موضوع مميز مشاركتي في مسابقة وصفة تقليدية بلمسة عصرية - طاجين الزيتون

سيرين 5 · 2016-03-29, 09:23

السلام عليكم صديقاتي هاذي أول مرة نشارك في مسابقة من مسابقات الطبخ إن شاء الله تنال إعجابكم
أولا و قبل كل شيء شكرا لصاحبة الفكرة عجبتني كثيرا لكن من سوء حظي زوجي ما يحبش طاجين الزيتون و أنا راني ريجيم كيما علابالكم
لذلك قررت ما نخبرش زوجي بلي راح نطيب طاجين الزيتون لكن هو فضولي و يحب كرشو كل يوم يحب يعرف واش راح ندير للعشاء
طيبتو بالخميس الماضي قبل ما يصل للبيت كالعادة يتصل واش نجيب و واش راح نتعشاو ؟؟؟ قلتلو مفاجئة و طبعا راني نطيب صحي لذالك الطبق عملتو صحي مئة بالمئة

1- في طنجرة رابيت بصلة + دجاج + م ك زيت زيتون + ملح + فلفل أسود +شويا كمون و قليت البصل حتى ذبال بعدها حطيت حبات جزر مقطع دوائر يتقلى هو الآخر

2- بعد ما تقلى البصل و الجزر مرقت بماء ساخن و حطيت ورقتين رند و خليتها طيب في غرضها

3- في الأثناء قليت شويا فيوند آشي بالثوم و الملح و الفلفل الأسود و حطيت عليه زيتون مرحي منقوع في الماء مع قطعة خبز ليلة كاملة لكي تمتص الملح الزائد منه + معدنوس + شويا فلفل أسود + شويا كمون + م ك جبن طبيعي و نجمع بالبيض

4- استعملت هاذ الأشكال في طهي اللحم المرحي و الزيتون

5- هنا دهنتهم بشويا فقط زيت زيتون باش الوردات ما يلصقوش و يجو محمرين شابين و عمرتهم بالخليط تاع الزيتون و الفيونداشي و إلى الفرن

6- و هنا المرق طاب و أصبح عاقد و الدجاج دهنتو بشويا زيت زيتون و حمرته في الفرن

7- و في صحن حطي المرق و حطي وردات الزيتون و الفيونداشي و الدجاج و إليكم الطبق مممممم قدميه بالصحة و الراحة

و في الأخير استمتعي بأحلى عصير برتقال و بومبلوموس بدون أي إضافات ممممممممم

زوجي قالي واشنو هاذ الماكلة قلتلو من اختراعي بدا ياكل في الوردات قبل ما نسقي كي كلا و كمل و عجبو قلتلو هذا طاجين الزيتون بلمسة بنت اليوم هههههههه

om kamilia · 2016-03-29, 09:47

آممممم سرين الالوان وبنة ورشاقة مع عصير علاه معرضتنيش ياك علبالاك المفضل عندي بصحتكم و يسلموا يديك بالاكي تغرك البنة كملي برك هكا ان شاء الله تلحقي لمردك

سيرين 5 · 2016-03-29, 09:55

اقتباس:

المشاركة الأصلية كتبت بواسطة om kamilia

آممممم سرين الالوان وبنة ورشاقة مع عصير علاه معرضتنيش ياك علبالاك المفضل عندي بصحتكم و يسلموا يديك بالاكي تغرك البنة كملي برك هكا ان شاء الله تلحقي لمردك

هههههههه الله يسلمك أم كاميليا ، المرة الجاية مرحبا بيك نعاودهولك ماكاش مشكل كامل ههههههه

Oum Habouba · 2016-03-29, 10:11

سلمت يداك اختي وبصحتكم كامل العايلة والطبق راااائع ومتحوف بالتوفيق حنا الفايزين بشوفة اطباقك

سيرين 5 · 2016-03-29, 10:29

اقتباس:

المشاركة الأصلية كتبت بواسطة oum habouba

سلمت يداك اختي وبصحتكم كامل العايلة والطبق راااائع ومتحوف بالتوفيق حنا الفايزين بشوفة اطباقك

الله يسلمك أم حبوبة ربي يحفظك شكرا ، صح ما صدقت لحقت الثلاثاء باش نتفرج على الإبداعات الله يبارك أفكار بزاف هايلة ربي يكون مع لجنة التحكيم ههههههه

ام ايمان16 · 2016-03-29, 10:33

ماشاء الله اختي يعطيك الصحة على المجهود

سيرين 5 · 2016-03-29, 10:43

اقتباس:

المشاركة الأصلية كتبت بواسطة ام ايمان16

ماشاء الله اختي يعطيك الصحة على المجهود

الله يسلمك أختي شكرا بارك الله فيك

ام حمزة22 · 2016-03-29, 10:43

السلام عليكم

ممممم طبق يشهي

يعطيك الصحة على الفكرة بارك الله فيك
بالتوفيق

زينب 83 · 2016-03-29, 10:47

وصفة رائعة و تقديم رائع و كلامك عسل يا عسل
ابدعت بارك الله فيك

سيرين 5 · 2016-03-29, 10:49

الله يسلمك أم حمزة و فيك بارك الله شكرا و بالتوفيق لك أيضا و لكل سيدات المطبخ

سيرين 5 · 2016-03-29, 10:53

اقتباس:

المشاركة الأصلية كتبت بواسطة زينب 83

وصفة رائعة و تقديم رائع و كلامك عسل يا عسل
ابدعت بارك الله فيك

أووووه حشمتيني شكرااااااااااا بارك الله فيك على الإطراء زينب و فيك بارك الرحمان
زينب حبيت نقولك والله خسارة صور مواضيعك كامل ما يبانوليش ما علاباليش علاه ؟