مشكلتي تغيرت حياتي اليومية

[مشكلتي]

السلام عليكم ورحمة الله وبركاته

انا شاب عمري 26 سنة جامعي
مشكلتي هي انني عندما بدات العمل منذ حوالي 3 سنوات تغيرت حياتي واصبحت مملة
وروتينية و اصبحت مثل حياة الكهل
بعدما كنت امارس الرياضة خاصة كرة القدم وكنت نشيط واجتماعي مع اصدقائي
اصبحت متكاسل وانتظر نهاية اليوم ثم نهاية الاسبوع ثم نهاية الشهر بفارغ الصبر
واصبحت اتكاسل ولا اجتمع باصدقائي كثيرا
عملي لا احبه لانه ليس في اختصاصي
وبسبب طبيعة عقد عملي الذي هو في اطار عقود ما قبل التشغيل
كرهت منصبي والذي هو اقل من مستوى دراستي
تجد العمال بدون مستوى في مناصب عالية
خاصة النساء منهم
عقدي باقي عليه شهر فقط لااضن انهم سوف يجددون لانهم يدخلو معارفهم
اموري الدينية الحمد لله اصلي واصوم وكل شيئ الحمد لله

اموري العاطفية غير مرتبط
كيف ارتب وانا اعمل باجر محدود يعرضون عليا البنات واحدة اختها واحدة جارتها واحدة فاميلتها
ولا يفهمون انا اموري غير ميسرة

يا ربي سهل عليا وفرج عليا

على الاقل ادعولي

هاذا اختصار لمشكلتى والتي اضنها مشكلة الكثير من الشباب

[mounyabiskra]

ربي يفتح عليك بيبان الخير ان شاء الله, ما تقنطش من رحمة ربي يا اخي, و متخليش وقت الفراغ, دير رياضة اخرج مع صحابك, اعمل عمل اضافي في المساء بعد ساعات العمل, دير des formations , اشغل روحك مدامك صغير خطرش يفوتك الوقت و تندم....

[محمد جديدي التبسي]

الروتين مشكلة كبيرة أخي حاول تتعلم حرفة ما أو تجد عمل اضافي
أحيانا العقود المؤقته أفضل لأنها تتيح لك وقت أكبر ويمكن ان تعمل شيء اخر
لانك حتى لو توظفت بعقد دائم وكان راتبك ضعيفا ستعيش في معاناة أكبر لذلك العمل الخاص او الحرفة افضل..
..لا تضيع وقتك في التفكير والتسويف..
ربي يوفقك أخي

[عائشة قدوتي]

و عليكم السلام و رحمة الله
الله هو الرازق و ليست " المعريفة " توكل على الله و الرزق بيده أنت فقط خد بالأسباب
بالنسبة للروتين حاول تنظيم وقتك و إيجاد وقت للراحة و الرياضة
بالنسبة للزواج سنك صغير لا تفكر فيه حتى تجهز نفسك و تستقر ماديا
اسال الله أن يفرج همك و يرزقك من حيث لم تحتسب بغير حساب

[Ghost happiness]

ربي يفرج علينا وعليك وعلى امة الحبيب صل الله عليه وسلم

[محارب الحمق]

كن متأكدا أن حال نسبة كبيرة من الشباب كحالك, والله لان حكاية توظيف النساء على حساب الشباب في كثير من الاحيان لاعتبارات شخصية ستكون اثارها وخيمة على المجتمع على العموم. أنا لست ضد عمل المرأة بشكل عام ولكن ما نلاحظه اليوم هو الفساد عينه, والاثار ظهرت والاتي لا يعلمه الا الله. استرزق يا أخي ودع الايام والاقدار والارزاق يسيرها الرحمان كيفما يشاء. أنا احس بك. فترة العشرينيات هي المرحة التي يريد الشاب فيها الزواج بشدة ولكن مع مرور الوقت يبدأ رويدا رويدا شغفه هذا يخفت بل أحيانا يفتح الله عليه لكنه يعزف عن الزواج لانه كما يقول الجزائريون 'برد القلب' وفي مقابل هذه البرودة من الرجال الذين عانوا الامرين في عشرينياتهم تجد نساء اجتزن الثلاثين احترقن وتقطعن وذبلن والله المستعان

[أنور]

المشاركة الأصلية كتبت بواسطة محارب الحمق

كن متأكدا أن حال نسبة كبيرة من الشباب كحالك, والله لان حكاية توظيف النساء على حساب الشباب في كثير من الاحيان لاعتبارات شخصية ستكون اثارها وخيمة على المجتمع على العموم. أنا لست ضد عمل المرأة بشكل عام ولكن ما نلاحظه اليوم هو الفساد عينه, والاثار ظهرت والاتي لا يعلمه الا الله. استرزق يا أخي ودع الايام والاقدار والارزاق يسيرها الرحمان كيفما يشاء. أنا احس بك. فترة العشرينيات هي المرحة التي يريد الشاب فيها الزواج بشدة ولكن مع مرور الوقت يبدأ رويدا رويدا شغفه هذا يخفت بل أحيانا يفتح الله عليه لكنه يعزف عن الزواج لانه كما يقول الجزائريون 'برد القلب' وفي مقابل هذه البرودة من الرجال الذين عانوا الامرين في عشرينياتهم تجد نساء اجتزن الثلاثين احترقن وتقطعن وذبلن والله المستعان

+111111111111

[قدور بن عاشور]

أحسن فترة للبحث عن العمل هي لما تكون تعمل لأنك ستقدم على مقابلات التوظيف من موقع قوة بعكس لما تقدم و أنت بطال تبحث عن أي عمل فقط تخبي راسك.
لا أدري لماذا ضيعت 3 سنوات في مهنة لا تليق بك، إذا جددوا لك عقد العمل فانطلق للبحث عن ما يليق بك، إبدأ بالسيرة الذاتية عدلها على حسب كل وظيفة و أحفظ نسخة في جهازك مرفوقة بنسخة من إعلان التوظيف و هذا في كل مرة تقدم طلب. و لا تنس أن تطور نفسك، النت أمامك حمل التدريبات و استفد منها، تعلم الإنجليزية تحرك تحرك لا تكن جامدا.

[عثمان الجزائري.]

الروتين ليس له حل في بلادنا حتى و إن كان منصبك دائم، نصيحتي عقود ما قبل التشغيل لا تنخرط في أقل من مستواك لأنك ستحتاج لنقاط الخبرة في مسابقات على أساس الشهادة المتحصل عليها، الزواج ليس مرتبط بالدرجة الأولى بالمال فإن أردت أن تستعفف فالله يغنيك فإن وجدت ذات الدين فإظفر بها فإننا في معاناة، أصحابك إذا كانوا مثلك في الأخلاق فلا تتركهم و إن الصاحب هو الذي يقطع عنك الروتين...وفقك الله.

[نسيم الريح ش]

تقدر تقسم وقتك عندك الويكاند تقدر تمارس رياضة وبعد العمل تقدر تلتقي بصديق حتى لنصف ساعة مشي شرط نهار كامل وتتفرج برنامج قبل ما ترقد وما تخليش الروتين يسيطر عليك راح يقتلك نشا الله ربييفرج عليك بعمل ثابت وربي يرزقك زوجة صالحة

[sunshine2013]

أخي تقدر في المساء تزيد تخدم كاش خدمة نتاع اليد و تكون تحبها مثلا بريكولاج تريقلي البارابول تصبغ للناس المهم شوف حاجة تلها فيها و تنسيك في يومك الممل و من جهة أخرى مصروف زيادة باش تقدر تتزوج
و الرياضة تقدر تسجل كاين اللي راهم يديرو حتى للثامنة أو التاسعة ليلا كيما نتا دير الويكاند عندك مرتين في الاسبوع خير من والو و راني نشوف بزاف رجال في الحومة يوم الجمعة و السبت داخلينها رياضة خاصة كرة القدم و مرة على مرة برمج خرجات للطبيعة أنت و صحابك المقربين
نظن حاجة ساهلة خاصة بالنسبة للرجل عندو مطلق الحرية
و بالنسبة للزواج ، نتا شوف و ميز و كي يكتب ربي كلش يسهل كاين اللي عايش قد قد و فتح عليه ربي و كاين اللي ما خصو والو منصب عالي و سيارة و منزل و مازال ما تزوجش، الزواج قسمة و نصيب
موفق أخي

[mon mari]

حال معظم الجزائريين

[fatima tappila]

أخي الكريم الناجحوووووون في الحياة كلههههم بداو من الصفر
نروحو للفقي الله يرحمو كان عندو ليسنس و يتكلم خمسة لغات و بدأ بغسيل الماعين لييييش لانو هدفو كان على مدير الفندق غي بالشوية حتى أصبح المدير
يعني يا حبيب أمك ماتخليش تفكيرك سلبي و ماتقولش ماهوش تخصصي خليك مستمع بالعمل و كونك مبادر و هي آخرها تجربة و خلي هدفك أسمى
و بالنسبة للزواج ماكاش لي رآه مقلقك و شوف خدمتك و ركز فيها و مازلت صغير و أياك تقولك وحدة نصبر معاك قولها صبري بعيد ...
ربي يسهل

[blanche rose]

المشاركة الأصلية كتبت بواسطة fatima tappila

أخي الكريم الناجحوووووون في الحياة كلههههم بداو من الصفر
نروحو للفقي الله يرحمو كان عندو ليسنس و يتكلم خمسة لغات و بدأ بغسيل الماعين لييييش لانو هدفو كان على مدير الفندق غي بالشوية حتى أصبح المدير
يعني يا حبيب أمك ماتخليش تفكيرك سلبي و ماتقولش ماهوش تخصصي خليك مستمع بالعمل و كونك مبادر و هي آخرها تجربة و خلي هدفك أسمى
و بالنسبة للزواج ماكاش لي رآه مقلقك و شوف خدمتك و ركز فيها و مازلت صغير و أياك تقولك وحدة نصبر معاك قولها صبري بعيد ...
ربي يسهل

جزاك الله كل خير أختي فاطمة على ردك القيم..

أخي صاحب الموضوع
في الدول المتطورة يخدمو نساء ورجال وما خلاصوش مناصب العمل..
في بلادنا كل واحد يعس خوه..يكون عندو واش يكون ما يعجبوش الحال..
كل واحد يشوف فلان وفلانة وواحد ماهو لاهي بروحو والا بتحسين أمورو
غير علاش انا هاك وهذاك خير مني؟!!!!
والكارثة واحد ما راهو متهني.. وواحد ما يعجبو الحال
بكري..كل واحد قانع وفرحان بشغلو
ضرك الشوفور يقول علاش انا شوفور وهذاك مدير
القاري يقول لوكان ما قريتش خير ..اللي ما قراش خير مني
اللي ما قراش يقول لوكان قريت خير..
وكل واحد فيهم عندو نعم ممكن اللي راهم يتمناو يكونو كيفو راهو يتمناهم..
واحد ما هو حامد ربي
وواحد ما عجبو الحال
كامل حابين يكونو رياس

وناسيين بلي ربي اعطى لكل شخص نعم لا تعد ولا تحصى
ولكل واحد دور لازم يأديه بصدق باش ربي يباركلو


وبخصوص الدين وكذا..شوف لقلبك واحكم
لأن القلب هو الأساس
اذا تصلي وتصوم ووو وقلبك قاسي وكذا فراجع نفسك



بخصوص النجاح..كل الناجحين بدون استثناء خدمو في ابسط المهن..
وبالتالي عندهم خبرة في كل شيء ويعرفو طريقة تفكير مختلف فئات المجتمع..

أما بخصوص لا روتين علابالك وعلابالنا كامل بلي هاذ النقطة أنت اللي تحددها..
اذا حمدت ربي واقتنعت وقلت في نفسك الغد أفضل فسيكون أفضل
أما اذا كرهت روحك وحياتك فستسوء الأمور

لاحظ في ديننا الحنيف هناك تركيز كبير على النية
اذا جينا نصومو رمضان لازم ننوي الصيام اولا
اذا جينا نصليو
اذا..اذا..
هذا يعني أنو لازم تنوي باش تهيء جسمك وعقلك لفعل أمر معين..
فماذا نويت أخي؟؟
نويت العمل لمستقبل زاهر أم أقفلت كل أبواب الأمل؟؟

باختصار..انوي تنجح..تنجح.
https://www.djelfa.info/vb/showthread...post3994997441
ربي يوفقك

[عائشة قدوتي]

المشاركة الأصلية كتبت بواسطة blanche rose

جزاك الله كل خير أختي فاطمة على ردك القيم..

أخي صاحب الموضوع
في الدول المتطورة يخدمو نساء ورجال وما خلاصوش مناصب العمل..
بخصوص النجاح..كل الناجحين بدون استثناء خدمو في ابسط المهن..
وبالتالي عندهم خبرة في كل شيء ويعرفو طريقة تفكير مختلف فئات المجتمع..

أما بخصوص لا روتين علابالك وعلابالنا كامل بلي هاذ النقطة أنت اللي تحددها..
اذا حمدت ربي واقتنعت وقلت في نفسك الغد أفضل فسيكون أفضل
أما اذا كرهت روحك وحياتك فستسوء الأمور

لاحظ في ديننا الحنيف هناك تركيز كبير على النية
اذا جينا نصومو رمضان لازم ننوي الصيام اولا
اذا جينا نصليو
اذا..اذا..
هذا يعني أنو لازم تنوي باش تهيء جسمك وعقلك لفعل أمر معين..
فماذا نويت أخي؟؟
نويت العمل لمستقبل زاهر أم أقفلت كل أبواب الأمل؟؟

باختصار..انوي تنجح..تنجح.

ربي يوفقك

اهلا بعودتك أختي افتقدنا تواجدك في القسم