النصح من فضلكم

[مشكلتي]

حابة تصحوني تنوروني تفيقوني لا راني غالطة
تقدم واحد لخطبتي هو يعرفني وانا لا لا هدرت يماه مع ماما وانا شغل راني حايرة نقبل ولا نو خاطر ماقنعتنيش خدمتو رغم انها خدمة شريفة المشكل الوحيد عندى خدمتو رغم ان شكرولي في اخلاقو وعلابالي بلي الرجل يتقاس بدينو وتربيتو بصح الله غالب بقيت غير نخمم في هادي النقطة خايفة لا نوافق باش يجي يشوفني ويهدر معايا ومبعد نقول لالا خاصة انهم من اقارب امي كيما خايفة لوكان نقبل وتبقالي العقدة حتى بعد الزواج وخايف تني بالاك ربي عطاني نعمة وانا نرفضها فيغضب عليا انا الحمد لله مؤمنة بقضاء الله وقدره راني نصلي في صلاة الاستخارة بلاك البعض راح يهاجمنني ارجو عدم التجريح مانيش متكبرة متواضعة لاقصى الحدود بصح الله غالب كل واد كيفلش داير وبلاك تعتبروها حاجة تافهة ولا ثانوية بصح انا نفكر ليل نهار فيها

[نور لاتراه]

السلام عليكم
من حقكِ وضع شروطكِ
لكن
على اسس واضحة
ثم لم تذكري المهنة لكن ذكرتي ماهو اهم منها وهو انها شريفة
ما يشكل هاجسا الان هو الدخل الزهيد
لكن تذكري وضعي امام عينيك:

(وَأَنْكِحُوا الأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهُمُ اللهُ مِنْ فَضْلِهِ وَاللهُ وَاسِعٌ عَلِيم)
فالله هو الرزاق
وكم من غني اصبح فقيرا بعد زواجه والعكس
لستُ افرض عليكِ رايا لكن ادرسي الامر جيدا
ويبقى حقك الرفض او القبول
ولاتنسي استخيري
بالتوفيق

[محمد غيزة]

السلام عليكم
اختي الفاضلة استخيري الله سبحانه وتعالى وكوني متاكدة ان كان في هذا الزواج خير سوف تطمئنين له ويوفقك الله اليه
بالنسية للخاطب ان قلتي انه رجل ذو اخلاق ولم يعجبك عمله ربما كنت تحلمين بشيء اكثر او عمل مرموق بدخل جيد
ولكن با اختي اعلمي ان السعادة الزوجية ليست بالمال وخاصة ان رزقت الزوجة بزوج صالح فذلك المال بحد ذاته لانها ستعيش معززة مكرمة ولو بقليل من المال
استخيري اللله وكوني متقينة ان فوضت امرك لله فسوف تجدين الحل بدون ان تحسي
وفقك الله ورزقك بالزوج الصالح

[ابو ارسلان]

طرح المشكلة غير مكتمل لان النقاش هنا رايح يقوم على خدمتو !
شوفي يا آنسة: اذاكانت هذي الخدمة رايحة تأثر على حياتكم الزوجية او على تربية الاولاد مثلا الغياب الطويل على البيت او مثل عمل ليلي ربما يكون عندك حق ترفضي...
لكن اذا كنت تشوفي العمل تاعو رايح يعايروك النساء بيه مثلا كناس او مونيفري او غيرها فانت مخطئة 100/100
الكناس هو اشرف الناس و لو كنت مسؤول في دولة نسلملو على يديه لانو ينظفنا في بيوتنا و طرقنا
العمل الشريف الحلال هو سر البركة و الزواج و الولاد بالمال الحلال مهما كان العمل فيه خيركثير..

و على كل حال هذا الامر يخصك انت و اذا كان عندك تردد والا خايفة على مركزك خلي الراجل ربي يرزقو من جهة أخرى.

[*الجنرال*]

اختي الكريمة هنا العضوية و معلوماتك لا تظهر،،، و لهذا يجب عليك اعطاءنا مهنته حتى نساعدك و ننصحك بوضوح

[فاطمة شلف]

السلام عليكم ورحمة الله وبركاته
ياابنتي الرجل والله مايتعيب اذا كان متخلق ويعرف قمة المراة
العمل شريف المهم يكون حلال
تحياتي

[salamsi]

ربي يرزقك بالزوج الصالح.

[amira19]

وش يخدم؟؟ لازم نعرفو باه نقدرو ننصحوك اختي يعني مثلا يقدر يكون agent de securité يغيب عليك ف الليل مثلا و انت علابالك بلي ما تقدريش لهاد الوضعية ولا جدارمي مثلا
يعني جوابنا يكون على اساس نوع الخدمة
و حسب وش راني نشوف لي ما تكونش قانعة بالراجل ف حاجة تبقى هاديك الحاجة ديما منغصتلها حياتها
الزواج السعيد هو انك تقبلي بواحد الراحة النفسية و تحسي بلي هدا هو نصفك الاخر

[زبدة ذايبة]

بالنسبة ليك انتي لوكان يجي يخطبك واحد الخدمة تاعوا مليحة تخلي الأول وماتكسريش راسك عليه نهائيا

ومايخطرش في بالك أنه جاتك نعمة من عند ربي ، وأنه رايح يغضب عليك

هذ الحسابات اللي دافعتي على روحك بيها حتى قبل مانقراوا موضوعك هي اللي موجودة حقيقة في نفسك

صفة التواضع اللي شكرتي روحك بيها ماعندكش للأسف !!!!!!!!!!!!!!!!

حبيتي تقنعينا بيها لأنك أنتي بالذات ماراكيش مقتنعة بيها

إذن

رانا واضحين ونخلوا الكلام على المكشوف حتى مايصراش الخطأ من جيهة الناس اللي يساعدوك في مشكلتك

ومن جهة ثانية ليك انتي حتى ماتغلطيش روحك

انتي يهمك البريستيج والمكانة الاجتماعية وهذا نقدر نقول هو حقك ، أو وجهة نظرك مانقدروش ناقشوك فيها ( أنت حرة)

لكن

تحولي شخص إلى bouche trou هذا مانقبلوهش منك

الراجل جاي يقصد أهلك للزواج ويعرفك ويعرف عائلتك

انتي ماراكيش قابلة بالخدمة اللي راه يخدم فيها بالتالي ماراكيش قابلة بيه

من جيهة ثانية

طلعتي لحساب تاع ممكن يكون هذا آخر فرصة ليك أو فرصة ممكن ماتتكررش بناءا على قلة الخطاب

هذا هو المشكل تاعك

راكي رافضة الشخص لأنك تحوسي على واحد يكون مكتمل من كل النواحي المادية والاجتماعية (الدين والأخلاق على مايبدوا المرتبة الثانية)

وراكي خايفة ضيعي الفرصة من يدك.

وانا نقولك حاجة

إذا ماراكيش مقتنعة بوظيفة هذا الخاطب من ضرك قوليلوا لالالالالالالالالالالالالالا

وخليه يروح لبنات ثانيات كاين اللي تقبل بخدمتوا وتعيش معاه

ماتكذبيش على روحك وتقولي أنا متواضعة

ماراكيش متواضعة ، راكي حابة تعيشي في إطار معين وهذا حقك

ماتظلميش الراجل تقبلي بيه وتهبليه وديريلوا المرارة والسكر وانتي ماشي عاجبك الحال من نهارك

قولي لماماك مباشرة مارانيش قابلة بيه

ويجيب لك ربي ماخير منو

ماتخدعي روحك ماتخدعي وليد الناس

مايهمش وش يخدم . المهم انتي ماراكيش قابلة بهذا النوع من الوظائف

ونزيدلك إضافة أو ملاحظة بسيطة

إذا كان عندك مؤهلات كبيرة علمية ، جمالية، مالية ، اجتماعية يكون عندك الحق تتمناي رجل عندو بريستيج وكاريزما

لكن إذا كنتي بسيطة في جمالك وفي مستواك التعليمي والاجتماعي ماتسنايش يجي يخطبك مدير شركة ، أو وزير أو ......

يعني في الغالب الخاطب يكون من المحيط اللي رانا عايشين فيه وعلى مستوانا يكون الخاطب غالبا

وش تشوفي في الأفرم والمسلسلات نسج خيال ، ووهم يبيعوا فيه للناس فقط

كي تجيك الفرصة تاع راجل صالح ماتفرطيش فيها

الرجل الصالح الوقت اللي رانا فيه يتوزن بالذهب ونشريوه بالمال

ومسألة الرزق والمال كلها من عند الله واحد ماجاب المالأو الأولاد بشطارتوا

انتي تعرفي روحك مليح. ماتغلطيش روحك أكثر من اللي راكي غالطة

ربي يهنيك

[الاريام]

المشاركة الأصلية كتبت بواسطة مشكلتي

حابة تصحوني تنوروني تفيقوني لا راني غالطة
تقدم واحد لخطبتي هو يعرفني وانا لا لا هدرت يماه مع ماما وانا شغل راني حايرة نقبل ولا نو خاطر ماقنعتنيش خدمتو رغم انها خدمة شريفة المشكل الوحيد عندى خدمتو رغم ان شكرولي في اخلاقو وعلابالي بلي الرجل يتقاس بدينو وتربيتو بصح الله غالب بقيت غير نخمم في هادي النقطة خايفة لا نوافق باش يجي يشوفني ويهدر معايا ومبعد نقول لالا خاصة انهم من اقارب امي كيما خايفة لوكان نقبل وتبقالي العقدة حتى بعد الزواج وخايف تني بالاك ربي عطاني نعمة وانا نرفضها فيغضب عليا انا الحمد لله مؤمنة بقضاء الله وقدره راني نصلي في صلاة الاستخارة بلاك البعض راح يهاجمنني ارجو عدم التجريح مانيش متكبرة متواضعة لاقصى الحدود بصح الله غالب كل واد كيفلش داير وبلاك تعتبروها حاجة تافهة ولا ثانوية بصح انا نفكر ليل نهار فيها

ان كنتي تامنين بالله تامنين بانه هو الرزاق و ان امنتي بهذه الكلمة كل شيء يفتح في وجهكي لا تفكري في رزقكي لاني و الله لو ان زوجي يشتغل عامل نظافة انا التي اغسل عنه الوسخ كل يوم المراة يا اختي تريد فقط الهناء و الاحترام و شخص يكرمها بالكلمة الطيبة و المعاملة الطيبة اما العمل رزق من الله و الله فقط الذي يتولاه كم كانو في اعلى المناصب و وجدو انفسهم دون اي شيء و بالنسبة لي فقير و رزقه حلال و لا غني و ياكلني الربا او الحرام