نشارككم بيها بلاك تدو افكار...المهم درت شربة فريك ومونشون ورولي الدجاج واللحم المفروم بالزيتون والشومبينيون مرقة بيضا طبعا ودرت جاج محمر مرفوق بطاطا مقلية وارز بصوص الدجاج..طاجين الحلو حميس سلطة
تعمدت ننوع بين الاطباق الرءيسية درت واحد ناشف وواحد مرق يعني خير كل واحد وش يحب درت تان مونشون بكريمة الجبن تان حبيت نبدل ونبعد على المقبلات اللي فيها لحوم كالبوراك او الكيش مثلا لان الاطباق غنية باللحوم
الخبز درت تاع ام اماااني روووعة روووعة ربي يبارك فيها ما نقدرش مانهدرش عليها ربي يرجعها بالف خير يااارب
التحلية درت غير كريم كراميل تان تاع الغالية ام اماني وقدمتو مباشرة مور الفطور مع اتاي هدا ماكان لاخاطر ضيافي راحو مباشرة مور الفطور
نبداو بالكواليس ومبعد التقديم بسم الله على بركة الله تفضلو

نتمنى يعجبووكم وارى تفاعلكم واي استفسار حول الوصفات اوما شابه انا في الخدمة....والسلام عليكم

ام سراج وملاك · 2016-03-17, 15:07

مشاء الله عليك اختي ام رويدة ماهيش حاجة جديدة عليك اطباقك دائما متميزة بصحتكم وربي يدومها نعمة للجميع

ام ايمان 11 · 2016-03-17, 15:09

يعطيك الصحة كل شي رووووووعة تسلم ايديك .

ام عبدو و ملاك · 2016-03-17, 15:09

الله يبارك كلشي بالطبع بارك الله فيك وزاد في رزقك
برك سؤال الرولي تاع الدجاج كيفاه طيبتيه والوصفة تاع المونشو ادا حبيتي وبصحتكم

omjoujou · 2016-03-17, 15:27

الله يبارك ويزيد عزيزتي ام رويدة كلش بالطبع والشان دبروها ضيافك قلشتيهم تاع الصح خسارة ماكنتش منهم هههه
اكيد تستاهلي احلى تقييم منيى

شوق الليالي · 2016-03-17, 15:50

عزومة بالطبع يعطيك الصحة ياسعد ضيافك كون غير كنت وحدة منهم خخخخخخخخ

أم الحبايب 26 · 2016-03-17, 15:53

بصاحتهم ضيافك راكي مشالله مرا ونص

حياة نور الدين · 2016-03-17, 16:11

اطباقك دوماااا متميزة الله يخليلك اديك الحلوين وكلشي تحفة ويشهي

om inas · 2016-03-17, 16:50

الله يبارك فيك عرضة ما شاء الله

انا هي رزيقة · 2016-03-17, 16:50

هذي ليقولولها عرضة و عليها الكلام خموس و خمسة عليك يا احلى فحلة . ربي يحفظك من العين اختي ام رويدة . انا ثان حبيت نعرف طريقة المونشون يشهي وشكرا مسبقا

أم ياسين الزهراء · 2016-03-17, 17:27

انا غايضني الحال من زوج حوايج اولا وعلاش مامديتيليش ندوق ياخي على بالك نحب ندوق ووعلاش ماعرضتينيش الله يبارك من صابني الاولى اللي جاتك ههههههههههههه ربي يحفظك ويخليلك صحتك يافنانة كلش متول بالشان والطبع

اعطيلي طريقتك في ليمونشون وشكرا

karimazaki · 2016-03-17, 18:02

ماشاء الله عليك راك شاطرة

فرح 97 · 2016-03-17, 18:16

بارك الله فيك

om kamilia · 2016-03-17, 18:28

الله يبارك كل طباقك رئعة خسارة ما نتش من ضيافك لكان كليت وشبعت

جازيا ام البنات · 2016-03-17, 19:04

تبارك الله كلشي زوين ويشهي ربي يباركلك فهادوك اليدين قد مانقول قليل ماشاء الله